Lewitikɔso 22:20 - AHYERƐLƐ KRONGRON

²⁰ Nnɛma ɛmɔfa kaka biala bɔ wali nnɛen bɛbɔ afɔleɛ bɛma AWURADE, ofikyɛ ɔngɔsɔ Nyameɛ nye.

Lewitikɔso 22:20 Iomraidhean Croise

Hesekiel 45:18

AWURADE Nyameɛ nwa nyoo: Bosome bɔ oli moa ne, ye kyẽa bɔ oli moa ne, fa nandwie akrɔngrɔma ko bɔ ollili nnɛen ɔ pete nekaa krongron ne anwo.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 22:24

Kaka biala bɔ ye ndɔma nwo apuro, anaa wabɔ, anaa watiti, anaa ye nwo aha ne, onni kyɛ ɛmɔfa bɛbɔ afɔleɛ bɛma AWURADE ɔ; nnɛma ɛmɔyɔ sɔ wɔ ɛmɔ aseɛ ne aso,

Lewitikɔso 22:25

yeɛ nnɛma ɛmɔde sɔ ngaka nemɔ bie befi ɛwɔfoɛ bie berɛ bɛfa bɛbɔ afɔleɛ bɛma ɛmɔ Nyameɛ. Ɔnate kyɛ ngekalewa wɔ bɛ nwo ná bali nnɛen ne ati, Nyameɛ nye ngɔsɔ.

Lewitikɔso 3:1

“Sɛ ebie afɔleɛ te asomdwee afɔleɛ a, sɛ ɔfa nandwie nyii anaa beleɛ bɔ ofi nandwie kure ne anu a, odi kyɛ ɔfa bɔ ollili nnɛen ɔ ɔbɔ afɔleɛ ne wɔ AWURADE nyunu.

Lewitikɔso 3:6

“Sɛ asomdwee afɔleɛ bɔ ɛbɔ ma AWURADE ne fi mmoaen kure ne anu a, nyii oo, beleɛ oo, odi kyɛ ɔyɛ kaka bɔ ollili nnɛen biala ɔ.

Malaki 1:8

Sɛ ɛmɔfa kaka anyesiniwaa bɛbabɔ afɔleɛ a, aso ɔtte bɔne hɔ ɔ? Yeɛ sɛ ɛmɔfa kaka agyabuburuwaa anaa bɔ ɔnde apɔ ɔ bɛbabɔ afɔleɛ a, aso ɔtte bɔne hɔ ɔ? Nzaade fa kɔma w’amrado nea! Aso ɛkɔsɔ ye nye, anaa ɔkɔnea wɔ nyunu anaa? Asafo AWURADE noa dwirɛ ɛne.

Numeri 19:2

“Mmeraa bɔ AWURADE ahyɛ ne, ye nwo ahyɛdeɛ ɛhe: Ka kyire Yisraelfoɛ kyɛ bɛ́fa nandwie beleɛ kɔkorɛ bɔ ollili nnɛen, bɔ ngekalewa biala ɔnne ye nwo, bɔ bɛffale kɔnnua biala bɛttole ye kɔme le ɔ bɛ́brɛ wɔ.

Numeri 29:8

Odi kyɛ ɛmɔbɔ naen yeralɛ afɔleɛ bɔ ɔbo AWURADE fona ɔ bɛma ye: ɛ́mɔfa nandwie nyii akrɔngrɔma ko, boaen nyii ko, yeɛ mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ.

Deuteronomi 15:21

Nakoso sɛ kaka ne ali nnɛen, ɔtɔ gua so anaa ye nye asi, anaakyɛ watɔ bue a, ye de nnɛfa bɔ afɔleɛ ma AWURADE wɔ Nyameɛ.

Deuteronomi 17:1

“Nnɛfa nandwie bɔ wali nnɛen, anaa boaen bɔ wali nnɛen, anaakyɛ bɔ nikyee tɛɛ bie wɔ ye nwo ɔ bɔ afɔleɛ ma AWURADE wɔ Nyameɛ, ofikyɛ ɔte AWURADE wɔ Nyameɛ akyiwadeɛ.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.