Lewitikɔso 21:22 - AHYERƐLƐ KRONGRON

²² Ye Nyameɛ aleɛ ne, bɔ ɔte krongron paa ɔne bɔ ɔte krongron ne, ɔkɔhora koli bie.

Lewitikɔso 21:22 Iomraidhean Croise

Lewitikɔso 10:12

Mose sele Aarɔn ɔne Aarɔn mma bɔ baha bɔ bɛ ole Eleasa ne Yitama kyɛ, “Afɔleɛ mɔ bɔ bɛbɔle ye see so bɛmane AWURADE ne, ɛ́mɔfa aburoo afɔleɛ ngaa ne, ná ɛ́mɔli ye kabrɛdi wɔ afɔleɛ bokyea ne ngyɛnu, ofikyɛ ɔte krongron paa.

Lewitikɔso 10:17

“Nzu ati yeɛ ɛmɔanni bɔne nwo afɔleɛ ne wɔ nekaa bɔ ɔte krongron ɔ? Ofikyɛ ɔte nikye krongron paa, na Nyameɛ afa ama ɛmɔ, amaa ɛmɔaprapra mmenia nemɔ amumuyɛɛ bagua na ɛmɔapata bama bɛ wɔ AWURADE nyunu.

Lewitikɔso 14:13

Odi kyɛ oku boaen akrɔngrɔma ne wɔ nekaa krongron berɛ, nekaa bɔ beku bɔne nwo afɔleɛ ɔne naen yeralɛ afɔleɛ ngaka ne, ofikyɛ foɛlilɛ afɔleɛ te kyɛ bɔne nwo afɔleɛ ne ala; ɔte ɔsɔfo ne deɛ na ɔte krongron paa.

Lewitikɔso 2:10

Aburoo afɔleɛ ne ngaa ne, ɔte Aarɔn ne ye mma mmienzua mɔ deɛ; afɔleɛ bɔ bɛbɔ ye see so bɛma AWURADE ne, ɛhe yeɛ ɔte krongron paa ɔ.

Lewitikɔso 2:3

Aburoo afɔleɛ ne ngaa ne kɔyɛ Aarɔn ne ye mma mmienzua mɔ deɛ; afɔleɛ bɔ bɛbɔ ye see so bɛma AWURADE ne, ɛhe yeɛ ɔte krongron paa ɔ.

Lewitikɔso 21:23

Nakoso ɔnate kyɛ wali nnɛen ne ati, nnɛmaa opingye mbɛmuɛ tena ne anaakyɛ ɔba afɔleɛ bokyea ne anwo, ná wamva efiɛ wanga nekaa krongron ne, ɔne nu nningyein; ofikyɛ me ole AWURADE bɔ mete bɛ nwo ɔ.”

Lewitikɔso 22:25

yeɛ nnɛma ɛmɔde sɔ ngaka nemɔ bie befi ɛwɔfoɛ bie berɛ bɛfa bɛbɔ afɔleɛ bɛma ɛmɔ Nyameɛ. Ɔnate kyɛ ngekalewa wɔ bɛ nwo ná bali nnɛen ne ati, Nyameɛ nye ngɔsɔ.

Lewitikɔso 22:7

Sɛ eyia kɔtɔ a yeɛ ye nwo kɔte ɔ, na ye si ye ɔkɔhora koli akyɛdeɛ krongron ne bie, ofikyɛ aleɛ ne te ye deɛ.

Lewitikɔso 27:28

“Nakoso ebiala ye nikyee biala bɔ okotu kosie berɛ kɔma AWURADE ne, kyɛ sona oo, kyɛ kaka oo, anaa aseɛ bɔ bawu bafa bayakyi ye oo, ɔngɔhora ngɔtɔne ye, yeɛ ɔngɔhora ngɔpɔ ye. Nikyee biala bɔ batu basie berɛ bama AWURADE ne, ɔte krongron paa ma AWURADE.

Lewitikɔso 6:10

Odi kyɛ ɔsɔfo ne wura ye nwera ataadeɛ ne, ná ówura ye nwera pieto ne ɔ́fa kata ye nwo. Naen yeralɛ afɔleɛ bɔ bayera ye wɔ afɔleɛ bokyea ne aso ne, odi kyɛ ɔsesa ye nzoen ɔfa gua afɔleɛ bokyea ne ngyɛnu.

Lewitikɔso 6:29

Bienzua biala bɔ ofi asɔfokure ne anu ne, ɔkora odi bie; ɔte nikyee krongron paa.

Lewitikɔso 7:1

“Foɛlilɛ afɔleɛ nwo nhyehyɛleɛ ɛhe: ɔte krongron paa.

Lewitikɔso 7:6

Bienzua biala bɔ ɔwɔ asɔfo abusua kure ne anu ne, ɔkora di bie; odi kyɛ bedi ye wɔ nekaa bɔ ɔte krongron ɔ; ɔte krongron paa.

Numeri 18:19

Afɔleɛ krongron amukoraa bɔ Yisraelfoɛ bɔ ma AWURADE ne, mafa mama wɔ ne wɔ mma mmienzua ne wɔ mma mmrasua mɔ. Ɔte ɛmɔ deɛ afebɔɔ. Ɔte ngyee apam afebɔɔ wɔ AWURADE nyunu ma wɔ ne wɔ bosofoɛ koso.”

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?