Lewitikɔso 24:16 - AHYERƐLƐ KRONGRON

¹⁶ Ebiala bɔ ɔkɔha musue dwirɛ kotia AWURADE dumaa ne, odi kyɛ beku ye ɔ; sona bɔ ɔkɔha musue dwirɛ ne, odi kyɛ maen ne amukoraa bɛboro ye nyɔboɛ beku ye. Ɛwɔfoɛ oo, kuromani oo, sɛ bɛ nu biala ka musue dwirɛ tia Nyameɛ Dumaa a, odi kyɛ beku ye ɔ.

Lewitikɔso 24:16 Iomraidhean Croise

2 Samuel 6:2

Dawide ne koɛhonɛfoɛ bɔ bɛboka ye so ne amukoraa besili nu befili Baale Yuda, kyɛ bɛkwaafa Nyameɛ apam alaka ne bɛba. Alaka ne, Asafo AWURADE bɔ ye ahennie bia wɔ kɛrubim nemɔ afia ne, ye dumaa la so.

Edwein 139:20

bɛ bɔ bɛkekã musue dwirɛ betia wɔ, ɔne wɔ pɔfoɛ mɔ bɔ bɛbɔ wɔ dumaa mbaen mbaen ɔ!

Edwein 74:10

Ao Nyameɛ, bɛ bɔ bekyi wɔ ne, kyinzu koraa yeɛ bɛ ngorohoɛ ne okoodwu ɔ? Pɔfoɛ ne, aso ɔkɔsɛkye wɔ dumaa afebɔɔ anaa?

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Ɛksadɔso 22:28

“Nnɛkã edwirɛ tɛɛ tia Nyameɛ, yeɛ nnɛnoma wɔ maen panyi.

Lewitikɔso 20:2

“Sá ka kyire Yisraelfoɛ kyɛ: Yisraelniɛ biala anaa ɛwɔfoɛ biala bɔ ɔte Yisraelfoɛ maen nu, bɔ yeɛ ɔkɔfa ɔwa biala kɔbɔ afɔleɛ kɔma bosoen Moleke ne, odi kyɛ beku ye; aseɛ ne aso mmenia bɛ́boro ye nyɔboɛ béhu ye.

Mateo 12:31

Ɛhe ati yeɛ mekã mekyire ɛmɔ kyɛ, bɛkɔfa bɔne ne musue dwirɛ amukoraa bɛkɔhyɛ mmenia, nakoso musue dwirɛ bɔ otia Sunzum ne de, bɛngɔfa ngɔhyɛ mmenia.

Mateo 26:66

Ɛmɔdwene ye nwo sɛ?” Na bebuale kyɛ, “Ɔfata kyɛ beku ye ɔ.”

Marko 14:64

Yeɛ ɛmɔate ye musue dwirɛ ne. Ɛmɔdwene ye nwo sɛ?” Na bɛ mukoraa bebuale ye foɛ kyɛ ɔfata ewue.

Yohane 19:7

Yeɛ Yudafoɛ nemɔ buale ye kyɛ, “Yɛ de, yɛle mmeraa, na yɛ mmeraa ne kyire kyɛ ɔsɛ kyɛ owu ɔ, ofikyɛ ɔyɛle ye nwo Nyameɛ Awa ne.”

Asomafoɛ 26:11

Ndaa ndwene bɛ so wɔ nyianu sua biala nu, na mmɔle mmɔden kyɛ ngɔhyɛ bɛ maa bɛkɔpa bɛ gyidie si ɔ. Me nye borole bɛ so paa maa afei de po ndanene bɛ nye alaa ngondwuli amanvrafoɛ nguro so.

Asomafoɛ 7:58

Bɛhwene ye befili kuro ne anu bɛɛborole ye nyɔboɛ. Na adanzefoɛ nemɔ yeyele bɛ ndaadeɛ mane aberandeɛ bie bɔ bɛfrɛ ye Sɔɔlo kyɛ ɔnea so ma bɛ.

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

Yakobo 2:7

Aso nna bɛ yeɛ bɛkã musue dwirɛ betia animnyam dumaa bɔ bɛfa bɛfrɛ ɛmɔ ne?