Lewitikɔso 24:11 - AHYERƐLƐ KRONGRON

¹¹ Biaa bɔ oni yeɛ ɔte Yisraelniɛ ne, ɔbɔle Dumaa bɔ bɛmmɔ ne ɔfa nomale, na ɔkekane musue dwirɛ tiale ye dumaa. Bɛfale ye bɛwale Mose nyunu. Oni dumaa ole Selomite, bɔ oni ole Dibri bɔ ofi Dan abusua kure nu ne.

Lewitikɔso 24:11 Iomraidhean Croise

2 Samuel 12:14

Nakoso sɔ bra he bɔ abɔ, bɔ ɔnate so ama AWURADE pɔfoɛ mɔ banya ate baha musue dwirɛ batia ye ne ati, akwadaa bɔ awo ye ne okowu.”

1 Ahemvo 21:10

Ɛ́mɔma mmienzua asanzafoɛ nyɔ bɛtena ye nyunu ndendeneɛ so, ná ɛ́mɔma bɛ́bɔ ye kwaadu kyɛ, ‘Ahã musue dwirɛ atia Nyameɛ ne Nana Ahabo.’ Na afei ɛ́mɔfa ye befite bɛɛboro ye nyɔboɛ behũ ye.”

1 Ahemvo 21:13

Asanzafoɛ nyɔ nemɔ wale bɛɛtenane Nabɔto nyunu ndendeneɛ so. Na asanzafoɛ nemɔ bɔle Nabɔto kwaadu wɔ dwaa ne anu kyɛ, “Nabɔto ahã musue dwirɛ watia Nyameɛ ne Nana Ahabo.” Yiti ɛlɔen ne fale Nabɔto bɛhɔle kuro ne tiwaa bɛɛborole ye nyɔboɛ behuni ye.

2 Ahemvo 18:30

Nnɛmɔma Hesekia lakalaka ɛmɔ maa ɛmɔfa bɛ nwo bɛto AWURADE so, ná ɛmɔka kyɛ, AWURADE kɔpepɛ kole yɛ, na ɔngɔfa sɔ kuro ye ngowura Asiria hene sa.

2 Ahemvo 18:35

Maen maen mɔ bɛ nyameɛ nemɔ amukoraa, bɛ nu beni yeɛ wahora wapepɛ wale ye maen wafi me sa nu ɔ. Nzikyɛ yeɛ ɔmaa ɛdwene kyɛ AWURADE kɔpepɛ kole Yerusalem kofi me sa nu ɔ.”

2 Ahemvo 18:37

Yeɛ Hilkia awa Eliakim bɔ ɔnea ahemvie berɛ ne, ahyerɛlɛniɛ Sebena, yeɛ Asafe awa Yoa bɔ ɔte abakɔsɛm ahyerɛlɛniɛ ne, besunzuale bɛ ndaadeɛ nu, na bɛhɔle Hesekia berɛ bɛɛfale Rabesake ne dwirɛ ne bɛbɔle ye amaneɛ.

2 Ahemvo 19:10

Ɔmaa beesele Hesekia kyɛ, Wɔ Nyameɛ bɔ afa wɔ nwo ato ye so ne, nnɛmaa ɔlakalaka wɔ, ná ɔhyɛ wɔ bɔ kyɛ ɔngɔfa Yerusalem ngowura Asiria hene sa.

2 Ahemvo 19:22

‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa ye? Yisrael Krongronniɛ ne yeɛ ayɔ ɛhe atia ye ɔ!

2 Ahemvo 19:6

Yesaya sele bɛ kyɛ, “Ɛmɔhã behyire ɛmɔ mene kyɛ, ‘AWURADE nwa: Musue dwirɛ bɔ Asiria hene ye mbanyi baha batia me maa ate ne, nnɛmaa wɔ kunu tete wɔ wɔ ye nwo.

YOB NWOMAA NE 1:11

Nakoso wɔ de, tengyɛ wɔ sa de bɔ ole ye amukoraa fi ye sa nu nea, sɛ ɔngɔkekã musue dwirɛ ngotia wɔ a!”

YOB NWOMAA NE 1:22

Na ɛhe amukoraa nu ne, Yob anyɔ bɔne, yeɛ wammɔ Nyameɛ somoɛ.

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

YOB NWOMAA NE 2:5

Nakoso wɔ de, tengyɛ wɔ sa ka ye ma anwonyerɛ ɔbɔ ye nea, sɛ ɔngɔkekã musue dwirɛ ngotia wɔ a!”

Edwein 74:18

Ao AWURADE, kaye ɛhe: kyɛbɔ pɔfoɛ ne ɔyɛ ngorohoɛ ɔ, ɔne kyɛbɔ ngwaseafoɛ begua wɔ dumaa nwo fiɛ ɔ.

Edwein 74:22

Ao Nyameɛ, dwɔso, dwudwo nu maa benwu kyɛ edi be; kaye kyɛbɔ ngwaseafoɛ bɛgoro wɔ nwo daa biala ɔ.

Ɛksadɔso 18:22

Maa besiesie mmenia nemɔ afia mmerɛ biala. Edwirɛ biala bɔ ɔbo bɛ so ne, maa bɛfa bɛbra wɔ gya so. Nakoso edwirɛ mmaa mmaa mɔ de, maa bɛ bɔbɔ beli. Ɛhe kɔte wɔ fɛɛ ne aso, ná bɛ wora baboka wɔ maa ayɔ sɔ adwuma ne.

Ɛksadɔso 18:26

Na besiesiele mmenia nemɔ afia mmerɛ biala. Bɛfale edwirɛ bɔ ɔyɛ se nemɔ bɛwale Mose gya so, nakoso edwirɛ mmaa mmaa nemɔ de, bɛ bɔbɔ belili.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Ɛksadɔso 22:28

“Nnɛkã edwirɛ tɛɛ tia Nyameɛ, yeɛ nnɛnoma wɔ maen panyi.

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Yesaya 8:21

Bɛkɔfa ɛhɔen ne aworabɔlɛ bekohyinihyini aseɛ ne aso. Na sɛ ɛhɔen ku bɛ a, b’ahone kohu, na bɛkɔwa bɛ hene ne bɛ Nyameɛ amoen. Bɛkɔto bɛ nye bɛkɔnea anwuro,

Lewitikɔso 24:10

Biaa bie bɔ oni te Yisraelniɛ ná ɔse te Misraimniɛ fili ye ɛtena sua nu fitele. Sɔ biaa bɔ oni yeɛ ɔte Yisraelniɛ ne, ɔne biaa bie bɔ oni ne ɔse amunyɔ bɛte Yisraelfoɛ nyane edwudwolɛ wɔ asikyeleɛ ne anu.

Mateo 26:65

Yeɛ ɔsɔfo panyi paa ne sunzuale ye ndaadeɛ nu hane kyɛ, “Wahã musue dwirɛ! Adanzefoɛ bieku de, yɛhia yɛyɛ ye sɛ? Eh, afei de, ɛmɔate ye musue dwirɛ ne!

Romanfoɛ 2:24

Ofikyɛ bahyerɛ kyɛ, “Ɔnate ɛmɔ Yudafoɛ ti, Amaenmaensofoɛ bedwudwo betia Nyameɛ.”

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

Nyekyire 16:11

Na ɔnate ye yealɛ ne bɛ nwo ngena ngena ne ati, bɛkekane musue dwirɛ betiale nyameɛso Nyameɛ ne, na banzakyera b’adwene bamvi bɛ yɔleɛ nwo.

Nyekyire 16:21

Na afei asukɔtwea mbiri mbiri bɔ ebiala nu nonɛ kɔyɛ kilo aburanna ne nnu ɔ, befili nyameɛso bɛtɔ beguale mmenia so; na ɛhawo bɔ asukɔtwea ne maa ɔwale ne ati, mmenia kekane musue dwirɛ betiale Nyameɛ, ofikyɛ né ɛhawo ne te piri paa.