Lewitikɔso 22:27 - AHYERƐLƐ KRONGRON

²⁷ “Sɛ bɛwo nandwie anaa boaen anaa abɔngye a, ɔkɔtena oni anwo ɛlɛsoo. Ofi ye ɛlɛbɔtwɛ ne aso ne, sɛ bɛyera ye bɛfa bɛbɔ afɔleɛ bɛma AWURADE a, ye nye kɔsɔ.

Lewitikɔso 22:27 Iomraidhean Croise

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 22:30

Sɔ ala yeɛ yɛ wɔ nandwie ne wɔ mmoaen ɔ: Maa oli oni anwo ɛlɛsoo, nakoso ye ɛlɛbɔtwɛ ne aso de, fa ye ma me.

Ɛksadɔso 28:38

Ɔkɔbɔ Aarɔn nwoma so. Na mvomsoɛ biala bɔ Yisraelfoɛ kɔyɔ wɔ b’akyɛdeɛ krongron bɔ bɛfa bɛbɔ afɔleɛ krongron nwo ne, Aarɔn kɔfa kɔsoa. Mmerɛ biala, ɔkɔbɔ Aarɔn nwoma so, amaa ɔnate so akyɛdeɛ krongron nemɔ asɔ AWURADE nye.

Lewitikɔso 22:25

yeɛ nnɛma ɛmɔde sɔ ngaka nemɔ bie befi ɛwɔfoɛ bie berɛ bɛfa bɛbɔ afɔleɛ bɛma ɛmɔ Nyameɛ. Ɔnate kyɛ ngekalewa wɔ bɛ nwo ná bali nnɛen ne ati, Nyameɛ nye ngɔsɔ.

Lewitikɔso 22:26

Na AWURADE sele Mose kyɛ,

1 Samuel 7:9

Yiti Samuel fale boaen ba bɔ otua nyɔfone noa bɔle afɔleɛ mumua yeralɛ mane AWURADE. Afei Samuel sũ frɛle AWURADE mane Yisrael, na AWURADE tiele ye mbaeɛ.