Lewitikɔso 26:12 - AHYERƐLƐ KRONGRON

¹² Me ne ɛmɔ kɔnate; nde ɛmɔ Nyameɛ, na ɛmɔ koso ɛmɔkɔyɛ me mmenia.

Lewitikɔso 26:12 Iomraidhean Croise

Gyenesise 17:7

Ngɔyɛ m’apam maa ɔkɔyɛ apam afebɔɔ, bɔ ɔwɔ berɛ ma me ne wɔ ne kyẽa bie wɔ boso ama wɔ b’aworɛ ndoatoasoɛ mukoraa nu. Na ngɔyɛ wɔ ne kyẽa bie wɔ boso ama Nyameɛ.

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

Gyenesise 3:8

Na aleɛ dwole ne, bɛtele AWURADE Nyameɛ gya boso kyɛ ɔnatenate turo ne anu, yiti biaa ne ne ɔye ne bɛɛfeale AWURADE Nyameɛ wɔ turo nu berɛ mmakaa ne anu.

Gyenesise 5:22

Henɔke wole Metusela yiele nen, ɔne Nyameɛ natele afoɛ ɛyaa nza, na osa wole mmaa mmienzua ne mmrasua mɔ.

Gyenesise 5:24

Henɔke ne Nyameɛ natele, na otu minini, ofikyɛ Nyameɛ fale ye hɔle.

Gyenesise 6:9

Nowa boso ama ɛhe: Né Nowa te sona bɔ ɔtengyɛ, bɔ ngekalewa biala nne ye bra nu wɔ ye aberɛ so mmenia nu ɔ. Nowa fale ye nwo bɔle Nyameɛ.

2 Samuel 7:7

Nekaa biala bɔ mali tutena me ne Yisraelfoɛ amukoraa yahɔ ne, Yisrael mbanyi bɔ maye bɛ kyɛ bɛnea me maen Yisrael so ne, aso mabɔ bɛ nu bie somoɛ kyɛ, ‘Nzu ati yeɛ ɛmɔamva sida banzi awuro bamma me ɔ?’

Edwein 50:7

“Ao me maen, tie na mebaadwudwo. Ao Yisrael, ngɔbɔ wɔ kwaadu. Me ole Nyameɛ, wɔ Nyameɛ.

Ɛksadɔso 29:45

Ngɔtena Yisraelfoɛ nu, ná mayɛ bɛ Nyameɛ.

Ɛksadɔso 29:46

Na bekonwu ye kyɛ me ole AWURADE bɛ Nyameɛ bɔ ɔyele bɛ fili Misraim aseɛ so ne, amaa ɔnate so matena bɛ nu. Me ole AWURADE bɛ Nyameɛ ne.

Ɛksadɔso 3:6

Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yeremia 11:4

apam bɔ nhyehyɛle mane ɛmɔ nana mɔ mmerɛ bɔ nyele bɛ mvili Misraim aseɛ so, buralɛ foonoo nu ne. Na ngane kyɛ, ɛ́mɔtie me dwirɛ, na ɛ́mɔli ahyɛdeɛ amukoraa bɔ mafa mama ɛmɔ ne aso. Ɔba ye sɔ a, ɛmɔkɔyɛ me maen, ná me koso mayɛ ɛmɔ Nyameɛ,

Yeremia 30:22

Ɛmɔkɔyɛ me maen, ná me koso mayɛ ɛmɔ Nyameɛ.”

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Yeremia 32:38

Bɛkɔyɛ me maen, ná me koso mayɛ bɛ Nyameɛ.

Yeremia 7:23

Nakoso mmeraa bɔ mva mane bɛ ole kyɛ, ‘Ɛ́mɔtie me dwirɛ, na ngɔyɛ ɛmɔ Nyameɛ, ná ɛmɔ wora ɛmɔayɛ me maen. Na atee amukoraa bɔ nhyehyɛle mmane ɛmɔ ne, so ala yeɛ odi kyɛ ɛmɔfa ɔ, amaa ɔnate so wayie ɛmɔ yé.’

Hesekiel 11:20

amaa ɔnate so bali m’ahyɛdeɛ so, ná bafa me nhyehyɛleɛ babɔ bɛ bra, ná bayɛ ye nwo sotie, ná bayɛ me maen, ná me koso mayɛ bɛ Nyameɛ.

Hesekiel 36:38

Na kyɛbɔ mmoaen kure krongron bɛ somaa te, kyɛbɔ Yerusalem mmoaen kure bɛ somaa te wɔ mmerɛ bɔ bedi aluolue wɔ nu ne, sɔ ala yeɛ mmenia kure kure koyi kurofoen nemɔ aso to ɔ. Na afei bekonwu kyɛ me ole AWURADE.”

Yoel 2:27

Ɛmɔkonwu kyɛ nwɔ Yisrael nu, na me ole AWURADE ɛmɔ Nyameɛ, ebiala nne berɛ ko, na me maen nyunu ngogua ase le.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Numeri 5:3

Kyɛ bienzua ahɔ oo, anaa brasua ahɔ oo, ɛ́mɔtu ye maa ɔhɔ asikyeleɛ ne asi dɔ. Onni kyɛ b’asikyeleɛ bɔ me ne bɛ yɛte nu ne, bɛfa efiɛ bɛka ye.”

Mateo 22:32

kyɛ ‘Me ole Abraham Nyameɛ, Yisake Nyameɛ ne Yakob Nyameɛ’? Nyameɛ ɔtte awufoɛ Nyameɛ, na mmom ɔte ateasefoɛ Nyameɛ.”

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Deuteronomi 23:14

Na ɔnate kyɛ AWURADE wɔ Nyameɛ natenate w’asikyeleɛ ne anu, kyɛ ɔbaale wɔ, ná ɔfa wɔ pɔfoɛ mɔ wura wɔ sa ne ati, ma w’asikyeleɛ ne anu yɛ krongron, ná wannwu nikyee tɛɛ biala wɔ wɔ nu, ná wanyakyi wɔ berɛ wangɔ.

Deuteronomi 23:15

“Sɛ kanganiɛ bie nwati fi ye mene berɛ ba wɔ berɛ a, nnesa fa ye kɔma ye mene.

Hebrifoɛ 11:16

Nakoso afei, maen paa bɔ ɔte nyameɛso maen yeɛ bɛpena ɔ. Yiti ɔnyɛ Nyameɛ nya kyɛ bɛkɔfrɛ ye bɛ Nyameɛ ɔ, ofikyɛ wasiesie kuro bie wama bɛ.

Nyekyire 2:1

“Kyerɛ kɔma Ɛfeso asɔre ne anu abɔfo ne kyɛ: Bɔ otira nzramaa nzoo wɔ ye sa famaa nu, bɔ ɔnate sikaa kɔkorɛ kanea bakaa nemɔ b’afia ne, ye noa dwirɛ ɛhe:

Nyekyire 21:7

Ebiala bɔ odi ngonim ne, okonya ɛhemɔ amukoraa, na ngɔyɛ ye Nyameɛ, ná ye koso wayɛ mma.