Lewitikɔso 25:9 - AHYERƐLƐ KRONGRON

⁹ Na bosome bɔ ɔtɔ so nzoo ne, eleburu ne aso bɔ yeɛ ɔte mbata kyẽa ne, maa behu totorobɛndo serɛserɛ; maa behũ ye wɔ ɛmɔ maen ne anu amukoraa.

Lewitikɔso 25:9 Iomraidhean Croise

Edwein 89:15

Maen bɔ bɛse ayɛyelɛ nwo esebɔlɛ ne, benya saleɛ; bɛ yeɛ bɛnate wɔ nyunu hyireinn ne anu ɔ.

Edwein 89:16

Bedi ahurusi wɔ wɔ dumaa nu daa, na wɔ tenenee ne anu yeɛ oyie bɛ yé ɔ.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Lewitikɔso 16:20

“Sɛ ɔsɔfo ne yɛ mbata ma nekaa krongron ne, ɛtena sua atenaleɛ ne, ɔne afɔleɛ bokyea ne yie a, odi kyɛ ɔfa abɔngye bɔ ɔte ngoa nu ne ɔba.

Lewitikɔso 16:29

“Odi kyɛ ɛhe yɛ ahyɛdeɛ ma ɛmɔ: bosome nzoo ne, ye kyẽa bɔ ɔtɔ so buru ne, odi kyɛ ɛmɔkye ɛhɔen; kuromani oo, ɛwɔfoɛ bɔ waatena ɛmɔ nu oo, nnɛma ebiala yɔ adwuma biala.

Lewitikɔso 16:30

Ofikyɛ sɔ kyẽa ne yeɛ bɛpata bɛma ɛmɔ, ná bɛfa bɛte ɛmɔ nwo befi ɛmɔ bɔne amukoraa nwo, ma ɛmɔ nwo te wɔ AWURADE nyunu ɔ.

Lewitikɔso 23:24

“Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Lewitikɔso 23:27

“Sɔ bosome nzoo ne ala, ye kyẽa bɔ ɔtɔ so buru ne, ɔte mbata kyẽa; ɛ́mɔyɛ nyianu krongron. Odi kyɛ ɛmɔkye ɛhɔen ná ɛ́mɔbɔ see so afɔleɛ bɛma AWURADE.

Lewitikɔso 25:8

“Ka afofi afoɛ nzoo, afoɛ nzoo ahoroɔ nzoo, na afofi afoɛ ahoroɔ nzoo ne kɔyɛ afoɛ aburanna ne ngona.

Lewitikɔso 27:17

Na sɛ sɔ sona ne otu aseɛ sie berɛ ma AWURADE Yubilee afoɛ ne anu a, ye nyɔboɛ ne kɔyɛ kyɛbɔ apɛ ato berɛ ne ala.

Lewitikɔso 27:24

Yubilee afoɛ ne anu, aseɛ ne kosa kɔyɛ sona bɔ bɛtɔ befili ye berɛ, bɔ ye agyapadeɛ ahɔ ɔ ne deɛ.

Numeri 10:10

Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Numeri 36:4

Na sɛ Yisraelfoɛ Yubilee afoɛ ne so a, ye de odi kyɛ bɛfa b’aseɛ deɛ bɛboka abusua kure bɔ bahɔ nu agyaa ne bɛ deɛ so; na bekole b’aseɛ deɛ bekofi yɛ nana mɔ abusua kure aseɛ deɛ nu.”

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

1 Tɛsalonikafoɛ 1:8

Ofikyɛ, nna Awurade nwo dwirɛ ne ngome yeɛ wafi ɛmɔ berɛ waadwu Makedonia ne Akaia ɔ; na mmom ɛmɔ gyidie wɔ Nyameɛ nu nwo dwirɛ koso watrɛ wahɔ nekaa biala, yiti onhia kyɛ yɛkɔhã ye nwo dwirɛ ko.

Yosua 6:4

Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.