Lewitikɔso 22:9 - AHYERƐLƐ KRONGRON

⁹ Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Lewitikɔso 22:9 Iomraidhean Croise

Ɛksadɔso 28:43

Na mmerɛ biala, sɛ Aarɔn ne ye mma mmienzua mɔ bɛ́kɔ ɛtena sua atenaleɛ nu berɛ, anaakyɛ sɛ bépingye afɔleɛ bokyea ne nwo bɛkɔso wɔ nekaa krongron ne anu a, ɔsɛ kyɛ bɛfa bewura; ná bamvrɛfrɛ musue bamma bɛ nwo, ná banwu. Na ɛhe kɔyɛ ahyɛdeɛ afebɔɔ kɔma Aarɔn ne ye bosofoɛ bɔ bɛkɔwa ɔ.

Lewitikɔso 16:13

Afei odi kyɛ ɔfa ɛyɛɛ ne ogua see ne aso wɔ AWURADE nyunu, amaa mbata bia bɔ ɔwɔ Adanzeɛ ne aso ne, ɛyɛɛ nwosina ne akata so, ná wanwu.

Lewitikɔso 16:2

Na AWURADE sele Mose kyɛ, “Ka kyire eliɛma Aarɔn kyɛ, nekaa krongron bɔ ɔwɔ mbɛmuɛ tena ne asi dɔ ne, mbata bia bɔ ɔwɔ apam alaka ne aso ne, nnɛmaa ɔba ye nyunu mmerɛ biala bɔ okuro ɔ. Sɛ ɔyɔ sɔ a okowu, ofikyɛ meye me nwo ali mekyire wɔ munungum bɔ ɔwɔ mbata bia ne aso ne anu.

Lewitikɔso 18:30

Ɛ́mɔli m’ahyɛdeɛ so, na mmenia bɔ né bɛte aseɛ ne aso daa ne, akyiwadeɛ bɔ bɛyɔle ne, nnɛma ɛmɔyɔ bie, ná ɔnate so ɛmɔangua ɛmɔ nwo fiɛ: Me ole AWURADE ɛmɔ Nyameɛ.”

Lewitikɔso 22:16

amaa sɛ bedi b’akyɛdeɛ krongron bɔ ye nwo agua fiɛ ne a, sona bɔ ɔfale afɔleɛ ne wale ne wanni ye nwo fɔ bɔ okohia kyɛ ɔkɔbɔ foɛlilɛ afɔleɛ ɔ; ofikyɛ me ole AWURADE bɔ mete bɛ nwo ne.

Numeri 18:22

Ofi ɛnɛ bɔ ɔkɔ ɔ, nnɛma Yisraelfoɛ bepingye ɛtena sua atenaleɛ ne, anyɔ a musue kɔbɔ bɛ ti so maa bekowuwu.

Numeri 18:32

Sɛ ɛmɔfa bɔ ɔte paa paa ne bɛma AWURADE a, ye de foɛlilɛ biala ɔnne ɛmɔ so. Nakoso nnɛma ɛmɔgua Yisraelfoɛ akyɛdeɛ krongron nemɔ anwo fiɛ, ná ɛmɔanwuwu.”

Mateo 23:17

Ɛmɔ, ngwaseafoɛ ne anyesiniwaafoɛ! Beni yeɛ odi mu ɔ? Esikaa kɔkorɛ ne, anaakyɛ asɔneyɛɛ sua ne bɔ ɔma sikaa kɔkorɛ ne nwo te ne?

Deuteronomi 11:1

“Yiti ɔsɛ kyɛ ekuro AWURADE wɔ Nyameɛ dwirɛ, ná edi ye dwirɛ, ye ahyɛdeɛ, ye nhyehyɛleɛ ne ye mmeraa dwirɛ so mmerɛ biala.