Lewitikɔso 23:32 - AHYERƐLƐ KRONGRON

³² Ɔkɔyɛ nwomelelɛ kyẽa bɔkɔɔ kɔma ɛmɔ, na odi kyɛ ɛmɔkye ɛhɔen fi bosome ne, ye ɛlɛhona ne nɔsoa; ɔsɛ kyɛ ɛmɔdi afofikyẽa ne aso fi nɔsoa kodwu nɔsoa.”

Lewitikɔso 23:32 Iomraidhean Croise

Nehemia 13:19

Yiti nhyɛle kyɛ, afofikyẽa ne baadwu, na sɛ ewienu hyɛ ye bo kyɛ opini a, odi kyɛ bɛtoto Yerusalem pambim anoa nemɔ anu, na onni kyɛ bebukye, sana afofikyẽa ne apɛ nu koraka. Na mmane me somvoɛ nemɔ bie bɛtenatenane pambim nemɔ anoa, kyɛbɔ mmenia bɛngɔfa nningyein bengowura kuro ne anu afofikyẽa ɔ.

Edwein 35:13

Nakoso me de, anwonyerɛ bɔle bɛ ne, ngerale ɛsɛen tena (nnili aworabɔlɛ); ngyele ɛhɔen mva mmrɛle me kra ase. Nzili me ti ase mmɔle mbaeɛ

Edwein 51:17

Afɔleɛ bɔ Nyameɛ nye gye ye nwo ole ahone bɔ wabrɛ ye nwo ase ɔ; ao Nyameɛ, ahone bɔ wabrɛ ye nwo ase, ná ye wora abɔ de, ɛngɔpo.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Lewitikɔso 16:29

“Odi kyɛ ɛhe yɛ ahyɛdeɛ ma ɛmɔ: bosome nzoo ne, ye kyẽa bɔ ɔtɔ so buru ne, odi kyɛ ɛmɔkye ɛhɔen; kuromani oo, ɛwɔfoɛ bɔ waatena ɛmɔ nu oo, nnɛma ebiala yɔ adwuma biala.

Lewitikɔso 16:31

Ɔte afofikyẽa bɔ odi mu paa ma ɛmɔ ɔ. Odi kyɛ ɛmɔkye ɛhɔen; ɔte ahyɛdeɛ afebɔɔ.

Lewitikɔso 23:27

“Sɔ bosome nzoo ne ala, ye kyẽa bɔ ɔtɔ so buru ne, ɔte mbata kyẽa; ɛ́mɔyɛ nyianu krongron. Odi kyɛ ɛmɔkye ɛhɔen ná ɛ́mɔbɔ see so afɔleɛ bɛma AWURADE.

Lewitikɔso 23:31

Nnɛma ɛmɔyɔ adwuma biala: ɔte ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:33

Na AWURADE sele Mose kyɛ,

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

1 Korintofoɛ 11:31

Na sɛ yɛpɛnzɛpɛnzɛ yɛ nu nahorɛ nu a, bengobua yɛ ndɛen.

Hebrifoɛ 4:11

Yiti ɛ́mɔma yɛbɔ mmɔden yɛwura sɔ nwomelelɛ ne anu, amaa ɔnate so ebiala wanyɔ sɔ asoserɛ ne wamvi ase.

Hebrifoɛ 4:3

Na yɛ bɔ yale yali ne yeɛ yɛwura sɔ nwomelelɛ ne anu ɔ, kyɛbɔ ɔhane kyɛ, “Yiti nne ɛyaa ndale ndaen kyɛ, ‘Bengowura me nwomelelɛ ne anu bie!’ ” Oyiele ye nnwumaa yɔle fi ewiase ahyɛaseɛ ne.