Lewitikɔso 23:6 - AHYERƐLƐ KRONGRON

⁶ Sɔ bosome ne ala, ye kyẽa bɔ ɔtɔ so buru ne nnu ne, ɔte Paanoo Kabrɛdi aluolue ma AWURADE; odi kyɛ ɛmɔdi paanoo kabrɛdi ɛlɛsoo.

Lewitikɔso 23:6 Iomraidhean Croise

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Ɛksadɔso 34:18

“Di Paanoo Kabrɛdi aluolue ne. Di paanoo kabrɛdi ɛlɛsoo, kyɛbɔ mahyɛ wɔ ne, bosome Abibo nu mmerɛ bɔ mahyɛ ne, ofikyɛ bosome Abibo nu yeɛ etuli wɔ bo fili Misraim ɔ.

Deuteronomi 16:3

Nnɛfa paanoo harewaa bɔ naen ne aso di. Fa paanoo kabrɛdi bɔ naen ne aso di ye ɛlɛsoo. Ɔte amaneɛnwunɛ paanoo, ofikyɛ ndɛndɛ so yeɛ etu fili Misraim aseɛ so ɔ; amaa ɔnate so mmerɛ biala bɔ ɛte ngoa nu ne, akaye kyẽa bɔ etu fili Misraim aseɛ so ɔ.

Deuteronomi 16:8

Di paanoo kabrɛdi toonn elesia, na kyẽa bɔ ɔtɔ so nzoo ne, ɔsɛ kyɛ ɔyɛ nyianu krongron hyɛ AWURADE wɔ Nyameɛ animnyam, nnɛyɔ adwuma biala.