Lewitikɔso 20:7 - AHYERƐLƐ KRONGRON

⁷ Yiti ɛ́mɔte ɛmɔ nwo, ná ɛ́mɔyɛ krongron, ofikyɛ me ole AWURADE ɛmɔ Nyameɛ.

Lewitikɔso 20:7 Iomraidhean Croise

Lewitikɔso 11:44

Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 11:45

Ofikyɛ me ole AWURADE bɔ nyele ɛmɔ mvili Misraim aseɛ so mmale ne, bɔ me yeɛ nde ɛmɔ Nyameɛ ɔ; yiti ɛ́mɔyɛ krongron, ofikyɛ nde krongron.”

Lewitikɔso 19:2

“Ka kyire Yisrael maen ne amukoraati kyɛ, Ɛ́mɔyɛ krongron ofikyɛ me AWURADE, ɛmɔ Nyameɛ, nde krongron.

Lewitikɔso 21:15

amaa ye boso ama nwo angua fiɛ wɔ ye abusua nu; ofikyɛ me ole AWURADE bɔ mete ye nwo ɔ.”

Lewitikɔso 21:23

Nakoso ɔnate kyɛ wali nnɛen ne ati, nnɛmaa opingye mbɛmuɛ tena ne anaakyɛ ɔba afɔleɛ bokyea ne anwo, ná wamva efiɛ wanga nekaa krongron ne, ɔne nu nningyein; ofikyɛ me ole AWURADE bɔ mete bɛ nwo ɔ.”

Lewitikɔso 21:8

Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

1 Tɛsalonikafoɛ 4:3

Nyameɛ apɛdeɛ ɛhe: kyɛ ɛmɔ nwo kɔte, ná ɛmɔkɔhwe ɛmɔ nwo bekofi adwamanbɔlɛ nwo,

1 Tɛsalonikafoɛ 4:7

Ɔnate kyɛ, Nyameɛ amvrɛ yɛ wamma efiɛ nu, na mmom anwotelɛ nu.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.

Yosua 3:5

Afei Yosua sele mmenia ne kyɛ, “Ɛ́mɔpete ɛmɔ nwo, ofikyɛ ɛhema AWURADE kɔyɔ anwanwadeɛ wɔ ɛmɔ nu.”