Lewitikɔso 22:18 - AHYERƐLƐ KRONGRON

¹⁸ “Ka kyire Aarɔn ne ye mma mmienzua nemɔ ne Yisraelfoɛ amukoraati kyɛ, ‘Sɛ ebiala bɔ ofi Yisrael awuro anaa ɛwɔfoɛ mɔ bɔ baatena Yisrael maen nu ɔfa afɔleɛ brɛ AWURADE a, kyɛ aboadeɛ yeɛ otua oo, anaakyɛ akyɛdeɛ afɔleɛ bɔ ɔfa bɔ naen yeralɛ afɔleɛ oo,

Lewitikɔso 22:18 Iomraidhean Croise

2 Aberɛso Dwirɛ 31:14

Akyɛdeɛ afɔleɛ bɔ bɛbɔ bɛma Nyameɛ ne, nningyein bɔ batu basie berɛ bama AWURADE ne hyɛlɛ ne, yeɛ afɔleɛ krongron nningyein ne hyɛlɛ ne, Lewiniɛ Yimina ɔwa Kore bɔ ɔte eyia afiteleɛ pambim so neafoɛ ne, ye yeɛ né owura ye sa ɔ.

Edwein 116:14

Ngotua m’aboadeɛ ngɔma AWURADE, wɔ ye mmenia amukoraa bɛ nyunu.

Edwein 116:18

Ngotua m’aboadeɛ ngɔma AWURADE, wɔ ye mmenia amukoraa bɛ nyunu,

Edwein 22:25

Wɔ yeɛ ɛmaa mekora meye wɔ ayɛ wɔ badwa kandinga nu ɔ, na bɛ bɔ besuro wɔ ne, bɛ nyunu yeɛ ngotua m’aboadeɛ ɔ.

Edwein 56:12

Ao Nyameɛ, odi kyɛ metua m’aboadeɛ mema wɔ. Ngɔbɔ asennaa afɔleɛ ngɔma wɔ.

Edwein 61:5

Ofikyɛ wɔ, Nyameɛ, ate me bɔhyɛ ne, bɛ bɔ besuro wɔ dumaa ne, afa b’agyapadeɛ ama me.

Edwein 61:8

Yiti ngɔto wɔ dumaa nwo ayɛyelɛ dwein daa, ná matua m’aboadeɛ daa biala.

Edwein 65:1

Ao Nyameɛ, ayɛyelɛ fata wɔ wɔ Sion, na wɔ yeɛ bekotua aboadeɛ bɛkɔma wɔ ɔ’.

Edwein 66:13

Ngɔfa naen yeralɛ afɔleɛ mɔ ngɔwa w’awuro berɛ; ngotua m’aboadeɛ mɔ ngɔma wɔ,

Ɛksadɔso 12:5

Ɔsɛ kyɛ boaen akrɔngrɔma ne yɛ nyii bɔ wali afoɛ ko, bɔ ollili nnɛen ɔ. Ɔsɛ kyɛ ɛmɔsa nu bɛye bɛ befi mmoaen anaa mbɔngye nemɔ anu.

Nworɛ Dwirɛhanɛniɛ 5:4

Sɛ ɛhyɛ Nyameɛ bɔ a, nnɛtwetwe wɔ gya ase wɔ ye tualɛ nwo, ofikyɛ ɔngyegye ngwaseafoɛ so. Tua bɔ ahyɛ ye nwo bɔ ne.

Lewitikɔso 1:10

“Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 1:2

“Ka kyire Yisraelfoɛ kyɛ, ‘Sɛ ebie fa naen afɔleɛ brɛ AWURADE a, maa ɔfa kaka bɔ ɔbaafa bɔ afɔleɛ ne ofi nandwie kure anaa mmoaen kure ne anu.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 17:13

Na Yisraelniɛ biala anaa ɛwɔfoɛ biala bɔ waatena ɛmɔ nu ne, sɛ oku kaka anaa anomaa biala bɔ bedi a, odi kyɛ ohwie ye mogya gua ase ná otu nnɛterɛ kata so.

Lewitikɔso 22:17

Na AWURADE sele Mose kyɛ,

Lewitikɔso 23:38

AWURADE afofingyẽa nemɔ koso, odi kyɛ ɛmɔdi so, ná ɛ́mɔfa ɛmɔ ayɛyɛdeɛ, ɛmɔ aboadeɛ afɔleɛ amukoraa, ɔne ɛmɔ akyɛdeɛ afɔleɛ amukoraa bɔ ɛmɔfa bɛbrɛ AWURADE ne bɛboka so.

Lewitikɔso 7:16

Nakoso sɛ w’afɔleɛ ne te bɔhyɛlɛ afɔleɛ anaa akyɛdeɛ afɔleɛ a, odi kyɛ edi ye ɛlɛho bɔ ɛkɔbɔ afɔleɛ ne ala, na aleɛ kye a, di ye ngaa bɔ waha ne.

Amose 4:5

Ao ɛmɔ, Yisraelfoɛ, ɛ́mɔfa paanoo harewaa bɛ́bɔ asennaa afɔleɛ. Ɛ́mɔbɔ akyɛdeɛ afɔleɛ nwo dawure, ɛ́mɔfa bɛ́to dwaa, ofikyɛ bɔ ɛmɔkuro kyɛ ɛmɔyɔ hɔ ɛne,” AWURADE Nyameɛ noa dwirɛ ɛne.

Yona 1:16

Yeɛ mmenia nemɔ surole AWURADE paa, na bɛbobɔle afɔleɛ bɛmane AWURADE, na bɛbobɔle ye anohoba.

Yona 2:9

Nakoso ngɔfa asennaa komviɛ ngɔbɔ afɔleɛ ngɔma wɔ. Ngotua m’aboadeɛ bɔ maboa ne. AWURADE berɛ yeɛ ngoalelɛ fi ɔ!”

Nahum 1:15

Nea mmokaa nemɔ aso dɔ kyɛ ɔba ɔ, bɔ ɔso ndɛenvɛen, bɔ ɔbɔ asomdwee nwo dawure ne! Ao Yuda, di w’aluolue krongron nemɔ, tua w’aboadeɛ nemɔ, ofikyɛ bɔnefoɛ ne ngɔfa koɛ ngɔtoa wɔ ko, bama ye boso amini bɔkɔɔ.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Numeri 15:3

ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Asomafoɛ 18:18

Na Pɔɔlo tenane berɛ hyɛle kãa, na nziɛ ye ɔne aliɛmaa nemɔ belili ngraa, na ofili berɛ fale ɛlɛen hɔle Siria. Prisila ne Akwila koso bokale ye so bɛne ye hɔle. Pɔɔlo bɔle tikwa, wɔ Kɛnkrea, ɔnate kyɛ né wabɔ anohoba.

Deuteronomi 12:17

Nnɛdi sɔ nningyein hemɔ wɔ wɔ nguro nemɔ anu: w’aburoo buru nu ngyɛmuɛ ko, wɔ nzaa buru nu ngyɛmuɛ ko, yeɛ wɔ ngoo buru nu ngyɛmuɛ ko, anaa wɔ nandwie ne wɔ mmoaen bamuɛbaa mɔ, anaa w’aboadeɛ afɔleɛ biala, w’akyɛdeɛ afɔleɛ, anaa wɔ ndoboa.

Deuteronomi 12:6

Berɛ yeɛ ɔsɛ kyɛ ɛmɔfa ɛhemɔ bɛkɔ ɔ: ɛmɔ naen yeralɛ afɔleɛ, ɛmɔ ngaka afɔleɛ, ɛmɔ nningyein mɔ buru nu ngyɛmuɛ ko, ɛmɔ ndoboa afɔleɛ, ɛmɔ aboadeɛ afɔleɛ, ɛmɔ akyɛdeɛ afɔleɛ, ɔne ɛmɔ nandwie ne mmoaen bamuɛbaa mɔ.

Deuteronomi 16:10

Afei di Dapɛn Dapɛn aluolue ne hyɛ AWURADE wɔ Nyameɛ animnyam. Nea kyɛbɔ AWURADE wɔ Nyameɛ asi ayira wɔ ɔ ná bɔ w’akyɛdeɛ afɔleɛ.