Lewitikɔso 22:23 - AHYERƐLƐ KRONGRON

²³ Nandwie biala anaa boaen biala bɔ ye nekaa bie ayɛ tendenn anaa tika watra ko ne, ɛkɔhora kɔfa kɔbɔ akyɛdeɛ afɔleɛ, nakoso ɛfa yɛ aboadeɛ de a, Nyameɛ nye ngɔsɔ.

Lewitikɔso 22:23 Iomraidhean Croise

Ɛksadɔso 35:29

Na Yisrael mmienzua ne mmrasua mukoraa bɔ edwirɛ ne kanyane bɛ kyɛ bɛ́fa nningyein bɛɛboka adwuma bɔ AWURADE nate Mose so wahyɛ bɛ kyɛ bɛyɔ nen, bɛfale b’akyɛdeɛ afɔleɛ nningyein bɛbrɛle AWURADE.

Lewitikɔso 21:18

Ofikyɛ onni kyɛ ebiala bɔ wali nnɛen ba afɔleɛ bokyea ne anwo: kyɛ anyesiniwaaniɛ oo, bubuaniɛ oo, bɔ wali nnɛen wɔ ye nyunu oo anaa sona bɔ watɔ bue oo,

Lewitikɔso 22:22

Kaka biala bɔ ye nye asi, anaa wabubu, anaa wali nnɛen, anaa ye nwo ayɛ ngena ngena, anaa ye nwo atutu, anaa bɔ ngaka wɔ ye nwo ne, nnɛma ɛmɔfa bɛbɔ afɔleɛ bɛma AWURADE, yeɛ nnɛma ɛmɔfa bɛ begua afɔleɛ bokyea ne aso bɛbɔ afɔleɛ bɛma AWURADE.

Lewitikɔso 22:24

Kaka biala bɔ ye ndɔma nwo apuro, anaa wabɔ, anaa watiti, anaa ye nwo aha ne, onni kyɛ ɛmɔfa bɛbɔ afɔleɛ bɛma AWURADE ɔ; nnɛma ɛmɔyɔ sɔ wɔ ɛmɔ aseɛ ne aso,

Malaki 1:8

Sɛ ɛmɔfa kaka anyesiniwaa bɛbabɔ afɔleɛ a, aso ɔtte bɔne hɔ ɔ? Yeɛ sɛ ɛmɔfa kaka agyabuburuwaa anaa bɔ ɔnde apɔ ɔ bɛbabɔ afɔleɛ a, aso ɔtte bɔne hɔ ɔ? Nzaade fa kɔma w’amrado nea! Aso ɛkɔsɔ ye nye, anaa ɔkɔnea wɔ nyunu anaa? Asafo AWURADE noa dwirɛ ɛne.

Deuteronomi 15:21

Nakoso sɛ kaka ne ali nnɛen, ɔtɔ gua so anaa ye nye asi, anaakyɛ watɔ bue a, ye de nnɛfa bɔ afɔleɛ ma AWURADE wɔ Nyameɛ.

Deuteronomi 17:1

“Nnɛfa nandwie bɔ wali nnɛen, anaa boaen bɔ wali nnɛen, anaakyɛ bɔ nikyee tɛɛ bie wɔ ye nwo ɔ bɔ afɔleɛ ma AWURADE wɔ Nyameɛ, ofikyɛ ɔte AWURADE wɔ Nyameɛ akyiwadeɛ.