Lewitikɔso 25:43 - AHYERƐLƐ KRONGRON

⁴³ Nnɛhyɛ bɛ so, na mmom suro wɔ Nyameɛ.

Lewitikɔso 25:43 Iomraidhean Croise

Gyenesise 42:18

Ɛlɛsa ne aso, Yosef sele bɛ kyɛ, “Ɛ́mɔyɔ ɛhe na ɛmɔanya bɛ ti badidi nu, ofikyɛ mesuro Nyameɛ:

2 Aberɛso Dwirɛ 28:10

Afei de, ɛmɔayɛ ɛmɔ adwene kyɛ ɛmɔkɔfa Yudafoɛ ne Yerusalemfoɛ, mmienzua ne mmrasua bɛkɔyɛ nganga. Na ɛmɔ koso, aso ɛmɔyyɔle bɔne bettiale AWURADE ɛmɔ Nyameɛ?

YOB NWOMAA NE 31:13

“Sɛ mabu me nye magua m’akoaa anaa m’afaneɛ dwirɛ so, wɔ mmerɛ bɔ bɛbɔle me somoɛ hɔ a,

YOB NWOMAA NE 31:14

ye de sɛ Nyameɛ fa sɔ dwirɛ ne si me nyunu a, ngɔyɛ ye sɛ? Sɛ ɔtena edwirɛ ne aso kyɛ odi a, ngɔye me noa sɛɛ?

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Ɛksadɔso 1:21

Na ɔnate kyɛ mmrasua bɔ bede aworɛ ne besuro Nyameɛ ne ati, ɔmaa bɛ koso bɛbɔle taen.

Ɛksadɔso 2:23

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Ɛksadɔso 3:9

Afei de, awuye bɔ Yisraelfoɛ bɛbɔ ne wadwu me nyunu, na manwu ɛhyɛlɛ bɔ Misraimfoɛ bɛhyɛ bɛ ne.

Ɛksadɔso 5:14

Bɛbole Yisrael mbanyi bɔ Faro adwumayɔlɛfoɛ mɔ so mbanyi afa adwuma ne awura bɛ sa ne, na bebisale bɛ kyɛ, “Mmerekese somaa bɔ ɔsɛ kyɛ ɛmɔpɛ ye anoma ne ɛnɛ ne, nzu ati yeɛ ɛmɔambɛ ye mu, kyɛbɔ dáa ɛmɔpɛ ne?”

Yesaya 47:6

Mvɛle me maen so yaa, nguale m’agyapadeɛ nwo fiɛ, mvale bɛ nwurale wɔ sa, na annwu bɛ anwumvoin, na nworowaa po, ɛhyɛle bɛ so maa benwuni amaneɛ piri paa.

Yesaya 58:3

Bɛnwa: ‘Nzu ati yeɛ yayɛ akɔngyere bɔ ennwu ye ɔ? Nzu ati yeɛ yabrɛ yɛ kra ase bɔ ɛnze ɔ?’ Ɛ́mɔtie, sɛ ɛmɔyɛ akɔngyere a, bɔ ɛmɔ bɔbɔ ɛmɔkuro yeɛ ɛmɔyɔ ɔ, na ɛmɔhyɛ ɛmɔ adwumayɔlɛfoɛ amukoraa so.

Hesekiel 34:4

Bɔ wayɛ mmerɛ ne, ɛmɔamma ye nwo anyɛ se; bɔ ɔnde apɔ ne, ɛmɔanza ye anwonyerɛ; bɔ wabubu ne, ɛmɔammɔ ye borɛ; bɔ bafoa ye maa wahɔ ne, ɛmɔamva ye bamma; bɔ wamini ne, ɛmɔangɔ ambena ye boso; na mmom nhyɛsoɛ ne atianuserɛ yeɛ ɛmɔfa bedi bɛ so ɔ.

Lewitikɔso 25:17

Nnɛma ɛmɔ nu biala sisi obiɛngo, na mmom suro wɔ Nyameɛ; ofikyɛ me ole AWURADE ɛmɔ Nyameɛ.

Lewitikɔso 25:42

Ofikyɛ bɛte me ngoaa bɔ nyele bɛ mvili Misraim aseɛ so ɔ; onni kyɛ bɛtɔne bɛ kyɛbɔ bɛtɔne nganga ɔ.

Lewitikɔso 25:44

Wɔ nganga ne w’afaneɛ mɔ de, maen maen bɔ bapɛ ɛmɔ nwo bayia ne anu yeɛ odi kyɛ ɛtɔ bɛ fi ɔ.

Lewitikɔso 25:46

Ɛmɔkɔhora bɛkɔfa bɛ bɛkɔyɛ agyapadeɛ bɛkɔyakyi ɛmɔ mma mɔ, yeɛ ɛmɔkɔhora bɛkɔfa bɛ bɛkɔyɛ ɛmɔ nganga. Nakoso ɛmɔ mmango Yisraelfoɛ de, nnɛma ebiala hyɛ obiɛngo so.

Lewitikɔso 25:53

Nakoso sɛ ɔtɛwura ɛwɔfoɛ ne bo de a, odi kyɛ ɔyɛ afoɛnoa afoɛnoa paaniɛ ma ye mene ne. Na ɛ́mɔnea kyɛ ye mene ne, ɔngɔhyɛ ye so ɔ.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Ɛfesofoɛ 6:9

Meneɛ mɔ, ɛmɔ koso ɛ́mɔyɛ bɛ sɔ ala, nnɛma ɛmɔyɛ bɛ so ahupoo; ofikyɛ ɛmɔse kyɛ bɔ ɔte ɛmɔ ne bɛ Meneɛ ne ɔwɔ nyameɛso, bɔ ye de, ɔnyɛ mmenia nu nyeyemuɛ ɔ.

Deuteronomi 25:18

kyɛbɔ bɛwale wɔ so wɔ atunu, mmerɛ bɔ né afɛ, ná ayɛ berebrɛɛ ne. Amalɛkefoɛ huhuni Yisraelfoɛ bɔ bɛhale nziɛ ne amukoraati, ofikyɛ Amalɛkefoɛ anzuro Nyameɛ.

Kolosefoɛ 4:1

Meneɛ mɔ, edwirɛ bɔ ɔte pɛpɛɛpɛ ná ɔtengyɛ yeɛ ɛ́mɔfa beli ɛmɔ ngoaa mɔ ɔ, ofikyɛ ɛmɔse kyɛ ɛmɔ koso ɛmɔle Meneɛ wɔ nyameɛso.