Lewitikɔso 23:10 - AHYERƐLƐ KRONGRON

¹⁰ “Ka kyire Yisraelfoɛ kyɛ, Sɛ ɛmɔbadwu aseɛ bɔ méfa méma ɛmɔ ne aso, ná ɛmɔfa so aleɛ a, ɛ́mɔfa ɛmɔ aleɛ bɔ oli moa ne taperɛ ko bɛbrɛ ɔsɔfo.

Lewitikɔso 23:10 Iomraidhean Croise

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 23:16

“Di Buberɛ aluolue ne, wɔ mmerɛ bɔ ekoli moa kɔpɛ aleɛ bɔ alua ye wɔ aseɛ ne aso ne. Di Aleɛ Noa Boaboalɛ aluolue ne, wɔ afoɛ ne ayieleɛ, mmerɛ bɔ afa wɔ boo nu aleɛ ne.

Ɛksadɔso 23:19

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.

Ɛksadɔso 34:22

“Di Dapɛn Dapɛn aluolue ne, fa atokoɔ bɔ bedi moa bɛte ne yeɛ di ɔ. Di Aleɛ Noa Boaboalɛ aluolue ne wɔ afoɛ ne ayieleɛ.

Ɛksadɔso 34:26

“W’aseɛ so aleɛ paa bɔ ekoli moa kɔpɛ ne, fa brɛ AWURADE wɔ Nyameɛ awuro. Nnɛfa abɔngye ba oni nyɔfonesue gua ye nwo to.”

Hesekiel 44:30

Na fieso nningyein mukoraa nu mmaa bɔ oli moa ne, nu paa paa ne, ɔne afɔleɛ ahoroɔ biala bɔ ofi ɛmɔ afɔleɛ mukoraa nu ne, ɔkɔyɛ asɔfo nemɔ deɛ. Na ɛmɔ mɔle bɔ oli moa ne koso, odi kyɛ ɛmɔfa bɛma asɔfo nemɔ, amaa ɔnate so saleɛ awa ɛmɔ awuro.

Lewitikɔso 14:34

“Sɛ ɛmɔbadwu Kanaan aseɛ bɔ méfa méma ɛmɔ maa ɔyɛ ɛmɔ deɛ ne aso, ná sɛ mema kwata anwonyerɛ pe awuro bie anu wɔ aseɛ bɔ ɛmɔ sa baahã ye ne aso a,

Lewitikɔso 23:11

Odi kyɛ ɔsɔfo ne nwaha taperɛ ne wɔ AWURADE nyunu, amaa ɔnate so AWURADE ale ɛmɔ ato nu. Sɛ afofikyẽa ne pɛ nu a, kyẽa bɔ ɔtoa so ne yeɛ odi kyɛ ɔsɔfo ne nwaha taperɛ ne ɔ.

Lewitikɔso 23:17

Odi kyɛ ɛmɔfa paanoo mumua nyɔ befi ɛmɔ atenaleɛ nemɔ anu bɛbabɔ ɛnwahanɛ afɔleɛ maa ɔyɛ aleɛ bɔ bali moa bate afɔleɛ ma AWURADE. Odi kyɛ paanoo ko biala bɛfa esam paa bɔ bafa mɔle harewaa bafra ɔ olonka nyɔ yeɛ bɛto ɔ.

Lewitikɔso 23:9

Na AWURADE sele Mose kyɛ,

Numeri 15:2

“Ka kyire Yisraelfoɛ kyɛ, Sɛ ɛmɔbadwu aseɛ bɔ mefa mema ɛmɔ ma ɛmɔtena so ne aso,

Numeri 28:26

Fieso aleɛ bɔ bekoli moa bɛkɔfa ne, ye aluolue kyẽa ne, sɛ ɛmɔfa aburoo foforɛ bɛbɔ aburoo afɔleɛ bɛma AWURADE wɔ ɛmɔ Dapɛn Dapɛn aluolue ne anu a, odi kyɛ ɛmɔyɛ nyianu krongron; nnɛma ɛmɔyɔ adwuma biala.

Romanfoɛ 11:16

Sɛ bakaammaa bɔ bekoli moa bɛkɔte ne te krongron ma Nyameɛ a, nzaade ye ngaa bɔ waha ne amukoraa te krongron; na sɔ ala yeɛ sɛ bakaa ndii ne te krongron a, ye mmaen ne koso te krongron ɔ.

Deuteronomi 16:9

“Ka dapɛn nzoo; hyɛ ye bo ka dapɛn nzoo ne fi kyẽa bɔ ɛkɔfa dadeɛ koateɛ kɔpɛ aburoo ɔ.

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

Yosua 3:15

Né ɔte atokoɔ telɛ mmerɛ, mmerɛ bɔ odwu a asue Yɔɔdan oyi bu fa ye boo amukoraati nu ɔ. Nakoso mmerɛ bɔ mmenia bɔ bɛsõ alaka ne dwuli Yɔɔdan noa, ná asɔfo mɔ bɔ bɛsõ alaka ne gya tiale nzue ne anu pɛ,

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

Rutu 1:22

Yiti Naomi ne ye sia brasua Moaboniɛ Rutu, bɔ ɔne ye befili Moabo aseɛ so besa bɛwale ne, bɛwale Betlehem mmerɛ bɔ né bɛ́hyɛ ye bo bɛte ayuo ɔ.