Lewitikɔso 25:18 - AHYERƐLƐ KRONGRON

¹⁸ “Ɛ́mɔli m’ahyɛdeɛ so ná ɛ́mɔyɛ sotie bɛ́ma me nhyehyɛleɛ nahorɛ nu, amaa ɛmɔatena aseɛ ne aso asomdwee nu.

Lewitikɔso 25:18 Iomraidhean Croise

1 Ahemvo 5:5

Yiti mepena kyɛ mesi sua mefa AWURADE me Nyameɛ dumaa meto so, kyɛbɔ AWURADE hã hyirele me baba Dawide kyɛ, ‘Ɛwa bɔ ngɔfa ye ngosi wɔ gya nu maa okoli wɔ bia ne, ye yeɛ okosi sua kɔfa me dumaa kɔto so ɔ.’

Edwein 103:18

ɔwɔ berɛ ma bɛ bɔ bedi ye apam ne aso, ná bɛkaye ye mmeraa dwirɛ ne kyɛ bekoli so ɔ.

Edwein 4:8

Ngɔla ngɔlafe asomdwee nu, ofikyɛ AWURADE, wɔ ngome yeɛ ɛmaa metena ase wɔ asomdwee nu ɔ.

Anyandera 1:33

Nakoso ebiala bɔ otie me dwirɛ de, ɔkɔtena asomdwee nu, okonya anwotɔ, na ye kunu ngɔtete ye kyɛ musue kɔto ye ɔ.”

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 25:5

Bɛhane kyɛ, ‘Odi kyɛ ɛmɔ anu biala sakyera ye adwene fi ye bɔne atee ne ye bɔne yɔleɛ nwo, ná ɛmɔtena aseɛ bɔ AWURADE fa mane ɛmɔ ne ɛmɔ nana mɔ fi tete ne aso afebɔɔ.

Yeremia 33:16

Sɔ ngyẽa nemɔ anu, Yuda konya ye ti kodidi nu, na Yerusalem kɔtena asomdwee nu. Na dumaa bɔ bɛkɔfa bɛkɔfrɛ ye ole, ‘AWURADE Yɛ Tenenee.’

Hesekiel 33:29

Na b’akyiwadeɛ bra bɔ babɔ ne amukoraa, sɛ ɔnate ye ti mekakyi aseɛ ne kurofoen, ná memaa ɔda berɛ mbaen a, yeɛ afei bekonwu kyɛ me ole AWURADE ɔ.

Lewitikɔso 19:19

“Ɛ́mɔli m’ahyɛdeɛ so. Wɔ nyɛmmoa mɔ, sɛ bɛte ahoroɔ ahoroɔ a, nnɛmaa bedi mvrafra bɛfo bɛ nwo; nnɛdua mmakaammaa ahoroɔ nyɔ wɔ wɔ fieso, yeɛ nnɛwura ataadeɛ bɔ bafa ɛtena ahoroɔ nyɔ batoto ye nzaasaa ɔ.

Lewitikɔso 19:37

Ɛ́mɔli m’ahyɛdeɛ amukoraa ne me nhyehyɛleɛ amukoraa so, ná ɛ́mɔfa bɛ́bɔ bɛ bra: Me ole AWURADE.

Lewitikɔso 25:19

Aseɛ ne kɔhye aleɛ, na ɛmɔkoli ma ɛmɔ ko koyi, ná ɛmɔatena aseɛ ne aso asomdwee nu.

Deuteronomi 12:10

Nakoso sɛ ɛmɔpɛ asue Yɔɔdan bɛkɔɔtena aseɛ bɔ AWURADE ɛmɔ Nyameɛ ɔ́fa ma ɛmɔ maa ɔyɛ ɛmɔ deɛ ne aso, ná ɔbɔ ɛmɔ nwo waen fi ɛmɔ pɔfoɛ bɔ bapɛ ɛmɔ nwo bayia ne amukoraati sa nu, maa ɔnate so ɛmɔtena berɛ asomdwee nu a,

Deuteronomi 33:12

Bɔ ɔha fale Benyamin nwo ɛhe: “Ye bɔ AWURADE kuro ye dwirɛ paa ne, ɔkɔtena AWURADE nwo asomdwee nu, AWURADE kɔbɔ ye nwo waen daa biala, na ɔkɔtena AWURADE bati nemɔ afia.”

Deuteronomi 33:28

Yiti Yisrael te asomdwee nu, nikye fee nha Yakob atenaleɛ, bɔ ɔwɔ aburoo ne nzaa aseɛ so ne, nekaa bɔ anwuro tɔ bosue gua ase ɔ.