Lewitikɔso 20:9 - AHYERƐLƐ KRONGRON

⁹ Ebiala bɔ ɔkɔnoma ɔse anaa oni ne, odi kyɛ beku ye, ɔnate kyɛ wanoma ɔse anaa oni, na ye wue kɔbɔ ye bɔbɔ ye ti so.

Lewitikɔso 20:9 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

1 Ahemvo 2:32

Mogya ahoroɔ bɔ benni fɔ bɔ wahã wagua ne, AWURADE kɔmaa ɔkɔbɔ ye bɔbɔ ye ti so. Ofikyɛ ɔhwene ngrandɛ huni mmienzua nyɔ bɔ bɛtengyɛ ná bɛte paa bɛtra ye ɔ, wɔ mmerɛ bɔ né me baba Dawide ɔnze ye nwo hwee ɔ. Bɛ yeɛ ole Nɛɛ awa Abenɛ bɔ né ɔte Yisrael koɛhonɛfoɛ safohene, ɔne Yeta awa Amasa, bɔ né ɔte Yuda koɛhonɛfoɛ safohene ne.

Ɛksadɔso 21:17

“Ebiala bɔ ɔkɔnoma ɔse anaa oni nen, ɔsɛ kyɛ beku ye.

Anyandera 20:20

Ebiala bɔ ɔkɔnoma ɔse anaa oni ne, ye kanea konua wɔ awosii kabii nu.

Anyandera 30:11

Mmenia biemɔ wɔ berɛ a, bɛnoma bɛ baba, yeɛ bɛnga kyɛ bɛ maame onya saleɛ.

Anyandera 30:17

Anyeɛ bɔ ɔgoro ye baba anwo, ɔne bɔ ɔpo kyɛ okotie ye maame dwirɛ ne, bɔnza nu anene mɔ kotutu sɔ anyeɛ ne, na kɔleɛ mma mɔ kosuso koli.

Hesekiel 18:13

ɔbɔ bosea fa nzihoɛ si ye nwo, anaa ode bie boka so a, aso okonya ngoa anaa? Ongonya ngoa. Wabɔ sɔ akyiwadeɛ bra ne amukoraa; ewue yeɛ okowu ɔ, na ye bɔbɔ ye mogya kɔbɔ ye ti so.

Hesekiel 22:7

Bebu seɛ ne niɛ animtia wɔ wɔ nu; bɛhyɛ ɛwɔfoɛ so wɔ wɔ nu; yeɛ besisi nyisiaa ne kunafoɛ mmrasua koso wɔ wɔ nu.

Lewitikɔso 20:16

Sɛ brasua bie fa ye nwo ma kaka bie maa ɔne ye bɛda a, ku brasua ne ɔne kaka ne; odi kyɛ beku bɛ ɔ, na bɛ wue kɔbɔ bɛ ti so.

Lewitikɔso 20:27

“Bienzua anaa brasua bɔ ɔte nzamangɔmhyɛlɛniɛ anaa kɔmeɛ ne, odi kyɛ beku ye ɔ; bɛ́boro bɛ nyɔboɛ béhu bɛ, na bɛ wue kɔbɔ bɛ ti so.”

Mateo 15:4

Ofikyɛ Nyameɛ hyɛle kyɛ, ‘Di ɛse ne eni ni,’ yeɛ, ‘Ebiala bɔ ɔkɔhã edwirɛ tɛɛ kotia ɔse anaa oni ne, ehunɛ yeɛ odi kyɛ beku ye ɔ’?

Mateo 27:25

Na maen ne amukoraa bebuale kyɛ, “Ye mogya ɔ́bɔ yɛ ne yɛ mma mɔ ti so!”

Marko 7:10

Ofikyɛ Mose hane kyɛ, ‘Di ɛse ne eni ni,’ yeɛ: ‘Ebiala bɔ ɔkɔhã ɔse anaa oni nwo dwirɛ tɛɛ ne, ehunɛ yeɛ odi kyɛ beku ye ɔ!’

Deuteronomi 27:16

“ ‘Musue tó sona biala bɔ onni ɔse ne oni ni ɔ.’ Na mmenia ne amukoraa kosuro so kyɛ, ‘Amen!’

Yosua 2:19

Na sɛ ɛmɔ nu bie fi w’awuro wa fite kɔ dwaaso de a, ye de ye bɔbɔ deinn ye wue kɔbɔ ye ti so, na yɛnni ye wue nwo fɔ. Nakoso bɛ bɔ bɛkɔɔboka wɔ so wɔ awuro wa ne de, sɛ ebie fa ye sa ka bɛ nu biala a, ye de ye wue kɔbɔ yɛ ti so.

Maenbulɛfoɛ 9:24

Ɛhe sili, amaa ehunɛ bɔ behuni Yerubaal mma mmienzua aburasoo nemɔ ne, banya ye nwo akatuaa; amaa b’eliɛma Abimɛlɛke bɔ ohuni bɛ ne, ɔne Sɛkem mbanyi bɔ begyinane ye si maa ohuni oliɛma nemɔ ne, bɛ mogya abɔ bɛ ti so.