Lewitikɔso 20:6 - AHYERƐLƐ KRONGRON

⁶ “Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

Lewitikɔso 20:6 Iomraidhean Croise

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Ɛksadɔso 22:17

Na sɛ braa ne baba mbene so kyɛ ogya biaa ne a, ye de ɔsɛ kyɛ biaa ne tua sikaa bɔ ɔne ababunu nwo nningyeinyɛlɛ te pɛ ɔ.

Ɛksadɔso 22:18

“Nnɛma musueyelɛniɛ brasua nya ye ti didi nu.

Yesaya 8:19

Na sɛ mmenia kã kyire ɛmɔ kyɛ, “Nzamangɔmhyɛlɛfoɛ ne ahɔmeɛ bɔ bɛ dwudwolɛ te katekate ne boborɔboborɔ ne, ɛmɔhɔ bɛ so abisa” a, aso nna maen bɛ Nyameɛ berɛ yeɛ odi kyɛ bebisa nikye ɔ? Aso odi kyɛ bebisa ateasefoɛ ti wɔ awufoɛ berɛ anaa?

Yeremia 44:11

Yiti Asafo AWURADE, Yisrael Nyameɛ nwa nyoo: Ɛ́mɔtie, ngotu me nye ngosie ɛmɔ so maa musue kɔto ɛmɔ, na ɔnate so ngonua Yuda amukoraa bɛ boso.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 19:26

“Nnɛma ɛmɔdi naen bɔ ye mogya wɔ ye nu ɔ. Nnɛma ɛmɔkɔ abisa, yeɛ nnɛma ɛmɔyɛ bayie.

Lewitikɔso 19:31

“Nnɛma ɛmɔkɔ nzamangɔmhyɛlɛfoɛ ne ahɔmeɛ mɔ berɛ bɛkɔpena mmokalɛ befi bɛ berɛ maa begua ɛmɔ nwo fiɛ: Me ole AWURADE ɛmɔ Nyameɛ.

Lewitikɔso 20:27

“Bienzua anaa brasua bɔ ɔte nzamangɔmhyɛlɛniɛ anaa kɔmeɛ ne, odi kyɛ beku ye ɔ; bɛ́boro bɛ nyɔboɛ béhu bɛ, na bɛ wue kɔbɔ bɛ ti so.”

Lewitikɔso 20:5

ye de me bɔbɔ ngotu me nye ngosie sɔ sona ne ɔne ye abusuafoɛ so, na ngɔpɛ bɛ asue ngofi bɛ maen nu; sɔ sona ne ɔne mmenia amukoraa bɔ bali ye si bɛ ne ye baaso Moleke ne.

Numeri 15:39

Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

Asomafoɛ 16:16

Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.