Lewitikɔso 22:6 - AHYERƐLƐ KRONGRON

⁶ Ɔsɔfo biala bɔ ye nwo kɔha sɔ nningyein nen, ye nwo kogua fiɛ maa okoodwu nɔsoa, na onni kyɛ odi akyɛdeɛ krongron ne bie, sana wafa nzue wabia koraka.

Lewitikɔso 22:6 Iomraidhean Croise

Lewitikɔso 11:27

Na ngaka amukoraa bɔ bɛnate bɛ gya nna so ne, bɛ nu biala bɔ ɔnate ye gya tasaa nu ne, ye nwo nde mma ɛmɔ; ebiala bɔ ye nwo kɔha bɛ fuin ne, ye nwo kogua fiɛ maa okoodwu nɔsoa.

Lewitikɔso 11:28

Ebiala bɔ ɔkɔsoa bɛ fuin ne, odi kyɛ ɔpo ye nwo nningyein, na ye nwo kogua fiɛ maa okoodwu nɔsoa; bɛ nwo nde mma ɛmɔ.

Lewitikɔso 11:31

Bɛ bɔ bɛtwe bɛ nwo ase ne, ɛhemɔ bɛ nwo nde mma ɛmɔ. Sɛ bewu a, ebiala bɔ ye nwo kɔha bɛ fuin ne, ye nwo kogua fiɛ maa okoodwu nɔsoa.

Lewitikɔso 11:32

Nikyee biala bɔ bɛ nu biala fuin kɔtɔ so ne, kyɛ bakaa yeɛ bafa bayɔ hɔ oo, anaa ɛtena oo, anaa nwomaa oo, anaa bɔtɔ oo, anaa nikyee biala bɔ bɛfa bɛyɔ adwuma biala oo, odi kyɛ bɛfa bewura nzue nu na ye nwo kogua fiɛ maa okoodwu nɔsoa koraka ne ye nwo ate.

Lewitikɔso 11:39

“Kaka biala bɔ ɛmɔle ate kyɛ bedi ne, sɛ owu a, sona biala bɔ ye nwo kɔha ye fuin ne, ye nwo kogua fiɛ maa okoodwu nɔsoa.

Lewitikɔso 11:40

Sona biala bɔ okoli ye naenmvuin ne bie ne, odi kyɛ ɔpo ye nwo nningyein, na ye nwo kogua fiɛ maa okodwu nɔsoa; sona bɔ ɔkɔsoa kaka fuin ne koso, odi kyɛ ɔpo ye nwo nningyein na ye nwo kogua fiɛ maa okoodwu nɔsoa.

Lewitikɔso 15:5

Na ebiala bɔ ye nwo kɔha ye bɛen ne, odi kyɛ ɔpo ye nwo nningyein, ná ɔ́fa nzue bia, na ɔkɔyɛ sona bɔ ye nwo ɔnde ɔ maa okoodwu nɔsoa.

Lewitikɔso 22:5

ebiala bɔ ye nwo kɔha kaka biala bɔ ɔtwe ye nwo ase maa ye nwo kogua fiɛ ɔ, sona biala bɔ ye nwo agua fiɛ bɔ ɔkɔma ye nwo kogua fiɛ ɔ, ɔmva ye nwo nikye horɛ bɔ wama sona ne nwo agua fiɛ ɔ.

Lewitikɔso 22:7

Sɛ eyia kɔtɔ a yeɛ ye nwo kɔte ɔ, na ye si ye ɔkɔhora koli akyɛdeɛ krongron ne bie, ofikyɛ aleɛ ne te ye deɛ.

Hagae 2:13

Yeɛ Hagae bisale kyɛ, “Sɛ ebie fa ye nwo kã efuin maa ɔnate so ye nwo gua fiɛ, ná ɔfa ye nwo kã sɔ nningyein nemɔ anu bie a, aso sɔ nikyee ne nwo agua efiɛ anaa?” Yeɛ asɔfo nemɔ buale kyɛ, “Yoo, ye nwo agua fiɛ.”

Numeri 19:22

Sona bɔ ye nwo nde ne, nikyee biala bɔ ye nwo kɔha ye ne, sɔ nikyee ne nwo kogua fiɛ, na ebiala bɔ ye nwo kɔha sɔ nikyee ne, ye nwo kogua fiɛ maa okoodwu nɔsoa.”

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.