Lewitikɔso 22:32 - AHYERƐLƐ KRONGRON

³² Nnɛma ɛmɔgua me dumaa krongron ne anwo fiɛ, amaa ɔnate so babu me krongron wɔ Yisraelfoɛ nu: Me ole AWURADE bɔ mete ɛmɔ nwo ɔ.

Lewitikɔso 22:32 Iomraidhean Croise

Yesaya 5:16

Nakoso Asafo AWURADE de, bɛma ye so wɔ ye ndɛenbualɛ turoloo nu, na Krongronniɛ Nyameɛ ɔda ye krongronyɛlɛ ali wɔ tenenee nu.

Yesaya 8:13

Asafo AWURADE ngome yeɛ odi kyɛ ɛmɔbu ye kyɛ ɔte krongron ɔ. Ye yeɛ odi kyɛ ɛmɔsuro ye, ye yeɛ odi kyɛ ɛmɔma ye nwo suronyi tɔ ɛmɔ so ɔ.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Lewitikɔso 20:8

Ɛ́mɔli m’ahyɛdeɛ so, ná ɛ́mɔfa bɛ́bɔ bɛ bra: Me ole AWURADE, Me yeɛ mete ɛmɔ nwo ɔ.

Lewitikɔso 21:15

amaa ye boso ama nwo angua fiɛ wɔ ye abusua nu; ofikyɛ me ole AWURADE bɔ mete ye nwo ɔ.”

Lewitikɔso 21:8

Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.

Lewitikɔso 22:16

amaa sɛ bedi b’akyɛdeɛ krongron bɔ ye nwo agua fiɛ ne a, sona bɔ ɔfale afɔleɛ ne wale ne wanni ye nwo fɔ bɔ okohia kyɛ ɔkɔbɔ foɛlilɛ afɔleɛ ɔ; ofikyɛ me ole AWURADE bɔ mete bɛ nwo ne.

Lewitikɔso 22:2

“Ka kyire Aarɔn ne ye mma mmienzua nemɔ kyɛ, Yisraelfoɛ akyɛdeɛ krongron bɔ batu basie berɛ bama me ne, ɔsɛ kyɛ bɛnea ye yé, ná bangua me dumaa krongron ne anwo fiɛ: Me ole AWURADE.

Lewitikɔso 22:31

“Sɔ yeɛ odi kyɛ ɛmɔdi me mmeraa dwirɛ so ná ɛmɔfa bɛbɔ bɛ bra ɔ: Me ole AWURADE.

Lewitikɔso 22:33

Me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ: Me ole AWURADE.”

Mateo 6:9

Yiti sɔaa yeɛ ɛ́mɔbɔ mbaeɛ: ‘Yɛ Baba bɔ ɛwɔ nyameɛso ɔ, Wɔ dumaa nwo te.

Luka 11:2

Na osele bɛ kyɛ, “Sɛ ɛmɔbɔ mbaeɛ a, ɛmɔhã kyɛ, ‘Baba [bɔ ɛwɔ nyameɛso so ɔ,] Wɔ dumaa nwo ɔte; w’ahennie ɔbra.

Yohane 17:17

Yɛ bɛ krongron wɔ wɔ nahorɛ ne anu; wɔ dwirɛ ne te nahorɛ.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.