Lewitikɔso 26:1 - AHYERƐLƐ KRONGRON

¹ “Nnɛma ɛmɔyɔ mmosoen, yeɛ nnɛma ɛmɔgyina amoen bɔ base anaakyɛ bonima biala bɛma bɛ nwo; nnɛma ɛmɔfa nyɔboɛ bɔ ɛmɔali so adwii bɛpenapena ɛmɔ aseɛ so bɛsɔne bɛ, ofikyɛ me ole AWURADE ɛmɔ Nyameɛ.

Lewitikɔso 26:1 Iomraidhean Croise

2 Ahemvo 17:10

Besili mmosoen bonima mɔ ne Asera dosii mɔ wɔ mmokaa ndendenn so ɔne bakaa monɛ biala abo.

2 Ahemvo 17:16

Bɛpole AWURADE bɛ Nyameɛ mmeraa dwirɛ amukoraa, na behurole nikyee bɛfa bɛyɔle nandwie mmaa amoen nyɔ bɛfale. Begyinane Asera dosii, na bɛsɔnene nyameɛso abɔdeɛ pembepembe amukoraati, na bɛsole Baal.

2 Ahemvo 17:8

na maen maen bɔ AWURADE foane bɛ fili Yisraelfoɛ nyunu ne, Yisraelfoɛ yɔle b’amammerɛ nemɔ bie. Afei belili amammerɛ bɔ Yisrael ahemvo mɔ belili bɛ ti piri bɛhyehyɛ bɛmane bɛ ne aso.

Edwein 78:58

Ofikyɛ bɛfale b’asɔneyɛɛ nemɔ bewurale ye apue maa ɔfɛle yaa; na b’amoen nemɔ ati, Nyameɛ hwene bɛ nwo nungunɛ.

Edwein 97:7

Mmenia bɔ bɛsɔne mmosoen, bɔ bɛfa amoen mɔ bɛhoahoa bɛ nwo ne, bɛ mukoraa bɛ nyunu agua ase; nyameɛ mɔ amukoraa, odi kyɛ ɛmɔkoto ye.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 23:24

Nnɛbɔ wɔ ti ase ma bɛ mmosoen nemɔ, nnɛsɔne bɛ, yeɛ nnɛyɔ bɛ yɔleɛ ne bie. Na mmom sɛkyesɛkye bɛ bosoen nemɔ bɔkɔɔ, ná bubu bɛ bonima nemɔ nu gɔsɔgɔsɔ.

Ɛksadɔso 34:17

“Nnɛhuro nikyee biala fa yɔ bosoen sɔne ye.

Yesaya 2:20

Sɔ kyẽa ne, mmenia b’ɛdwetɛ amoen ne bɛ sikaa kɔkorɛ amoen bɔ bayɔ bama bɛ nwo, bɔ bɛsɔne bɛ ne, bekogyi bekogua bɛkɔma mmurokuruwa ne mbena.

Lewitikɔso 19:4

Nnɛma ɛmɔdi mmosoen si, yeɛ nnɛma ɛmɔhuro nikyee biala bɛfa bɛyɔ amoen biala bɛfa: Me ole AWURADE ɛmɔ Nyameɛ.

Lewitikɔso 25:55

Ofikyɛ Yisraelfoɛ te me ngoaa, bɛte me ngoaa bɔ nyele bɛ mvili Misraim aseɛ so ɔ: Me ole AWURADE ɛmɔ Nyameɛ.

Lewitikɔso 7:33

Aarɔn mma nemɔ anu ko bɔ yeɛ ɔkɔfa asomdwee afɔleɛ ye mogya ne ye loe kɔbɔ afɔleɛ ne, ye yeɛ kaka ne sɔ famaa ne kɔyɛ ye deɛ ɔ.

Numeri 33:52

ye de ɛ́mɔfoa aseɛ ne aso ama mukoraa béfi ɛmɔ nyunu. Bɛ mmosoen bɔ bafa nyɔboɛ base ɔne b’amoen mɔ bɔ bahuro nikyee bafa bayɔ amukoraa, ɛ́mɔsɛkye bɛ. Ɛ́mɔbubu b’asɔneyɛɛ amukoraa bégua,

Asomafoɛ 17:29

Na ɔnate kyɛ yɛte Nyameɛ mma ne ati, ɔnzɛ kyɛ yɛdwene kyɛ Nyameɛ sue te kyɛ esikaa kɔkorɛ, anaa ɛdwetɛ, anaa nyɔboɛ bɔ kuro sona afa ye sa ne ye nworɛ wali adwii wayɔ ɔ.

Deuteronomi 27:15

“ ‘Musue to sona biala bɔ ɔkɔyɔ amoen anaa okohuro nikyee kɔyɔ amoen ɔ: AWURADE akyiwadeɛ biala, bɔ ɔte dwumvoɛ sa noa adwuma, bɔ ɔkɔfa kosie mvealeɛ nu kɔsɔne ye ɔ’. Na mmenia ne amukoraa kosuro so kyɛ, ‘Amen!’

Deuteronomi 5:6

“ ‘Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.

Maenbulɛfoɛ 18:30

Afei Danfoɛ gyinane amoen ne bɛsɔnene ye. Yonatan bɔ ɔse ole Gɛsɔm bɔ ɔse ole Mose ne, ɔne ye mma mɔ yeɛ né bɛte Dan abusua kure asɔfo kɔpem kyɛ ebiemɔ bɛɛhyele Danfoɛ nnure bɛhɔle ɔ.