Lewitikɔso 20:3 - AHYERƐLƐ KRONGRON

³ Me bɔbɔ deinn ngotu me nye ngosie sɔ sona ne aso, na ngɔpɛ ye asue ngofi ye maen nu, ofikyɛ wafa ɔwa wama Moleke; wafa efiɛ waha me nekaa krongron ne, na wagua me dumaa krongron ne anyunu ase.

Lewitikɔso 20:3 Iomraidhean Croise

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Hesekiel 20:39

“Na ɛmɔ, Yisrael awuro ama, AWURADE Nyameɛ nwa nyoo: Sɛ ɛmɔngotie me dwirɛ de a, nzaade afei ɛmɔ nu biala ɔhɔ ɔɔso ye mmosoen. Nakoso ye si ye, nnɛma ɛmɔfa ɛmɔ akyɛdeɛ ne ɛmɔ mmosoen ne begua me dumaa krongron ne nwo fiɛ ko.

Hesekiel 5:11

Na kyɛbɔ nde ase ye de, nahorɛ nu, ɔnate kyɛ afa wɔ bra fiɛ amukoraa ne akyiwadeɛ yɔleɛ amukoraa agua me nekaa krongron ne anwo fiɛ ne ati, me koso ngɔye me sa ngofi wɔ bo, bɔ mengɔkorɔkorɔ wɔ anaa mengonwu wɔ anwumvoin ɔ, AWURADE Nyameɛ noa dwirɛ ɛne.

Lewitikɔso 15:31

“Sɔa yeɛ odi kyɛ ɛmɔyɔ bɛfa bɛte Yisraelfoɛ nwo befi nningyein bɔ ogua bɛ nwo fiɛ nwo ɔ, amaa bamva efiɛ banga me ɛtena sua ne, ná ɔnate bɛ nwo bɔ wagua fiɛ ne ati banwuwu.”

Lewitikɔso 17:10

“Sɛ ebiala bɔ ofi Yisrael awuro anaakyɛ ɛwɔfoɛ mɔ bɔ baatena bɛ nu, odi mogya biala a, ngotu me nye ngosie sɔ sona ne aso, na ngɔpɛ ye asue ngofi maen ne anu.

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Lewitikɔso 19:12

“Nnɛma ɛmɔfa me dumaa bɛta edwirɛ bɔ nahorɛ ɔnne nu ɔ nwo ndaen, ná angua wɔ Nyameɛ dumaa nwo fiɛ: Me ole AWURADE.

Lewitikɔso 20:4

Na sɛ ɔfa ɔwa ma Moleke, ná maen ne anu mmenia bu bɛ nye begua so, ná bangu ye a,

Lewitikɔso 21:6

Odi kyɛ bɛyɛ krongron bɛma bɛ Nyameɛ, na ɔnzɛ kyɛ begua bɛ Nyameɛ dumaa nwo fiɛ; ofikyɛ afɔleɛ bɔ bɛbɔ ye see so bɛma AWURADE, bɔ ɔte bɛ Nyameɛ aleɛ ne, bɛ yeɛ bɛbɔ ɔ; yiti odi kyɛ bɛyɛ krongron.

Lewitikɔso 7:20

nakoso ebiala bɔ ye nwo nde ná okoli AWURADE asomdwee afɔleɛ naen ne bie nen, sɔ sona ne, odi kyɛ bɛpɛ ye asue befi maen ne anu.

Lewitikɔso 7:21

Na sɛ ebiala nwo ka nikyee bɔ ye nwo nde: sɛ nikyee fiɛ bɔ ofi sona nu oo, anaa kaka bɔ ye nwo nde oo, anaa abɔdeɛ biala bɔ ye nwo nde oo, na sɛ odi AWURADE asomdwee afɔleɛ naen ne bie a, odi kyɛ bɛpɛ sɔ sona ne asue befi maen ne anu.”

Numeri 19:13

Ebiala bɔ ye nwo kɔha sona fuin, ná wambete ye nwo ne, ɔfa fiɛ ka AWURADE nyianu sua ne. Sɔ sona ne, odi kyɛ bɛpɛ ye asue befi Yisrael. Ɔnate kyɛ bamva nzue bɔ bɛfa bɛpete bɛ nwo ne bie bambete ye nwo ne ati, ye nwo nde, na ye nwo bɔ wagua fiɛ ne tɛ wɔ berɛ.

Numeri 19:20

Sona biala bɔ ye nwo agua fiɛ, nakoso bande ye nwo ne, sɔ sona ne odi kyɛ bɛpɛ ye asue befi mmenia ne anu, ofikyɛ wagua AWURADE nekaa krongron ne anwo fiɛ. Ɔnate kyɛ banhwie nzue krongron ne bangua ye nwo ne ati, ye nwo nde.

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

1 Petro 3:12

Ofikyɛ Awurade nye wɔ teneneefoɛ so, na ɔyɛ asoɛ ma bɛ mbaeɛ; nakoso bɛ bɔ bɛyɔ bɔne de, Awurade nye sa bɛ.