Lewitikɔso 24:2 - AHYERƐLƐ KRONGRON

² “Hyɛ Yisraelfoɛ kyɛ bɛ́fa olive ngoo bɔ bahwi ye gyengɔgyengɔ ɔ bɛbrɛ wɔ, maa ɛfa gua kanea ne anu, ná kanea ne ahɔ so agye daa.

Lewitikɔso 24:2 Iomraidhean Croise

2 Aberɛso Dwirɛ 13:11

Ngyerɛmɔ ne nɔsoa biala, bɛbɔ naen yeralɛ afɔleɛ ne ɛyɛɛ fona afɔleɛ bɛma AWURADE. Na esikaa kɔkorɛ paa poen ne, bɛhyehyɛ paanoo folii begua so. Bɛnea kyɛ esikaa kɔkorɛ kanea bakaa ne, ye kanea nemɔ kɔsɔ nɔsoa biala, ofikyɛ yɛyɔ bɔ AWURADE yɛ Nyameɛ ahyɛ yɛ kyɛ yɛyɔ ɔ. Nakoso ɛmɔ de, ɛmɔapo ye.

Edwein 119:105

Wɔ dwirɛ ne te me gya bo kanea, yeɛ ɔte hyireinn wɔ m’atee so.

Edwein 119:130

Wɔ dwirɛ nu ngyirekyiremuɛ ma kanea; ɔma sona bɔ ye adwene te kãa ɔ nya nimdeɛ.

Ɛksadɔso 39:37

kanea bakaa krongron ne ne ye nganea bɔ betuatua ye nwo ne, ɔne ye nwo nningyein amukoraa, yeɛ ngoo bɔ bɛfa begua kanea ne anu ne;

Ɛksadɔso 40:24

Ɔfale kanea bakaa ne siele ɛtena sua atenaleɛ nu berɛ, wɔ ɛpoen ne ndendeneɛ so, wɔ nyianu sua ne ngwaen dɔ,

Anyandera 6:23

Ofikyɛ mmeraa dwirɛ ne te kanea, yeɛ ngyerɛkyerɛ ne te hyireinn, na betwi wɔ nyunu bɛtengyɛtengyɛ wɔ a, ɔte asetena nu esaa bɔ ɔla berɛ ɔ;

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Lewitikɔso 24:1

AWURADE sele Mose kyɛ,

Lewitikɔso 24:3

Odi kyɛ Aarɔn fa kanea ne sie ɛtena sua atenaleɛ ne anu wɔ Adanzeɛ mbɛmuɛ tena ne asi, maa ɔta fi nɔsoa kodwu ngyerɛmɔ wɔ AWURADE nyunu daa. Ɔkɔyɛ ahyɛdeɛ afebɔɔ kɔma ɛmɔ wɔ aworɛ ndoatoasoɛ mukoraa nu.

Mateo 4:16

maen bɔ ɔte awosii nu ne, wanwu kanea hyireinn; na bɛ bɔ bɛte ewue aseɛ awosii kabii so ne, kanea bie apukye ama bɛ.”

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

Luka 1:79

kyɛ ɔkɔta kɔma bɛ bɔ bɛtete awosii nu ɔne ewue wawoɛ nu ɔ, ná wayɛ yɛ taataa wahɔ asomdwee atee so.”

Luka 12:35

“Ɛ́mɔmia ɛmɔ abɔsoɛ nu ná ɛ́mɔma ɛmɔ kanea ogye,

Yohane 1:4

Ye nu yeɛ ngoa wɔ ɔ; na ngoa ne te mmenia kanea.

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 5:35

Ɔte kanea bɔ ógye ná ɔta ɔ, na ɛmɔhurole kyɛ ɛmɔ nye kɔhã ye kanea ne anu kãa.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.