Lewitikɔso 23:17 - AHYERƐLƐ KRONGRON

¹⁷ Odi kyɛ ɛmɔfa paanoo mumua nyɔ befi ɛmɔ atenaleɛ nemɔ anu bɛbabɔ ɛnwahanɛ afɔleɛ maa ɔyɛ aleɛ bɔ bali moa bate afɔleɛ ma AWURADE. Odi kyɛ paanoo ko biala bɛfa esam paa bɔ bafa mɔle harewaa bafra ɔ olonka nyɔ yeɛ bɛto ɔ.

Lewitikɔso 23:17 Iomraidhean Croise

Nehemia 10:37

Yɛkɔfa ɛhemɔ yɛkɔbrɛ asɔfo nemɔ maa bɛkɔfa bekogua Nyameɛ awuro berɛ pumbu nemɔ anu: yɛ mɔle nu paa paa ne, y’akyɛdeɛ mɔ, bakaa biala so mmaa, nzaa ne ngoo. Yɛ fieso aleɛ wora, yɛkɔfa buru nu ngyɛmuɛ ko yɛkɔbrɛ Lewifoɛ nemɔ, ofikyɛ Lewifoɛ yeɛ odi kyɛ bede buru nu ngyɛmuɛ ko ne befi yɛ nguraa nemɔ amukoraa nu ɔ.

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 23:16

“Di Buberɛ aluolue ne, wɔ mmerɛ bɔ ekoli moa kɔpɛ aleɛ bɔ alua ye wɔ aseɛ ne aso ne. Di Aleɛ Noa Boaboalɛ aluolue ne, wɔ afoɛ ne ayieleɛ, mmerɛ bɔ afa wɔ boo nu aleɛ ne.

Ɛksadɔso 23:19

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.

Ɛksadɔso 34:22

“Di Dapɛn Dapɛn aluolue ne, fa atokoɔ bɔ bedi moa bɛte ne yeɛ di ɔ. Di Aleɛ Noa Boaboalɛ aluolue ne wɔ afoɛ ne ayieleɛ.

Ɛksadɔso 34:26

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.”

Lewitikɔso 2:12

Ɛ́mɔfa sɔ nningyein ye bɛ́brɛ AWURADE kyɛ fieso nningyein bɔ oli moa ɔ, nakoso nnɛma ɛmɔyera bɛ wɔ afɔleɛ bokyea ne aso kyɛ afɔleɛ bɔ ɔbo fona ɔ.

Lewitikɔso 23:10

“Ka kyire Yisraelfoɛ kyɛ, Sɛ ɛmɔbadwu aseɛ bɔ méfa méma ɛmɔ ne aso, ná ɛmɔfa so aleɛ a, ɛ́mɔfa ɛmɔ aleɛ bɔ oli moa ne taperɛ ko bɛbrɛ ɔsɔfo.

Lewitikɔso 23:18

Odi kyɛ ɛmɔfa ɛhemɔ bɛboka paanoo ne aso: mmoaen nzoo bɔ bali afoɛ ngoko bɔ bellili nnɛen ɔ, nandwie nyii akrɔngrɔma ko, ɔne mmoaen nyii nyɔ; odi kyɛ bɛfa bɛbɔ naen yeralɛ afɔleɛ bɛma AWURADE. Aburoo afɔleɛ ne anonneɛ afɔleɛ ne koso boka so, na ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 7:13

Na w’asomdwee afɔleɛ bɔ ɛfa da ase ne de, odi kyɛ ɛfa mɔle harewaa paanoo ɛboka so.

Numeri 15:17

AWURADE sele Mose kyɛ,

Numeri 18:12

Ngoo ne anu paa paa, nzaa ne anu paa paa, ɔne aburoo ne anu paa paa, fieso aleɛ paa paa bɔ bɛfa bɛma AWURADE ne, mafa mama wɔ.

Numeri 18:13

Fieso aleɛ amukoraa bɔ bekoli moa bɛkɔfa wɔ b’aseɛ ne aso, bɔ bɛfa bɛbrɛ AWURADE ne, ɔte wɔ deɛ. Ebiala bɔ ye nwo te wɔ w’awuro berɛ ne ɔkora odi bie.

Numeri 28:26

Fieso aleɛ bɔ bekoli moa bɛkɔfa ne, ye aluolue kyẽa ne, sɛ ɛmɔfa aburoo foforɛ bɛbɔ aburoo afɔleɛ bɛma AWURADE wɔ ɛmɔ Dapɛn Dapɛn aluolue ne anu a, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Mateo 13:33

Yesu buli bɛ anyandera foforɛ bieku kyɛ, “Nyameɛso ahennie ne, ɔte kyɛ mɔle harewaa bɔ braa bie fa forale esam kongo nza maa odwuli kyɛ ye mukoraa tuli ɔ.”

Romanfoɛ 8:23

Nakoso nna abɔdeɛ ngome, na mmom yɛ bɔbɔ koso bɔ yanya Sunzum nu mmaa bɔ oli moa ne, yɛpene wɔ yɛ nu, mmerɛ bɔ yɛnwondɛ kyɛ bɛkɔfa yɛ bɛkɔyɛ mmaa ɔ, bɔ ɔte ɛpepɛlɛ bɔ bɛkɔpepɛ bekole yɛ nipadua ne ɔ.

1 Korintofoɛ 15:20

Nakoso ɔte nahorɛ kyɛ batingye Kristo bafi ewue nu amaa wayɛ bɛ bɔ balela ne anu bakaa mmaa bɔ oli moa ɔ.

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.