Lewitikɔso 22:19 - AHYERƐLƐ KRONGRON

¹⁹ kyɛ ɔfa fi nandwie kure, mmoaen kure anaa mbɔngye kure nu oo, ɔsɛ kyɛ ɔyɛ nyii bɔ ollili nnɛen biala ɔ, koraka ne wasɔ Nyameɛ nye.

Lewitikɔso 22:19 Iomraidhean Croise

Ɛksadɔso 12:5

Ɔsɛ kyɛ boaen akrɔngrɔma ne yɛ nyii bɔ wali afoɛ ko, bɔ ollili nnɛen ɔ. Ɔsɛ kyɛ ɛmɔsa nu bɛye bɛ befi mmoaen anaa mbɔngye nemɔ anu.

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 1:2

“Ka kyire Yisraelfoɛ kyɛ, ‘Sɛ ebie fa naen afɔleɛ brɛ AWURADE a, maa ɔfa kaka bɔ ɔbaafa bɔ afɔleɛ ne ofi nandwie kure anaa mmoaen kure ne anu.

Lewitikɔso 1:3

“Sɛ ye afɔleɛ ne te naen yeralɛ afɔleɛ bɔ ofi nandwie kure ne anu a, odi kyɛ ɔfa nyii bɔ ollili nnɛen biala ɔ; odi kyɛ ɔbɔ afɔleɛ ne wɔ ɛtena sua atenaleɛ anoa nu berɛ, amaa AWURADE ale ye ato nu.

Lewitikɔso 21:18

Ofikyɛ onni kyɛ ebiala bɔ wali nnɛen ba afɔleɛ bokyea ne anwo: kyɛ anyesiniwaaniɛ oo, bubuaniɛ oo, bɔ wali nnɛen wɔ ye nyunu oo anaa sona bɔ watɔ bue oo,

Lewitikɔso 4:32

“Sɛ boaen yeɛ ɔfa babɔ bɔne nwo afɔleɛ a, odi kyɛ ɔfa beleɛ bɔ ollili nnɛen biala ɔ.

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Mateo 27:24

Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Luka 23:14

na ɔfa tole bɛ nyunu kyɛ, “Ɛmɔfale biaa he bɛbrɛle me, kyɛ ye yeɛ ɔma mmenia bɛyɔ basabasa wɔ maen ne anu ɔ. Na ɛ́mɔtie, mabisabisa ye dwirɛ wɔ ɛmɔ nyunu wa, nakoso kwaadu bɔ ɛmɔafa babɔ biaa he ne, mennwu kyɛ odi nu biala nwo fɔ ɔ.

Luka 23:41

Yɛ deɛ ne de, ɔfata yɛ; ofikyɛ bɔ yayɔ ne, ye nwo akatuaa yeɛ yanya ye ne; nakoso biaa he de, ɔyyɔle bɔne nikyee biala bɔ ɔtte mayee ɔ.”

Luka 23:47

Na asraafoɛ ɛyaa so panyi ne nwuni bɔ wasi nen, ɔyele Nyameɛ ayɛ, na ɔhane kyɛ, “Amba, biaa he te teneneeniɛ!”

Yohane 19:4

Yeɛ Pilato fite wale bieku, na osele bɛ kyɛ, “Ɛ́mɔtie, méfa ye mebrɛ ɛmɔ, ma ɛmɔnwu ye kyɛ mennwu kyɛ odi fɔ biala ɔ.”

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Ɛfesofoɛ 5:27

kyɛbɔ okosiesie asɔre ne animnyam nu kɔma ye nwo, bɔ ngekalewa anaa ɛpombonɛ, anaa nikyee fiɛ biala nne ye nwo, na mmom wayɛ krongron bɔ mvomsoɛ nne ye nwo ɔ.

Deuteronomi 15:21

Nakoso sɛ kaka ne ali nnɛen, ɔtɔ gua so anaa ye nye asi, anaakyɛ watɔ bue a, ye de nnɛfa bɔ afɔleɛ ma AWURADE wɔ Nyameɛ.

Hebrifoɛ 9:14

nzaade Kristo bɔ ɔnate Sunzum bɔ ɔwɔ berɛ afebɔɔ ne aso fale ye nwo bɔle afɔleɛ bɔ ngekalewa biala nne ye nwo mane Nyameɛ nen, ɔkɔyɛ sɛɛ bɔ ye mogya ngɔte yɛ tiboa nwo ngofi yɔleɛ mbaen mbaen nwo ma yɛngɔso Nyameɛ teasefoɛ ne ɔ?

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,