Lewitikɔso 20:27 - AHYERƐLƐ KRONGRON

²⁷ “Bienzua anaa brasua bɔ ɔte nzamangɔmhyɛlɛniɛ anaa kɔmeɛ ne, odi kyɛ beku ye ɔ; bɛ́boro bɛ nyɔboɛ béhu bɛ, na bɛ wue kɔbɔ bɛ ti so.”

Lewitikɔso 20:27 Iomraidhean Croise

2 Aberɛso Dwirɛ 33:6

Ɔfale ye mma mmienzua bɔle afɔleɛ wɔ see nu wɔ Hinom Awa bɔnza ne anu. Ɔhɔle abisa, ɔyele ngonyaa, ɔyele musue, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

Ɛksadɔso 22:18

“Nnɛma musueyelɛniɛ brasua nya ye ti didi nu.

Lewitikɔso 19:31

“Nnɛma ɛmɔkɔ nzamangɔmhyɛlɛfoɛ ne ahɔmeɛ mɔ berɛ bɛkɔpena mmokalɛ befi bɛ berɛ maa begua ɛmɔ nwo fiɛ: Me ole AWURADE ɛmɔ Nyameɛ.

Lewitikɔso 20:2

“Sá ka kyire Yisraelfoɛ kyɛ: Yisraelniɛ biala anaa ɛwɔfoɛ biala bɔ ɔte Yisraelfoɛ maen nu, bɔ yeɛ ɔkɔfa ɔwa biala kɔbɔ afɔleɛ kɔma bosoen Moleke ne, odi kyɛ beku ye; aseɛ ne aso mmenia bɛ́boro ye nyɔboɛ béhu ye.

Lewitikɔso 20:6

“Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

Lewitikɔso 24:14

“Fa biaa bɔ wabɔ musue ne kɔ asikyeleɛ ne asi dɔ; ná ma mmenia bɔ bɛtele edwirɛ ne bɛ so anu ne amukoraa, bɛ́fa bɛ sa bégua ye ti so, ná ma maen ne amu bɛ́boro ye nyɔboɛ béhu ye.

Numeri 15:35

Yeɛ AWURADE sele Mose kyɛ, “Odi kyɛ beku biaa ne; ma mmenia ne amukoraa bɛboro ye nyɔboɛ wɔ asikyeleɛ ne asi dɔ.”

Asomafoɛ 16:16

Né yɛkɔ nekaa bie bɔ mmenia bɛtaa beyia bɛbɔ mbaeɛ ɔ, na abaayaa bie bɔ ɔte afaneɛ bɔ odi ahɔen ɔ wale ooyiale yɛ. Ye ngɔmhyɛlɛ ne, né wama ye mene mɔ banya bɛ nwo tam.

Deuteronomi 21:21

Na afei ɔsɛ kyɛ kuro berɛ ama mukoraati boro ye nyɔboɛ beku ye. Yiti ɔsɛ kyɛ etu bɔne ne bo fi wɔ nu; na Yisrael mukoraati kɔte ná basuro.

1 Samuel 28:3

Sɔ mmerɛ ne, né Samuel de wawu ama Yisrael amukoraa basu ye basie ye wɔ ye bɔbɔ ye kuro Rama. Né Sɔɔlo atu nzamangɔmhyɛlɛfoɛ ne musueyelɛfoɛ wafi aseɛ ne aso.