Lewitikɔso 26:16 - AHYERƐLƐ KRONGRON

¹⁶ bɔ me koso ngɔfa ngɔyɔ ɛmɔ ɛhe: ngɔmaa asane kandinga kɔto ɛmɔ; anwonyerɛ koangɔ kɔbɔ ɛmɔ, yeɛ ebunu bɔ ɔma bɛ nye yɛ wusiwusi ná ɔma sona ngoa so te ɔ kɔhye ɛmɔ. Sɛ ɛmɔdua nningyein a, ɛmɔkɔfɛ bekogua mbaen, ofikyɛ ɛmɔ pɔfoɛ mɔ yeɛ bekoli ɔ.

Lewitikɔso 26:16 Iomraidhean Croise

1 Ahemvo 8:37

“Sɛ ɛhɔen piri, anaa ɛhawo piri, anaa fieso nningyein kesenɛ, anaa asukuo, anaa mmɛbɛ, anaa nduro ba maen ye anu; sɛ bɛ pɔfoɛ mɔ kã bɛ mia wɔ bɛ nguro ne biala so sɛ ɛhawo piri anaa anwonyerɛ biala to bɛ,

YOB NWOMAA NE 18:11

Ahunundetelɛ kɔtɔ ye so wɔ nekaa biala, na ahunundetelɛ kɔfoa ye koli ye si.

YOB NWOMAA NE 20:25

Agyaen ne sina ye fite, ye noa ne sina ye abɔwee nu fite, na ewue nwo suronyi tɔ ye so.

YOB NWOMAA NE 31:8

ye de maa nnua ma sona foforɛ oli, yoo, ye de ma me bosofoɛ bɛ boso onua.

Edwein 109:6

Ye bɔnefoɛ maa ɔho tia ye; ma Abɔnzam ogyina ye sa famaa so.

Edwein 73:19

Nea, b’ayieleɛ yie bɛ mvum nu, bɔ amaneɛ ama bɛ boso anua koraa!

Edwein 78:33

Yiti ɔpɛle bɛ ngoa so kyɛ nwomeɛ, bɔ b’afoɛ bɔ wahã ne ɔɔyɛle ahunundetelɛ ɔ.

Ɛksadɔso 15:26

Na Mose hane kyɛ, “Sɛ ekotie AWURADE wɔ Nyameɛ dwirɛ, ná ayɔ bɔ ɔsɔ ye nye, ná ali ye mmeraa dwirɛ ne ye ahyɛdeɛ mukoraati so a, ye de anwonyerɛ bɔ nde nguale Misraimfoɛ so ne, mengɔte nu biala ngogua wɔ so; ofikyɛ me ole AWURADE, wɔ safoɛ ne.”

Anyandera 3:33

AWURADE ɛnomalɛ wɔ bɔnefoɛ awuro nu, nakoso nekaa bɔ teneneeniɛ te de, oyira berɛ.

Yesaya 10:4

Ɛmɔkokundukundu berɛ wɔ kukunufoɛ nemɔ anu, anaakyɛ bekohu ɛmɔ bɛkɔfra bɛ bɔ batotɔ ne. Na ɛhemɔ amukoraa nu ne, AWURADE ahone ngɔtɔ nzue nu, na okodwɔso kotia bɛ.

Yesaya 62:8

AWURADE afa ye sa famaa ne ye tumi asaa ne wata ndaen kyɛ, “Amba, mengɔfa w’aburoo mengɔma wɔ pɔfoɛ mɔ ma ɔngɔyɛ b’aleɛ ko, yeɛ amanvrafoɛ koso, bɛngɔno wɔ nzaa bɔ afɛ wɔ nwo ayɛ ne ko.

Yesaya 7:2

Na bɛbɔle Dawide awuro ama mɔ amaneɛ kyɛ, “Siria ne Efraim bayɛ apam” nen, Yuda hene Ahase ne ye mmenia bɛ nwo wosole bɛ tɛtɛtɛtɛ kyɛ ɛhɔayeɛ nu mmakaa bɔ mvrama woso bɛ ɔ.

Yeremia 12:13

Balua atokoɔ, nakoso bate mmowue, bafɛ alaa, nakoso bannya ye nwo mvasoɛ biala. Ɔnate AWURADE yaa piri bɔ wafɛ ne ati, ɛmɔ fieso nningyein bɔ ɛmɔkonya ye ne, ɔkɔyɛ bɛ fɛre.”

Yeremia 15:3

“Na ɛhawo ahoroɔ nna yeɛ ngɔprapra ngogua bɛ so ɔ, AWURADE noa dwirɛ ɛne. Bɛ ole ngrandɛ bɔ okohũhũ bɛ ɔ, ngyea bɔ bɛkɔtete bɛ naen ɔ, yeɛ ewienu nnomaa ne aseɛ so ngaka aboyaa bɔ bekohũhũ mmenia ná bɛkɔtete bɛ naen ɔ.

Yeremia 15:8

Mama b’akunafoɛ mmrasua mɔ basone pee batra mboanoa anweaa; mama bɛ bɔ bekũkũ mmenia ne, bahɔ mmerandeɛ mɔ bɛ ni mɔ so eyiagyina. Mama aworabɔlɛ ne ahunundetelɛ atɔ bɛ so mvum nu.

Yeremia 20:4

Ofikyɛ bɔ AWURADE kã ɛhe: Tie, méfa wɔ meyɛ anwunanwuna nikye mema wɔ bɔbɔ wɔ nwo, ɔne wɔ mmango mɔ amukoraa; na bɛkɔtotɔ bɛ pɔfoɛ mɔ ngrandɛ noa wɔ aberɛ bɔ wɔ nye tua ɔ. Na ngɔfa Yuda amukoraa ngowura Babilɔn hene sa. Ɔkɔhye bɛ nnure kɔsoa bɛ kɔhɔ Babilɔn, na ɔkɔfa ngrandɛ kohũhũ bɛ.

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Hesekiel 24:23

Ɛmɔkɔbɔ ɛmɔ abotire, yeɛ ɛmɔkowura ɛmɔ mbaboa. Ɛmɔngɔbɔ awuye, yeɛ ɛmɔngosu, na mmom ɛmɔkoli aworabɔlɛ bekonwu ɛmɔ amumuyɛɛ nwo amaneɛ, na ɛmɔkɔpenepene bekohyirehyire ɛmɔ nwo ngoko ngoko.

Hesekiel 33:10

“Na wɔ, Sona awa, se Yisrael awuro ama kyɛ, Ɛmɔnwa: ‘Yɛ mmeraatolɛ ne yɛ bɔne wabu watia yɛ, ye sɔ ati yeɛ onyie yɛ yé ye; na ɔkɔyɛ sɛɛ né yanya ngoa?’

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Mika 6:15

Ekolua, nakoso engonya so aleɛ; ekohwi olive mma, nakoso engonya ye ngoo ne bie ngɔfa ngɔpopa; ekohwi bobe mma, nakoso engonya ye nzaa ne bie ngɔno.

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Sakaria 14:12

Na maen maen amukoraa bɔ bafa koɛ baatoa Yerusalem ne, ɛhawo he yeɛ AWURADE kɔprapra kogua bɛ so ɔ: Bɛ nwonaen kɔporɔ wɔ mmerɛ bɔ bɛtɛ gyigyi bɛ gya so ɔ, bɛ nye kɔporɔ wɔ bɛ nye tokuro ne anu, yeɛ bɛ temverema kɔporɔ wɔ bɛ noa nu.

Malaki 2:3

Tie, ngohwi ɛmɔ bosofoɛ bɛ nyunu, na ngɔfa bondua ngɔpete ɛmɔ nyunu, ɛmɔ aluolue ngaka bondua ne, na bekogyi ɛmɔ ne bondua ne bekogua.

Deuteronomi 28:51

Okohu wɔ nyɛmmoa mɔ koli ná wasa wali w’aseɛ so aleɛ kɔpem kyɛ ekowu ɔ. Ɔngɔma w’aburoo, nzaa, ngoo, anaa wɔ nandwie mmaa ne wɔ mmoaen mmaa ko po ngɔha, kɔpem kyɛ ɔkɔmaa ekowu ɔ.

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.

Hebrifoɛ 10:31

Na ɔyɛ suro kyɛ ɛkɔma Nyameɛ teasefoɛ ne sa kɔsɔ wɔ nu ɔ!

Maenbulɛfoɛ 6:11

AWURADE abɔfo hɔle ɔɔtenane Abieseniɛ Yoase eluii ne abo wɔ Ofra. Sɔ mmerɛ ne, né Yoase awa Gideon ɔboro atokoɔ wɔ kumaa bɔ betwi nzaa nu ɔ nu, ofikyɛ né ɔfa fea Midianfoɛ.

1 Samuel 2:33

Nakoso wɔ bosoniɛ ko nya ye ti didi nu po, na memaa ɔyɔ m’afɔleɛ bokyea nwo adwuma po a, okosũ alaa kɔma ye wora kɔbɔ. Na w’awuro ama mukoraa kɔtotɔ ngrandɛ noa.