Lewitikɔso 23:24 - AHYERƐLƐ KRONGRON

²⁴ “Ka kyire Yisraelfoɛ kyɛ, Bosome bɔ ɔtɔ so nzoo ne, ye kyẽa bɔ oli moa ne, ɛ́mɔma ɔ́yɛ afofikyẽa bɔkɔɔ ma ɛmɔ; ɛ́mɔfa totorobɛndohulɛ béyia nyianu krongron.

Lewitikɔso 23:24 Iomraidhean Croise

1 Aberɛso Dwirɛ 15:28

Yiti Yisrael mukoraa bele esebɔlɛ, awɛenhulɛ, totorobɛndohulɛ ne firikyiwabɔlɛ bɛɛfale AWURADE apam alaka ne bɛwale, na né bɛbɔ adengum ne sangoo bɛto dwein serɛserɛ paa.

2 Aberɛso Dwirɛ 5:13

Totorobɛndohulɛfoɛ ne edweintolɛfoɛ nemɔ, b’adwuma ole kyɛ bɛkɔbɔ nu bɛkɔye AWURADE ayɛ bɛkɔla ye ase ɔ. Na sɛ bɛkenga edwein ne a, bɛfa totorobɛndo ne firikyiwa ne edweintolɛ nningyein ahoroɔ besuro so bɛye AWURADE ayɛ kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.” Sɔ mmerɛ ne, munungum yili AWURADE awuro berɛ tɛkyɛ.

Ɛsra 3:6

Kyẽa bɔ oli moa wɔ bosome bɔ ɔtɔ so nzoo ne anu yeɛ bɛhyɛle ye bo bɛbɔle naen yeralɛ afɔleɛ bɛmane AWURADE ɔ. Nakoso né bennya bɛttole AWURADE asɔneyɛɛ sua fapem ne.

Nehemia 8:2

Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Edwein 89:15

Maen bɔ bɛse ayɛyelɛ nwo esebɔlɛ ne, benya saleɛ; bɛ yeɛ bɛnate wɔ nyunu hyireinn ne anu ɔ.

Edwein 98:6

Ɛ́mɔfa totorobɛndo ne awɛenhulɛ beli ahurusi bɛbɔ ese wɔ AWURADE bɔ ɔte hene ne nyunu.

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Lewitikɔso 23:23

Na AWURADE sele Mose kyɛ,

Lewitikɔso 25:9

Na bosome bɔ ɔtɔ so nzoo ne, eleburu ne aso bɔ yeɛ ɔte mbata kyẽa ne, maa behu totorobɛndo serɛserɛ; maa behũ ye wɔ ɛmɔ maen ne anu amukoraa.

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,