Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.
“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.
Tie, nyɔboɛ bɔ mafa mato Yosua nyunu, nyɔboɛ komapɛ bɔ ye nye nzoo ne. Tie, so yeɛ ngokolikoli ye ahyerɛlɛ ne ngogua ɔ, Asafo AWURADE noa dwirɛ ɛne, na ngokyikyi aseɛ he amumuyɛɛ ne ngofi berɛ ɛlɛhomapɛ.
na wawura Krongron nu Krongron ne anu berɛ komapɛ. Wamva mbɔngye ne nandwie mmaa mogya yeɛ ɔɔbɔle afɔleɛ ɔ, na mmom ye bɔbɔ ye mogya yeɛ ɔfa bɔle afɔleɛ nyane daa ngoa mane yɛ ɔ.
Na sɛ ɔtte sɔ de a, ahaa ɔsɛ kyɛ Kristo taa nwu amaneɛ fite kyɛ Ɛdangama bɔle aleɛ ɔ. Nakoso waye ye nwo ali komapɛ wɔ mmerɛ bɔ ewiase kɔ ye ayieleɛ ye, na wafa ye bɔbɔ ye nwo wabɔ afɔleɛ wakyikyi bɔne.
Yesu Kristo yeɛ ole bɔ bafa nzue ne mogya bali ye walɛ ne nwo adanzeɛ ne. Nna nzue ngome, na mmom nzue ne mogya. Na Sunzum ne yeɛ odi adanzeɛ ɔ, ofikyɛ Sunzum ne ole nahorɛ ne.