Lewitikɔso 25:10 - AHYERƐLƐ KRONGRON

¹⁰ Ɛ́mɔma afoɛ bɔ ɔtɔ so aburannu ne ɔyɛ krongron, ná ɛ́mɔbɔ fawɔnwodi nwo dawure behyire aseɛ ne aso ama mukoraa wɔ maen ne amukoraati nu. Ɔte Yubilee afoɛ ma ɛmɔ, na ɛmɔ nu biala, odi kyɛ ye sa osa ka ye aseɛ bɔ wafi ye sa ɔ, ná sona biala bɔ ɔwɔ ngoaasolɛ nu ne, osa kɔ ye abusua nu.

Lewitikɔso 25:10 Iomraidhean Croise

Ɛsra 1:3

Yiti ɛmɔ nu biala bɔ ɔboka ye mmenia ne aso ne, ye Nyameɛ ogyina ye si. Mama ye ate kyɛ ɔhɔ Yerusalem bɔ ɔwɔ Yuda ne oosa osi AWURADE Yisrael Nyameɛ ye awuro ne bieku. Ye yeɛ ɔte Nyameɛ bɔ ɔwɔ Yerusalem ɔ.

Edwein 146:7

Sona bɔ besisi ye ne, ye yeɛ odi ye dwirɛ ma ye ɔ, na ye yeɛ ɔma bɔ ɛhɔen ku ye ɔ aleɛ ɔ. AWURADE ma kukunufoɛ benya fawɔnwodi.

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Yesaya 49:9

ná ɛkã kyire kukunufoɛ kyɛ, ‘Ɛ́mɔfite bɛbra!’ ɔne bɛ bɔ bɛwɔ awosii nu kyɛ, ‘Ɛmɔbra pandann nu!’ Atee nemɔ noa yeɛ bekodidi ɔ, na pambaa amukoraa bɔ so te pralaa ne, bekonya aleɛ wɔ so.

Yesaya 63:4

Ofikyɛ né madwene wereɛtɔlɛ kyẽa bie anwo, na m’afoɛ bɔ mefa mepepɛ mede me maen ne waso.

Yeremia 34:10

Na atitire nemɔ amukoraa ne maen ne amukoraa bɔ belele apam ne bɛtole nu kyɛ ebiala ɔyakyi ye kanganiɛ maa ɔfa ye nwo oli ne, kyɛ bienzua oo, kyɛ brasua oo, bɔ onni kyɛ ɔso bɛ ko ne, bɛ mukoraa bɛyɛle sotie, na bɛyakyili bɛ maa bɛfale bɛ nwo belili.

Yeremia 34:8

AWURADE lale ye dwirɛ he ali hyirele Yeremia. Anzana ɔbaala ye ali ne, né Nana Sedekia ne maen ne amukoraa bayɛ apam wɔ Yerusalem, kyɛ ɔfa ɔbɔ fawɔnwodi nwo dawure ma bɛ kyɛ,

Hesekiel 46:17

Nakoso sɛ ɔfa ye agyapadeɛ ne bie ɔkyɛ ye somvoɛ mmienzua nemɔ anu ko a, ye de agyapadeɛ ne kɔyɛ somvoɛ ne deɛ kɔpem fawɔnwodi afoɛ ne, na afei agyapadeɛ ne kosa kooli ɛhene ne sa. Ye mma angome yeɛ ye agyapadeɛ te bɛ deɛ ɔ.

Lewitikɔso 25:11

Ɛ́mɔma afoɛ aburannu ne ɔyɛ Yubilee ɔma ɛmɔ. Nnɛma ɛmɔdua hwee; sɛ ɛmɔfa ɛmɔ fieso aleɛ a, aleɛ bɔ okofifi ye si ne, nnɛma ɛmɔbu, yeɛ bobe mmakaa bɔ ambepɛ bɔ wafifi bɛ nwo ne, nnɛma ɛmɔtete bɛ mma.

Lewitikɔso 25:13

“Sɔ Yubilee afoɛ ye, odi kyɛ ɛmɔ nu biala ye sa osa ka ye aseɛ bɔ wafi ye sa ɔ.

Lewitikɔso 25:41

Na ɛhe asi ye, ɔne ye mma mɔ bekofi wɔ bo, bekosa bɛkɔhɔ b’abusua nu ná basa baafa bɛ nana mɔ agyapadeɛ.

Lewitikɔso 25:54

Na sɛ bamva sɔ atee he biala so bambɔ ye a, ye de sana Yubilee afoɛ ne anu yeɛ ɔne ye mma mɔ bekonya bɛ fawɔnwodi ɔ.

Luka 1:74

kyɛ ɔkɔmaa bekole yɛ bekofi yɛ pɔfoɛ mɔ sa nu, ná yaso ye bɔ esurolɛ nne nu,

2 Korintofoɛ 3:17

Afei, Awurade ole Sunzum ne, na nekaa bɔ Awurade Sunzum wɔ ne, fawɔnwodi wɔ berɛ.

Galatiafoɛ 4:25

Hagar gyi berɛ ma Sinai bokaa ne bɔ ɔwɔ Arabia, na osa gyi berɛ ma ɛnɛ Yerusalem, ofikyɛ Yerusalem ne ye mma wɔ ngoaasolɛ nu.

Galatiafoɛ 5:13

Aliɛmaa mɔ, bafrɛ ɛmɔ bawa fawɔnwodi nu; yiti nnɛmɔma fawɔnwodi ne diedie ɛmɔ kɔ anwoɔnaen akɔnnɔ nu, na mmom ɛ́mɔfa ɔdɔ so bɛso bɛ nwo ngoko ngoko.

1 Petro 2:16

Ɛ́mɔbɔ ɛmɔ bra kyɛ fawɔnwodifoɛ, nakoso nnɛma ɛmɔfa ɛmɔ fawɔnwodi ne bɛkatakata ɛmɔ nyunu bɛyɔ bɔ ɔte bɔne ɔ; na mmom ɛ́mɔbɔ ɛmɔ bra kyɛ Nyameɛ ngoaa.