Lewitikɔso 26:14 - AHYERƐLƐ KRONGRON

¹⁴ “Nakoso sɛ ɛmɔanyɛ sotie bamma me, ná ɛmɔanni mmeraa dwirɛ hemɔ amukoraati so,

Lewitikɔso 26:14 Iomraidhean Croise

2 Ahemvo 22:13

“Nwomaa he bɔ banwu ye ne, nu dwirɛ ne, ɛmɔhɔ AWURADE berɛ beebisa bɛma mene maen ne, ɔne Yuda amukoraa. AWURADE afɛ yɛ so yaa piri paa, ofikyɛ yɛ nana mɔ bandie nwomaa he anu dwirɛ, yeɛ edwirɛ amukoraa bɔ bahyerɛ ye wɔ nu kyɛ yɛli so ne, banni so.”

2 Aberɛso Dwirɛ 34:24

AWURADE nwa nyoo: Nwomaa bɔ bakenga bahyire Yuda hene ne, ɛnomalɛ amukoraa bɔ bahyerɛ ye wɔ nu ne, ngogyina so ngɔfa ye nwo musue ngɔto maen he ɔne nu ama so.

2 Aberɛso Dwirɛ 7:19

“Nakoso sɛ ɛmɔyakyi me si lilɛ, ná ɛmɔanni me m’ahyɛdeɛ ne me mmeraa dwirɛ bɔ mafa mama ɛmɔ ne aso, ná mmom ɛmɔkɔso nyameɛ foforɛ biemɔ bɛsɔne bɛ a,

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Anyandera 3:33

AWURADE ɛnomalɛ wɔ bɔnefoɛ awuro nu, nakoso nekaa bɔ teneneeniɛ te de, oyira berɛ.

Yeremia 11:8

Nakoso bandie me dwirɛ, yeɛ banyɛ asoɛ bamma me, na mmom bɛ mukoraa belili bɛ bɔbɔ bɛ ti piri bɛyɔle bɔne bɔ bekuro ɔ. Yiti apam he anu dwirɛ amukoraa bɔ nhyɛle bɛ kyɛ beli so, nakoso banni so ne, mbraprale nguale bɛ so.”

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 26:4

Kã kyire bɛ kyɛ, ‘AWURADE nwa nyoo: Sɛ ɛmɔanyɛ sotie bamma me banni me mmeraa bɔ mahyehyɛ mama ɛmɔ ne aso,

Yeremia 28:8

Ngɔmhyɛlɛfoɛ bɔ belili me ne wɔ yɛ nyunu moa bɛhyɛle ngɔm fi daa tete ne, bɛhyɛle ngɔm kyɛ koɛ, ɛhɔen ne ewue anwonyerɛ kɔwa maen maen pee ne ahennie mbiri mbiri mɔ so.

Yeremia 32:23

Na bɛwale aseɛ ne aso bɛɛfale. Nakoso bandie wɔ dwirɛ, yeɛ banni wɔ mmeraa ne aso. Na ahyɛdeɛ amukoraa bɔ ɛfa mane bɛ kyɛ beli so ne, banni so. Ye sɔ ati yeɛ aprapra musue he amukoraa agua bɛ so ye.

Yeremia 40:2

Awɛmvoɛ nemɔ aso safohene ne fale Yeremia hɔle ahameɛ, na osele Yeremia kyɛ, “AWURADE wɔ Nyameɛ yeɛ ɔhane kyɛ ɔkɔmaa musue he kɔto ɛwa ɔ.

Awuye 1:18

“AWURADE di be, ofikyɛ mayɛ ye mmeraa nwo lɔen. Maen maen amukoraa, mesrɛ ɛmɔ, ɛ́mɔtie, ná ɛ́mɔnea m’aworabɔlɛ ye. Bahye me ndaluwa mɔ ne me mmerandeɛ mɔ nnure bahɔ.

Awuye 2:17

Bɔ AWURADE yɛle ye adwene kyɛ ɔkɔyɔ ne, wayɔ, wama ye dwirɛ ne awa nu, Ahyɛdeɛ bɔ ɔhyɛ tole berɛ tete mmerɛ nu ne, ye ɛne: wadwiri wagua, na wannwu anwumvoin. Na wama wɔ pɔfoɛ ali wɔ nwo ahurusi, wama bɛ bɔ bekyi wɔ ɔ b’anwoserɛ agyina so.

Daniel 9:13

Kyɛbɔ bahyerɛ ye wɔ Mose mmeraa ne anu ne, musue he amukoraa atoto yɛ, nakoso yanzrɛ AWURADE yɛ Nyameɛ kyɛ onwu yɛ anwumvoin. Yɛhhwene yɛ nwo yɛffili yɛ amumuyɛɛ nwo, yeɛ yɛyyɛle yɛ adwene kyɛ yɛkotie wɔ nahorɛ ne ɔ.

Hosea 7:12

Sɛ bɛkɔ a, ngɔtrɛ me tɛen nu ngɔkata bɛ so, ngɔtete bɛ ngogua ase kyɛ ewienu nnomaa; ngɔhwe bɛ so, kyɛbɔ bɛ mmenia bate ne ala.

Lewitikɔso 26:18

Na sɛ ɛhe amukoraa si ye po, ɛmɔanyɛ sotie bamma me a, ɔnate ɛmɔ bɔne ti, ngɔhɔ so ngɔhwe ɛmɔ so mmɔhoɛ nzoo.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Asomafoɛ 3:23

Na sona biala bɔ wandie sɔ ngɔmhyɛlɛniɛ nen, bɛkɔye ye bekofi Nyameɛ mmenia ne anu, na basɛkye ye.’

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Yosua 23:15

Nakoso, nningyein paa bɔ AWURADE ɛmɔ Nyameɛ fa hyɛle ɛmɔ bɔ ne, kyɛbɔ ye mukoraa awa nu ne, sɔ ala yeɛ (sɛ ɛmɔanni nahorɛ a), AWURADE kɔma edwirɛ tɛɛ amukoraa kɔto ɛmɔ ɔ, kɔpem kyɛ okohũhũ ɛmɔ kofi aseɛ paa he bɔ AWURADE ɛmɔ Nyameɛ wafa wama ɛmɔ ne aso ɔ.

Maenbulɛfoɛ 2:15

Kyɛbɔ AWURADE bɔle bɛ kɔkɔ ná osa tale ye nwo ndaen hyirele bɛ ne, mmerɛ biala bɔ bɛhɔle koɛ ne, AWURADE yele ye sa fili bɛ bo maa musue tole bɛ, na bɛ nwo hyerele bɛ paa.

1 Samuel 12:15

Nakoso sɛ ɛmɔandie AWURADE dwirɛ, ná sɛ ɛmɔtwi bɛfa AWURADE mmeraa dwirɛ so de a, ye de AWURADE tumi kotua ɛmɔ so kerɛ, kyɛbɔ otuale ɛmɔ nana mɔ so kerɛ ne.