Lewitikɔso 21:13 - AHYERƐLƐ KRONGRON

¹³ Odi kyɛ brasua bɔ onnwuni biaa le angome yeɛ ɔsɔfo panyi paa ne ogya ye ɔ.

Lewitikɔso 21:13 Iomraidhean Croise

Hesekiel 44:22

Onni kyɛ begya kunaniɛ brasua anaa brasua bɔ ebie ayira ye ɔ; na mmom Yisrael awuro ama bɛ bosoniɛ brasua bɔ onnwuni biaa le ɔ, anaa kunaniɛ brasua bɔ né ohu te ɔsɔfo yeɛ bɛkora begya ye ɔ.

Lewitikɔso 21:12

Onni kyɛ ofi nekaa krongron berɛ kɔ ɛsɛen bo, na wangua ye Nyameɛ nekaa krongron ne nwo fiɛ; ofikyɛ bafa ye Nyameɛ ɛpopalɛ ngoo bate ye nwo: Me ole AWURADE.

Lewitikɔso 21:14

Onni kyɛ ogya brasua kunaniɛ, anaa brasua bɔ bayira ye ɔ, anaa brasua bɔ ebie ne ye ala le ɔ, anaa gyanderaniɛ. Ye bɔbɔ ye abusua nu brasua bɔ onnwuni biaa le yeɛ odi kyɛ ogya ye ɔ;

Lewitikɔso 21:7

Onni kyɛ begya gyanderaniɛ anaa brasua bɔ ebie ne ye ala le ɔ; yeɛ nnɛmaa begya brasua bɔ ohu ayira ye ɔ, ofikyɛ asɔfo mɔ te krongron ma bɛ Nyameɛ.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.