Lewitikɔso 23:27 - AHYERƐLƐ KRONGRON

²⁷ “Sɔ bosome nzoo ne ala, ye kyẽa bɔ ɔtɔ so buru ne, ɔte mbata kyẽa; ɛ́mɔyɛ nyianu krongron. Odi kyɛ ɛmɔkye ɛhɔen ná ɛ́mɔbɔ see so afɔleɛ bɛma AWURADE.

Lewitikɔso 23:27 Iomraidhean Croise

Ɛsra 8:21

Yeɛ mva ndole dwaa wɔ asue Ahawa noa berɛ, kyɛ ɔsɛ kyɛ ebiala yɛ akɔngyere ɔbrɛ ye nwo ase wɔ Nyameɛ nyunu, ná yɛsrɛ ye maa ɔbɔ yɛ ne yɛ mma mɔ ne yɛ nningyein mukoraa nwo waen wɔ y’ateetulɛ ne anu.

Edwein 35:13

Nakoso me de, anwonyerɛ bɔle bɛ ne, ngerale ɛsɛen tena (nnili aworabɔlɛ); ngyele ɛhɔen mva mmrɛle me kra ase. Nzili me ti ase mmɔle mbaeɛ

Ɛksadɔso 30:10

Afoɛ biala, ɔsɛ kyɛ Aarɔn bɔ bɔne nwo afɔleɛ wɔ ye mmɛen nemɔ aso. Ɔkɔfa bɔne nwo mbata afɔleɛ mogya kɔpata komapɛ afoɛ biala, wɔ ɛmɔ aworɛ ndoatoasoɛ mukoraati nu. Ɔte krongron paa ma AWURADE.”

Yesaya 58:5

Aso akɔngyere bɔ ɔsɔ me nye ɛhe, kyẽa bɔ sona brɛ ye kra ase ne anaa? Aso akɔngyere okyire bɛ ti ase bɔ bɛbɔ ye kyɛ ngyɛngyɛma, ɔne kyɛ ɛkɔtrɛtrɛ ɛsɛen tena ne nzoen nu ɛkɔla so ɔ? Eh, aso ɛhe yeɛ ɛfrɛ ye akɔngyere ɔ, ɔne kyẽa bɔ ɔsɔ AWURADE nye ne anaa?

Lewitikɔso 16:11

“Odi kyɛ Aarɔn fa nandwie nyii ne ɔbɔ bɔne nwo afɔleɛ ma ye nwo, ná ɔpata ma ye nwo ne ye awuro ama. Ɔsɛ kyɛ oku nandwie nyii ne ná ɔfa bɔ bɔne nwo afɔleɛ ma ye nwo.

Lewitikɔso 16:15

“Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 16:16

Sɔa yeɛ odi kyɛ ɔyɔ mbata ma nekaa krongron ne ɔ, ɔnate Yisrael ama bɛ nwo bɔ wagua fiɛ, bɛ mmeraatolɛ, ɔne bɛ bɔne amukoraa ti. Sɔ ala yeɛ odi kyɛ ɔyɔ ma ɛtena sua atenaleɛ bɔ ɔwɔ mmenia bɔ bɛ nwo nde ne b’afia ne ɔ.

Lewitikɔso 16:24

Na odi kyɛ ɔfa nzue obia wɔ nekaa bɔ ɔte krongron ɔ, ná owura ye ataadeɛ ne, ná osa ofite babɔ ye naen yeralɛ afɔleɛ, ɔne maen naen yeralɛ afɔleɛ ne, ná ɔpata ma ye bɔbɔ ye nwo ɔne maen ne.

Lewitikɔso 23:26

Na AWURADE sele Mose kyɛ,

Lewitikɔso 23:28

Nnɛma ɛmɔyɔ adwuma biala sɔ kyẽa ne amukoraa, ofikyɛ ɔte mbata kyẽa bɔ yeɛ bɛpata bɛma ɛmɔ wɔ AWURADE ɛmɔ Nyameɛ nyunu ɔ.

Lewitikɔso 25:9

Na bosome bɔ ɔtɔ so nzoo ne, eleburu ne aso bɔ yeɛ ɔte mbata kyẽa ne, maa behu totorobɛndo serɛserɛ; maa behũ ye wɔ ɛmɔ maen ne anu amukoraa.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Asomafoɛ 27:9

Yɛsɛkyele mmerɛ pee wɔ berɛ; na nzue ne aso falɛ yɛle suro, ɔnate kyɛ né Bɔnefakyɛ Akɔngyere Kyẽa ne apɛnu. Yiti Pɔɔlo tuli bɛ foɛ kyɛ,

Yakobo 4:9

Ɛ́mɔli yealɛ, ɛ́mɔma ɛmɔ wora bɔ, ná ɛ́mɔsu! Ɛ́mɔma ɛmɔ aserekyekye kakyi aworabɔlɛ, ná ɛmɔ ahurusililɛ kakyi anwumvoin anwumvoin.