Lewitikɔso 21:10 - AHYERƐLƐ KRONGRON

¹⁰ “Ɔsɔfo panyi paa, bɔ ye yeɛ bahwie ɛpopalɛ ngoo bagua ye ti so, ná bate ye nwo kyɛ ówura asɔfo ndaadeɛ ne, onni kyɛ ɔma ye ti nwiaa gua so basaa, yeɛ nnɛmaa osunzua ye ndaadeɛ nu.

Lewitikɔso 21:10 Iomraidhean Croise

Gyenesise 37:34

Yiti Yakob sunzuale ye ndaadeɛ nu, ɔfale ɛsɛen tena pɛle ye bo, na olili ɔwa ne wue nwo aworabɔlɛ ngyẽa pee.

2 Samuel 15:30

Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

Ɛseta 6:12

Na ɛhe asi ne, Modekae sa wale ahemvie anoa nu berɛ, nakoso Haman de, ɔfale aworabɔlɛ ne animguaseɛ hane ye nwo hɔle ye awuro.

YOB NWOMAA NE 1:20

Yeɛ Yob dwɔsole, osunzuale ye bɔbɔ ye ndaadeɛ nu, ɔpoane ye ti, na ɔtole ye nwo yele aseɛnwo berɛ sɔnene (Nyameɛ).

Edwein 133:2

Ɔte kyɛ ngoo nyɔboɛ serɛ bɔ ogua sona ti so, bɔ osongyi gua ye kanza nu, ɔte kyɛ bɔ osongyi gua Aarɔn kanza nu, bɔ ɔtengyɛ gua ye ataadeɛ kɔme anu ɔ.

Ɛksadɔso 29:7

Fa ɛpopalɛ ngoo ne, hwie gua ye ti so, ná fa popa ye ti so.

Hesekiel 24:17

Gua anwongokoɔ konn, yeɛ nnɛsũ sona bɔ wawu ne. Bɔ w’abotire, ná fa wɔ mbaboa wura. Nnɛfa nikyee kata wɔ noa, yeɛ nnɛdi ɛsɛenvoɛ aleɛ.”

Lewitikɔso 13:45

“Sona bɔ kwata anwonyerɛ kɔyɛ ye ne, odi kyɛ owura ndaadeɛ teterewaa ná ɔma ye ti nwiaa gua so basaa. Odi kyɛ ɔkata ye noa tuin anwuro ne aso ná ɔtea nu kyɛ, ‘Me nwo nde o, me nwo nde o!

Lewitikɔso 16:32

Ɔsɔfo bɔ bapopa ye ngoo ná bate ye nwo maa waasi ye baba gya nu wayɛ ɔsɔfo ne, ye yeɛ ɔkɔyɛ mbata ne ɔ; odi kyɛ owura nwera ataadeɛ krongron ne.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Lewitikɔso 8:12

Ohwiele ɛpopalɛ ngoo ne bie guale Aarɔn ti afia na ɔpopale ye ngoo fa tele ye nwo.

Numeri 35:25

Na maen ne kole sona bɔ wali awue ne kofi wereɛtɔlɛniɛ ne sa nu. Afei maen ne kɔfa sona bɔ wali awue ne kɔhɔ mmenia nwo adwaabɔlɛ kuro bɔ ɔnwati hɔle nu ne aso. Sona bɔ wali awue ne kɔtena kuro ne aso kɔpem kyɛ ɔsɔfo panyi bɔ bapopa ye ngoo krongron ne okowu ɔ.

Numeri 6:7

Sɛ ɔse anaa oni anaa oliɛma bienzua anaa oliɛma brasua po wu a, nnɛmaa ɔkɔ ye fuin nwo ma ye nwo gua fiɛ, ofikyɛ ye nwo bɔ watu wasie berɛ wama AWURADE ne, ye ti so yeɛ ɔwɔ ɔ.

Mateo 26:65

Yeɛ ɔsɔfo panyi paa ne sunzuale ye ndaadeɛ nu hane kyɛ, “Wahã musue dwirɛ! Adanzefoɛ bieku de, yɛhia yɛyɛ ye sɛ? Eh, afei de, ɛmɔate ye musue dwirɛ ne!