Lewitikɔso 23:19 - AHYERƐLƐ KRONGRON

¹⁹ Afei koso, ɛ́mɔfa abɔngye nyii ko bɛ́bɔ bɔne nwo afɔleɛ, ná ɛ́mɔfa mmoaen nyii nyɔ bɔ bali afoɛ ngoko bɛbɔ asomdwee afɔleɛ.

Lewitikɔso 23:19 Iomraidhean Croise

Lewitikɔso 16:15

“Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 23:18

Odi kyɛ ɛmɔfa ɛhemɔ bɛboka paanoo ne aso: mmoaen nzoo bɔ bali afoɛ ngoko bɔ bellili nnɛen ɔ, nandwie nyii akrɔngrɔma ko, ɔne mmoaen nyii nyɔ; odi kyɛ bɛfa bɛbɔ naen yeralɛ afɔleɛ bɛma AWURADE. Aburoo afɔleɛ ne anonneɛ afɔleɛ ne koso boka so, na ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 23:20

Ngaka nemɔ, ɔne paanoo bɔ bafa aleɛ bɔ bali moa bate yeɛ bato ne, odi kyɛ ɔsɔfo ne pagya bɛ fa bɔ ɛnwahanɛ afɔleɛ wɔ AWURADE nyunu, mmoaen nyɔ ne boka so. Bɛte krongron ma AWURADE, na bɛkɔyɛ ɔsɔfo ne deɛ.

Numeri 15:24

ná sɛ ɛmɔanhyɛ da yeɛ ɛmɔbuli so bɔ maen ne nze ye nwo hwee a, ye de odi kyɛ maen ne amukoraati bɛfa nandwie nyii akrɔngrɔma ko bɛbɔ naen yeralɛ afɔleɛ, bɔ ɔbo AWURADE fona ɔ. Odi kyɛ bɛfa ye nwo aburoo afɔleɛ ɔne ye nwo anonneɛ afɔleɛ bɛboka so, kyɛbɔ nhyehyɛleɛ ne te ne, ná bɛ́fa abɔngye nyii ko bɛ́bɔ bɔne nwo afɔleɛ.

Numeri 28:30

Ɛ́mɔfa abɔngye nyii ko bɛ́boka so maa ɔyɛ mbata ma ɛmɔ.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.