Lewitikɔso 21:9 - AHYERƐLƐ KRONGRON

⁹ Sɛ ɔsɔfo awa brasua bɔ adwaman fa gua ye bɔbɔ ye nwo fiɛ a, ye de wagua ye baba nwo fiɛ, odi kyɛ bɛyera baa brasua ne.

Lewitikɔso 21:9 Iomraidhean Croise

Gyenesise 38:24

Kɔyɛ ɛsraen nza asi ne, bɛbɔle Yuda amaneɛ kyɛ, “Wɔ sia Tamar wabɔ adwaman, na ɔnate so po ɔnwonzɛ.” Na Yuda hyɛle kyɛ, “Ɛmɔhwe ye befite ma bɛyera ye.”

Ɛksadɔso 31:14

Ɛ́mɔli afofikyẽa ne aso, ofikyɛ ɔte krongron ma ɛmɔ. Sona biala bɔ okogua afofikyẽa ne nwo fiɛ nen, ɔsɛ kyɛ beku ye; sona biala bɔ ɔkɔyɔ adwuma sɔ kyẽa nen, ɔsɛ kyɛ bɛpɛ ye asue befi ye maen nu.

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Hesekiel 9:6

Ɛ́mɔhũhũ bɛ bɔkɔɔ: nworowaa, mmerandeɛ, ndaluwa, ngwadaa ne mmrasua. Nakoso ebiala bɔ bahyɛ ye nzorɛ ne de, nnɛma ɛmɔfa ɛmɔ sa bɛkã ye. Ɛ́mɔhyɛ ye bo béfi me nekaa krongron ne.” Yiti bɛhyɛle ye bo befili mbanyi bɔ bɛwɔ sua ne anyunu nemɔ aso.

Lewitikɔso 19:29

“Nnɛma ɛwa brasua bɔ gyandera ma ye nwo gua fiɛ, amaa aseɛ ne angakyi gyanderafoɛ aseɛ, ná nzɛmmɔne anzone wɔ so.

Lewitikɔso 20:14

Sɛ bienzua gya braa ná osa gya braa ne maame boka so a, wabɔ musue; odi kyɛ bɛyera bɛ: biaa ne ɔne mmrasua nemɔ, amaa musue anga ɛmɔ.

Malaki 2:3

Tie, ngohwi ɛmɔ bosofoɛ bɛ nyunu, na ngɔfa bondua ngɔpete ɛmɔ nyunu, ɛmɔ aluolue ngaka bondua ne, na bekogyi ɛmɔ ne bondua ne bekogua.

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.

Tito 1:6

Bɔ ngekalewa biala nne ye bra nu; bɔ ɔye te komapɛ, bɔ ye mma mɔ bɛte agyidifoɛ bɔ bɛnyɛ basabasa anaa asoserɛ ɔ.

Yosua 7:15

Na sona bɔ ngɔye ye kyɛ nningyein bɔ matu masie berɛ kyɛ bɛsɛkye ye ne bie wɔ ye berɛ nen, ɛ́mɔfa see bɛ́yera ye, ɔne ye nwo ama ne ye nikyee biala, ofikyɛ wabu AWURADE apam ne aso, na wabɔ nyanzoen bra wɔ Yisrael.”

Yosua 7:25

Na Yosua sele kyɛ, “Nzikyɛ amaneɛ yeɛ aahwe abrɛ yɛ ye? AWURADE kɔma amaneɛ kɔto wɔ ɛnɛ kyẽa ye.” Na Yisraelfoɛ amukoraati bɛborole ye nyɔboɛ behuni ye. Bɛfale see bɛyerale bɛ, na bɛsesale nyɔboɛ beguale bɛ so.

1 Samuel 2:17

Yiti mmerandeɛ nemɔ bɔne yɛle piri wɔ AWURADE nyunu, ofikyɛ bamva anidie bamma AWURADE afɔleɛ nemɔ.

1 Samuel 2:34

Na bɔ ɔkɔto wɔ mma nyɔ Hofini ne Finehase ne de, ɔkɔyɛ sɛngyerɛnneɛ kɔma wɔ: bɛ munyɔ bekowu ɛlɛho.