Lewitikɔso 22:12 - AHYERƐLƐ KRONGRON

¹² Sɛ ɔsɔfo bie awa brasua gya biaa bɔ nna asɔfo abusua kure ne anu yeɛ ofi hɔ a, ye de sɔ braa ne, ɔnzɛ kyɛ odi akyɛdeɛ krongron bɔ bafa babɔ afɔleɛ ne bie.

Lewitikɔso 22:12 Iomraidhean Croise

Yesaya 40:13

Aso ebie ahyire bɔ odi kyɛ AWURADE Sunzum yɔ ɔ, anaa nwa yeɛ ɔte ye foɛtulɛniɛ bɔ otu ye foɛ ɔ?

Lewitikɔso 21:3

yeɛ oliɛma brasua kaenn bɔ ɔte ababunu bɔ onnwuni biaa le ɔ, ofikyɛ onnya oggyale biaa. Ɔnate oliɛma brasua ne ati, ɔkora gua ye nwo fiɛ.

Lewitikɔso 22:11

Nakoso sɛ ɔsɔfo bie tɔ kanganiɛ a, ye de kanganiɛ ne ɔkora odi bie, na kanganiɛ ne mma bɔ bɛkɔwo bɛ wɔ ɔsɔfo awuro berɛ ne, bɛ koso bɛkora bedi ɔsɔfo aleɛ ne bie.

Lewitikɔso 22:13

Nakoso sɛ ɔsɔfo awa brasua bayɛ kunaniɛ, anaa ohu yira ye bɔ olle ba, ná osa batena ye baba awuro kyɛbɔ ye ndaluwa nu ɔtenane berɛ ne a, ye de ɔkora odi ye baba aleɛ ne bie. Sona biala bɔ nna ɔsɔfo abusua kure ne anu yeɛ ofi ne de, ɔnzɛ kyɛ odi bie ɔ.