Lewitikɔso 20:4 - AHYERƐLƐ KRONGRON

⁴ Na sɛ ɔfa ɔwa ma Moleke, ná maen ne anu mmenia bu bɛ nye begua so, ná bangu ye a,

Lewitikɔso 20:4 Iomraidhean Croise

1 Ahemvo 20:42

Na ngɔmhyɛlɛniɛ ne sele Ahabo kyɛ, “AWURADE nwa, ‘Ɔnate kyɛ amaa biaa bɔ mahyɛ kyɛ behũ ye ne wahɔ ne ati, bɛkɔfa wɔ ngoa bekotua ye deɛ kerɛ, ná bafa wɔ mmenia basi ye deɛ mɔ gya nu.’ ”

Lewitikɔso 20:3

Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 20:5

ye de me bɔbɔ ngotu me nye ngosie sɔ sona ne ɔne ye abusuafoɛ so, na ngɔpɛ bɛ asue ngofi bɛ maen nu; sɔ sona ne ɔne mmenia amukoraa bɔ bali ye si bɛ ne ye baaso Moleke ne.

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Deuteronomi 13:8

nnɛpene so, nnɛtɛ ye so, nnɛnwu ye anwumvoin, nnɛmaa ɔfa ye nwo di, yeɛ nnɛbutubutu ye dwirɛ ne aso.

Yosua 7:12

Ɔnate sɔ ne ati yeɛ Yisraelfoɛ bɛngora bɛ pɔfoɛ mɔ nyunu gyina ɔ; bɛnwati befi bɛ pɔfoɛ mɔ nyunu, ofikyɛ bayɛ mmenia bɔ matu bɛ masie berɛ kyɛ ɔsɛ kyɛ beku bɛ ɔ. Mengogyina ɛmɔ si ko, sana nningyein bɔ matu masie berɛ kyɛ behũ bɛ ná bɛsɛkye bɛ ne, ɛ́mɔye befi ɛmɔ nu.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.