Lewitikɔso 22:3 - AHYERƐLƐ KRONGRON

³ Se bɛ kyɛ, ‘Akyɛdeɛ krongron bɔ Yisraelfoɛ betu besie berɛ bɛma AWURADE ne, wɔ ɛmɔ aworɛ ndoatoasoɛ nu, sɛ ɛmɔ boso ama biala ba ye nwo wɔ mmerɛ bɔ sɔ sona ne nwo nde a, onni kyɛ bɛma ye ate maa ɔba me nyunu ko: Me ole AWURADE.

Lewitikɔso 22:3 Iomraidhean Croise

Ɛsra 8:28

Na nga ngyirele bɛ kyɛ, “Ɛmɔte krongron ma AWURADE, nningyein nemɔ te nningyein krongron, yeɛ ɛdwetɛ ne ne sikaa kɔkorɛ ne, bɛte akyɛdeɛ afɔleɛ ma AWURADE ɛmɔ nana mɔ Nyameɛ ne.

Edwein 16:11

Wɔ yeɛ ekyire me ngoa atee ɔ. Wɔ nyunu yeɛ nningyein bɔ ɔyɛ ahomeka mu wɔ ɔ, na wɔ sa famaa nu yeɛ anigye wɔ afebɔɔ ɔ.

Edwein 51:11

Nnɛfoa me fi wɔ nyunu, yeɛ nnɛye wɔ krongronyɛlɛ sunzum ne fi me nu.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Lewitikɔso 22:2

“Ka kyire Aarɔn ne ye mma mmienzua nemɔ kyɛ, Yisraelfoɛ akyɛdeɛ krongron bɔ batu basie berɛ bama me ne, ɔsɛ kyɛ bɛnea ye yé, ná bangua me dumaa krongron ne anwo fiɛ: Me ole AWURADE.

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.