Lewitikɔso 23:2 - AHYERƐLƐ KRONGRON

² “Ka kyire Yisraelfoɛ kyɛ, Ɛhemɔ ole aluolue ahoroɔ bɔ AWURADE atu asie berɛ ɔ, na ɛ́mɔfa bɛ́to dwaa kyɛ bɛte nyianu krongron; m’aluolue nemɔ mmerɛ ɛne.

Lewitikɔso 23:2 Iomraidhean Croise

2 Ahemvo 10:20

Yehu hyɛle kyɛ, “Ɛ́mɔyia nyianu krongron bɛma Baal.” Yiti bɛbɔle dwaa ne.

1 Aberɛso Dwirɛ 23:31

Afei odi kyɛ bɛyɔ sɔ mmerɛ biala bɔ bɛbɔ naen yeralɛ afɔleɛ bɛma AWURADE ɔ: afofikyẽa, ɛsraen foforɛ, ɔne aluolue amukoraa bɔ bahyehyɛ ɔ. Lewifoɛ somaa bɔ bɛ nwo kohia ne, odi kyɛ bɛyɔ adwuma ne wɔ AWURADE nyunu daa.

2 Aberɛso Dwirɛ 2:3

Solomon tole Tiro hene Huram ngraa kyɛ, “Mmerɛ bɔ me baba Dawide osi ye ahemvie ne, ɛbrɛle ye sida.

2 Aberɛso Dwirɛ 30:5

Yiti bɛhyɛle mmeraa wɔ Yisrael amukoraa, fi Beɛ Hyeba kɔpem Dan, kyɛ ebiala ɔbra ooli Abɔtra aluolue ne ɔhyɛ AWURADE Yisrael Nyameɛ ne animnyam wɔ Yerusalem; ofikyɛ né mmenia bɛmmɔ nu benni Abɔtra ne kyɛbɔ bahyehyɛ bato berɛ wɔ mmeraa nwomaa ne anu ne.

Ɛsra 3:5

Besa bɛbɔle daa daa naen yeralɛ afɔleɛ, ɛsraen foforɛ afɔleɛ, AWURADE aluolue krongron afɔleɛ ne amukoraa, ɔne akyɛdeɛ afɔleɛ bɔ ebiala ɔbɔ mane AWURADE ɔ.

Edwein 81:3

Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Ɛksadɔso 32:5

Na mmerɛ bɔ Aarɔn nwuni ye sɔ nen, osili afɔleɛ bokyea wɔ amoen ne nyunu, na obukyele ye noa hane kyɛ, “Ɛhema yɛkoli AWURADE aluolue ne.”

Yesaya 33:20

To wɔ nye nea Sion, kuro bɔ yɛdi yɛ aluolue nemɔ wɔ so ne! Wɔ nye konwu Yerusalem, bɔ ɔte asomdwee atenaleɛ, ɛtena sua bɔ bendutu ye bo, bɔ bengotutu ye pɛmbɛen nemɔ bo le ne, bɔ ye nyamaa ne anu biala ngɔtete ne.

Awuye 1:4

Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.

Hesekiel 44:24

Sɛ edwirɛ ba mmenia b’afia a, bɛ yeɛ bɛkɔyɛ ndɛenbualɛfoɛ ɔ, na bekogyina me ndɛenbualɛ so yeɛ bekobua ɔ. Odi kyɛ bedi me mmeraa ne m’ahyɛdeɛ so wɔ m’aluolue bɔ mahyehyɛ amukoraa nu, yeɛ odi kyɛ bedi m’afofingyẽa nemɔ so krongron nu.

Hosea 2:11

Ngɔma ye ahurusililɛ ne amukoraa bo kɔpɛ, yeɛ ye aluolue ngyẽa mɔ, ye ɛsraen foforɛ mɔ, ye afofingyẽa ne ye aluolue bɔ bahyehyɛ amukoraa.

Yoel 1:14

Ɛ́mɔyɛ akɔngyere krongron, ɛ́mɔyɛ nyianu krongron. Ɛ́mɔboaboa mbanyi ne aseɛ ne aso mma amukoraa bɛ noa wɔ AWURADE ɛmɔ Nyameɛ awuro, ná ɛ́mɔsu bɛfrɛ AWURADE.

Yoel 2:15

Ɛ́mɔhu totorobɛndo wɔ Sion, ɛ́mɔyɛ akɔngyere krongron, ɛ́mɔfrɛ nyianu krongron;

Lewitikɔso 23:1

AWURADE sele Mose kyɛ,

Lewitikɔso 23:21

Sɔ kyẽa ne ala, odi kyɛ ɛmɔyia nu; ɔte nyianu krongron. Nnɛma ɛmɔyɔ adwuma biala. Ɛhe te ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:37

“Ɛhemɔ ole AWURADE aluolue ahoroɔ bɔ odi kyɛ ɛmɔyɛ nyianu krongron bedi ɔ. Na kyɛbɔ kyẽa bɔ watu wasie berɛ wama aluolue biala te nen, ɛ́mɔbɔ see so afɔleɛ bɛ́ma AWURADE: naen yeralɛ afɔleɛ, aburoo afɔleɛ, ngaka afɔleɛ ne anonneɛ afɔleɛ.

Lewitikɔso 23:4

“Ɛhemɔ ole aluolue ahoroɔ bɔ AWURADE atu asie berɛ, nyianu krongron bɔ odi kyɛ ɛmɔdi so mmerɛ bɔ mahyehyɛ mato berɛ ne ɔ.

Lewitikɔso 23:44

Yiti Mose fale AWURADE aluolue ahoroɔ bɔ AWURADE ahyehyɛ ne tole Yisraelfoɛ nyunu.

Nahum 1:15

Nea mmokaa nemɔ aso dɔ kyɛ ɔba ɔ, bɔ ɔso ndɛenvɛen, bɔ ɔbɔ asomdwee nwo dawure ne! Ao Yuda, di w’aluolue krongron nemɔ, tua w’aboadeɛ nemɔ, ofikyɛ bɔnefoɛ ne ngɔfa koɛ ngɔtoa wɔ ko, bama ye boso amini bɔkɔɔ.

Numeri 10:10

Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Numeri 29:39

Ɛhemɔ ole aluolue bɔ AWURADE ahyehyɛ wato berɛ wama ɛmɔ ɔ. Odi kyɛ ɛmɔ bɔhyɛlɛ afɔleɛ nemɔ ɔne ɛmɔ akyɛdeɛ afɔleɛ nemɔ, ɔne ɛmɔ naen yeralɛ afɔleɛ, ɔne ɛmɔ aburoo afɔleɛ nemɔ, ɔne ɛmɔ anonneɛ afɔleɛ ɔne ɛmɔ asomdwee afɔleɛ nemɔ koso, ɛmɔbɔ.”

Yohane 5:1

Ɛhe asi ne, Yudafoɛ aluolue dwuli, na Yesu hɔle Yerusalem.

Kolosefoɛ 2:1

Mekuro kyɛ ɛmɔnwu mmɔden paa bɔ mebɔ mema ɛmɔ, yeɛ afei bɛ bɔ bɛwɔ Laodikea, ɔne ebiala bɔ onnwuni me nyunu le ɔ.

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.