Lewitikɔso 23:38 - AHYERƐLƐ KRONGRON

³⁸ AWURADE afofingyẽa nemɔ koso, odi kyɛ ɛmɔdi so, ná ɛ́mɔfa ɛmɔ ayɛyɛdeɛ, ɛmɔ aboadeɛ afɔleɛ amukoraa, ɔne ɛmɔ akyɛdeɛ afɔleɛ amukoraa bɔ ɛmɔfa bɛbrɛ AWURADE ne bɛboka so.

Lewitikɔso 23:38 Iomraidhean Croise

2 Aberɛso Dwirɛ 31:14

Akyɛdeɛ afɔleɛ bɔ bɛbɔ bɛma Nyameɛ ne, nningyein bɔ batu basie berɛ bama AWURADE ne hyɛlɛ ne, yeɛ afɔleɛ krongron nningyein ne hyɛlɛ ne, Lewiniɛ Yimina ɔwa Kore bɔ ɔte eyia afiteleɛ pambim so neafoɛ ne, ye yeɛ né owura ye sa ɔ.

Edwein 56:13

Ofikyɛ apepɛ ale me kra afi ewue nu, yeɛ amma manzoti mamvi ase, amaa ɔnate so manate Nyameɛ nyunu, wɔ ngoa kanea ne anu.

Edwein 76:12

Ye yeɛ ɔbrɛ ahemvo mɔ b’ahandaen ase ɔ, na ye yeɛ ye nwo yɛ aseɛ so ahemvo mɔ suro ɔ.

Hesekiel 46:12

Sɛ ɛhene ne ɔbaabɔ akyɛdeɛ afɔleɛ ma AWURADE a, kyɛ naen yeralɛ afɔleɛ oo, anaa asomdwee afɔleɛ oo, odi kyɛ bebukye anoa piri bɔ ye nye kyire eyia afiteleɛ ne bɛma ye, na odi kyɛ ɔbɔ ye naen yeralɛ afɔleɛ ɔne ye asomdwee afɔleɛ ne kyɛbɔ ɔyɔ ye afofikyẽa ne ala. Afei odi kyɛ ofite, na ofite yie a, odi kyɛ bɛto anoa piri ne anu.

Lewitikɔso 19:3

Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.

Lewitikɔso 23:37

“Ɛhemɔ ole AWURADE aluolue ahoroɔ bɔ odi kyɛ ɛmɔyɛ nyianu krongron bedi ɔ. Na kyɛbɔ kyẽa bɔ watu wasie berɛ wama aluolue biala te nen, ɛ́mɔbɔ see so afɔleɛ bɛ́ma AWURADE: naen yeralɛ afɔleɛ, aburoo afɔleɛ, ngaka afɔleɛ ne anonneɛ afɔleɛ.

Lewitikɔso 23:39

“Afei, bosome nzoo ne, ye kyẽa bɔ ɔtɔ so buru ne nnu ne, mmerɛ bɔ ɛmɔafa aseɛ ne aso aleɛ bayie ne, ɛ́mɔli AWURADE aluolue ne ɛlɛsoo. Kyẽa bɔ oli moa ne, ɔne ɛlɛbɔtwɛ ne, ɛ́mɔli afofi bele bɛ nwome bɔkɔɔ.

Numeri 29:39

Ɛhemɔ ole aluolue bɔ AWURADE ahyehyɛ wato berɛ wama ɛmɔ ɔ. Odi kyɛ ɛmɔ bɔhyɛlɛ afɔleɛ nemɔ ɔne ɛmɔ akyɛdeɛ afɔleɛ nemɔ, ɔne ɛmɔ naen yeralɛ afɔleɛ, ɔne ɛmɔ aburoo afɔleɛ nemɔ, ɔne ɛmɔ anonneɛ afɔleɛ ɔne ɛmɔ asomdwee afɔleɛ nemɔ koso, ɛmɔbɔ.”

Deuteronomi 12:6

Berɛ yeɛ ɔsɛ kyɛ ɛmɔfa ɛhemɔ bɛkɔ ɔ: ɛmɔ naen yeralɛ afɔleɛ, ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɛmɔ aboadeɛ afɔleɛ, ɛmɔ akyɛdeɛ afɔleɛ, ɔne ɛmɔ nandwie ne mmoaen bamuɛbaa mɔ.