Lewitikɔso 23:4 - AHYERƐLƐ KRONGRON

⁴ “Ɛhemɔ ole aluolue ahoroɔ bɔ AWURADE atu asie berɛ, nyianu krongron bɔ odi kyɛ ɛmɔdi so mmerɛ bɔ mahyehyɛ mato berɛ ne ɔ.

Lewitikɔso 23:4 Iomraidhean Croise

Nehemia 8:15

na afei odi kyɛ bɛbɔ ye dawure bɛfa bɛto dwaa wɔ bɛ nguro nemɔ amukoraa ne Yerusalem nu kyɛ, “Ɛmɔhɔ mmokaa nemɔ aso bɛɛfa olive mmaen, eburo olive mmaen, sesea mmaen, ɛberɛ ne mmakaa bɔ bebua kusuu ɔ bɛ mmaen, na ɛmɔɔfa besisi asese nemɔ, kyɛbɔ bahyerɛ ne.

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 23:14

“Afoɛnoa biala, di aluolue pɛen nza fa hyɛ me animnyam.

Yesaya 29:1

Ariɛl, Ariɛl, kuro bɔ Dawide ɔɔtenane so ne, wɔ yaakɔ oo! Afoɛnoa afoɛnoa biala, ɛ́mɔli aluolue nemɔ,

Hesekiel 44:24

Sɛ edwirɛ ba mmenia b’afia a, bɛ yeɛ bɛkɔyɛ ndɛenbualɛfoɛ ɔ, na bekogyina me ndɛenbualɛ so yeɛ bekobua ɔ. Odi kyɛ bedi me mmeraa ne m’ahyɛdeɛ so wɔ m’aluolue bɔ mahyehyɛ amukoraa nu, yeɛ odi kyɛ bedi m’afofingyẽa nemɔ so krongron nu.

Lewitikɔso 23:2

“Ka kyire Yisraelfoɛ kyɛ, Ɛhemɔ ole aluolue ahoroɔ bɔ AWURADE atu asie berɛ ɔ, na ɛ́mɔfa bɛ́to dwaa kyɛ bɛte nyianu krongron; m’aluolue nemɔ mmerɛ ɛne.

Lewitikɔso 23:21

Sɔ kyẽa ne ala, odi kyɛ ɛmɔyia nu; ɔte nyianu krongron. Nnɛma ɛmɔyɔ adwuma biala. Ɛhe te ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:37

“Ɛhemɔ ole AWURADE aluolue ahoroɔ bɔ odi kyɛ ɛmɔyɛ nyianu krongron bedi ɔ. Na kyɛbɔ kyẽa bɔ watu wasie berɛ wama aluolue biala te nen, ɛ́mɔbɔ see so afɔleɛ bɛ́ma AWURADE: naen yeralɛ afɔleɛ, aburoo afɔleɛ, ngaka afɔleɛ ne anonneɛ afɔleɛ.

Nahum 1:15

Nea mmokaa nemɔ aso dɔ kyɛ ɔba ɔ, bɔ ɔso ndɛenvɛen, bɔ ɔbɔ asomdwee nwo dawure ne! Ao Yuda, di w’aluolue krongron nemɔ, tua w’aboadeɛ nemɔ, ofikyɛ bɔnefoɛ ne ngɔfa koɛ ngɔtoa wɔ ko, bama ye boso amini bɔkɔɔ.