Lewitikɔso 22:21 - AHYERƐLƐ KRONGRON

²¹ Sɛ ebie bɔ asomdwee afɔleɛ ma AWURADE a, kyɛ aboadeɛ yeɛ otua oo, anaa ɔte akyɛdeɛ afɔleɛ oo, kyɛ ofi nandwie kure nu anaa mmoaen kure nu oo, odi kyɛ odi mu koraka né wasɔ Nyameɛ nye; onni kyɛ ɔyɛ bɔ wali nnɛen biala ɔ.

Lewitikɔso 22:21 Iomraidhean Croise

Gyenesise 28:20

Yeɛ Yakob hyɛle Nyameɛ bɔ kyɛ, “Sɛ Nyameɛ kogyina me si, na ɔkɔnea me so wɔ m’ateetulɛ ye anu, na ɔkɔma me aleɛ maa ngoli ɔne ɛtena maa ngɔhera,

Edwein 50:14

Fa asennaa yɛ afɔleɛ bɔ ma AWURADE, ná tua w’aboadeɛ ma Anwuro Anwuroniɛ ne.

Ɛksadɔso 35:29

Na Yisrael mmienzua ne mmrasua mukoraa bɔ edwirɛ ne kanyane bɛ kyɛ bɛ́fa nningyein bɛɛboka adwuma bɔ AWURADE nate Mose so wahyɛ bɛ kyɛ bɛyɔ nen, bɛfale b’akyɛdeɛ afɔleɛ nningyein bɛbrɛle AWURADE.

Anyandera 7:14

“Mabɔ asomdwee afɔleɛ, yeɛ matua m’aboadeɛ ɛnɛ;

Lewitikɔso 22:22

Kaka biala bɔ ye nye asi, anaa wabubu, anaa wali nnɛen, anaa ye nwo ayɛ ngena ngena, anaa ye nwo atutu, anaa bɔ ngaka wɔ ye nwo ne, nnɛma ɛmɔfa bɛbɔ afɔleɛ bɛma AWURADE, yeɛ nnɛma ɛmɔfa bɛ begua afɔleɛ bokyea ne aso bɛbɔ afɔleɛ bɛma AWURADE.

Lewitikɔso 3:1

“Sɛ ebie afɔleɛ te asomdwee afɔleɛ a, sɛ ɔfa nandwie nyii anaa beleɛ bɔ ofi nandwie kure ne anu a, odi kyɛ ɔfa bɔ ollili nnɛen ɔ ɔbɔ afɔleɛ ne wɔ AWURADE nyunu.

Lewitikɔso 3:6

“Sɛ asomdwee afɔleɛ bɔ ɛbɔ ma AWURADE ne fi mmoaen kure ne anu a, nyii oo, beleɛ oo, odi kyɛ ɔyɛ kaka bɔ ollili nnɛen biala ɔ.

Numeri 15:3

ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Numeri 15:8

Sɛ ɛfa nandwie nyii bɔ naen yeralɛ afɔleɛ anaa afɔleɛ biala a, kyɛ ɛfa tua aboadeɛ oo, anaakyɛ ɛfa bɔ asomdwee afɔleɛ ma AWURADE oo,