Lewitikɔso 24:4 - AHYERƐLƐ KRONGRON

⁴ Odi kyɛ ɔfa kanea nemɔ siesie sikaa kɔkorɛ paa kanea bakaa so wɔ AWURADE nyunu daa.

Lewitikɔso 24:4 Iomraidhean Croise

1 Ahemvo 7:49

esikaa kɔkorɛ paa kanea mmakaa, bɔ nnu wɔ ye ngwaen, ná nnu wora wɔ ye sorɔ wɔ nekaa krongron ne anyunu berɛ ne; esikaa kɔkorɛ nyerɛen ne, esikaa kɔkorɛ nganea nemɔ, yeɛ esikaa kɔkorɛ akapɛ nemɔ;

1 Aberɛso Dwirɛ 28:15

yeɛ afei esikaa kɔkorɛ kanea bakaa nemɔ ɔne kanea nemɔ bɛ nu nonɛ, esikaa kɔkorɛ somaa bɔ odi kyɛ bɛfa bɛyɔ esikaa kɔkorɛ kanea bakaa biala ɔne ye nganea nemɔ, ɔne ɛdwetɛ somaa bɔ odi kyɛ bɛfa bɛyɔ ɛdwetɛ kanea bakaa ne ye nganea mɔ, kyɛbɔ bɛ nu biala ɛsɔnenɛ adwuma bɔ bɛfa bɛyɔ ɔ ne ɔte ɔ.

2 Aberɛso Dwirɛ 29:7

Afei koso batoto abrannaa nu berɛ anoa nemɔ anu, banuanua nganea nemɔ, na banyera ɛyɛɛ, yeɛ bammɔ naen yeralɛ afɔleɛ wɔ nekaa krongron berɛ bamma Yisrael Nyameɛ.

Ɛksadɔso 31:8

ɛpoen ne ne ye nwo nningyein, kanea bakaa bɔ ye nwo te ne, ɔne ye nwo nningyein amukoraa, afɔleɛ bokyea bɔ bɛyera ɛyɛɛ so ne,

Ɛksadɔso 39:37

kanea bakaa krongron ne ne ye nganea bɔ betuatua ye nwo ne, ɔne ye nwo nningyein amukoraa, yeɛ ngoo bɔ bɛfa begua kanea ne anu ne;

Yeremia 52:19

yeɛ komiti mmaa mmaa nemɔ, ngukue bɔ bɛfa see begua nu nemɔ, ndalie nemɔ, bua nemɔ, kanea bakaa nemɔ, ateɛ nemɔ, yeɛ kulie nemɔ. Nikyee biala bɔ bafa esikaa kɔkorɛ bayɔ ne, yeɛ nikyee biala bɔ bafa ɛdwetɛ bayɔ nemɔ koso, awɛmvoɛ nemɔ aso safohene ne sesale bɛ hɔle.

Lewitikɔso 24:3

Odi kyɛ Aarɔn fa kanea ne sie ɛtena sua atenaleɛ ne anu wɔ Adanzeɛ mbɛmuɛ tena ne asi, maa ɔta fi nɔsoa kodwu ngyerɛmɔ wɔ AWURADE nyunu daa. Ɔkɔyɛ ahyɛdeɛ afebɔɔ kɔma ɛmɔ wɔ aworɛ ndoatoasoɛ mukoraa nu.

Numeri 3:31

B’adwuma ole kyɛ bɛkɔnea ɛhemɔ aso: apam alaka ne, ɛpoen ne, kanea bakaa ne, afɔleɛ bokyea nemɔ, nekaa krongron berɛ nningyein bɔ asɔfo nemɔ fa yɔ ɛsɔnenɛ adwuma ne, ɔne mbɛmuɛ ɛtena ne, ɔne sɔ nningyein nemɔ nwo adwuma amukoraa.

Numeri 4:9

Odi kyɛ bɛfa ɛtena bibire bɛkata ɛhemɔ anwo: kanea bakaa ne ɔne ye nganea nemɔ, akapɛ bɔ bɛfa bɛtengyɛtengyɛ kanea nyamaa ne noa ne, kanea nyamaa nzoen ndalie nemɔ, yeɛ ngoo ndowaa amukoraa bɔ behwie nu ngoo begua kanea ne anu ne.

Numeri 8:2

“Ka kyire Aarɔn kyɛ, Sɛ ɛ́fa nganea nemɔ siesie kanea bakaa ne aso a, odi kyɛ ɛfa nganea nzoo nemɔ siesie so maa bɛta kanea bakaa ne nyunu berɛ.”

Hebrifoɛ 9:2

Ɔnate kyɛ, besili ɛtena sua; bɔ bedi moa befite so ne bɛfrɛ ye Nekaa Krongron. Né kanea bakaa, ɛpoen ne paanoo krongron wɔ sɔ pumbu ne anu.

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 11:4

Na ɛhemɔ ole olive bakaa nyɔ ne ne kanea bakaa nyɔ bɔ begyigyi aseɛ Mene nyunu ne.

Nyekyire 2:5

Yiti kaye tebea bɔ efili nu fini ase ne, ná sakyera w’adwene, ná yɔ nnwumaa bɔ ɛyɔle ye daa ne! Na sɛ anyɔ sɔ a, ngɔwa wɔ so ndɛndɛ, ná maaye wɔ kanea bakaa ne mafi ye boso, sana ɛsakyera w’adwene.