Lewitikɔso 20:24 - AHYERƐLƐ KRONGRON

²⁴ Nakoso mahã mahyire ɛmɔ kyɛ, Ɛmɔ yeɛ ɛmɔkɔfa b’aseɛ ne ɔ, na ngɔfa aseɛ bɔ nyɔfonesue ne woɛ tengyɛ wɔ so ɔ ngɔma ɛmɔ maa ɔkɔyɛ ɛmɔ deɛ. Me ole AWURADE ɛmɔ Nyameɛ, na maye ɛmɔ masie ahameɛ mafi maen maen ngaa nemɔ anu.

Lewitikɔso 20:24 Iomraidhean Croise

1 Ahemvo 8:53

Ofikyɛ ao AWURADE Nyameɛ, aneanea wiase mmenia amukoraa nu asa nu aye bɛ afa bɛ ayɛ w’agyapadeɛ, kyɛbɔ ɛnate w’akoaa Mose so hyɛle bɔ, mmerɛ bɔ ɛyele yɛ nana mɔ fili Misraim wale ne.”

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 33:1

Na AWURADE sele Mose kyɛ, “Fi ɛwa kɔ, ɛne mmenia bɔ ɛɛyele bɛ fili Misraim aseɛ so wale ne. Aseɛ bɔ ndale ndaen mva mɔle Abraham, Yisake ne Yakob anohoba kyɛ, ‘Wɔ bosofoɛ yeɛ ngɔfa ngɔma bɛ ɔ’ ne, kɔ so.

Ɛksadɔso 33:16

Ofikyɛ, ɔkɔyɛ sɛɛ né banwu ye kyɛ alo me ne wɔ mmenia nemɔ? Aso nna ɛhɔlɛ bɔ ɛne yɛ kɔhɔ ne ɔ? Na ɛhe kɔma me ne wɔ mmenia nemɔ yɛkɔyɛ sonongo wɔ aseɛ ye aso mmenia mukoraati nu.”

Ɛksadɔso 33:3

Kɔ aseɛ bɔ nyɔfonesue ne woɛ tengyɛ wɔ so ne aso; nakoso me de, me ne wɔ ngɔbɔ agyirɛ ngɔhɔ, annea né mama wɔ boso akyikyi wɔ atunu, ofikyɛ ɛte maen bɔ wɔ so yɛ se ɔ.

Ɛksadɔso 6:8

Aseɛ bɔ mata ndaen kyɛ ngɔfa ngɔma Abraham, Yisake ne Yakob nen, ngɔfa ɛmɔ ngɔhɔ so. Ngɔfa ngɔma ɛmɔ maa ɔkɔyɛ ɛmɔ deɛ. Me ole AWURADE.’ ”

Lewitikɔso 14:34

“Sɛ ɛmɔbadwu Kanaan aseɛ bɔ méfa méma ɛmɔ maa ɔyɛ ɛmɔ deɛ ne aso, ná sɛ mema kwata anwonyerɛ pe awuro bie anu wɔ aseɛ bɔ ɛmɔ sa baahã ye ne aso a,

Lewitikɔso 20:26

Ɛ́mɔyɛ krongron bɛ́ma me, ofikyɛ me AWURADE, nde krongron, na maye ɛmɔ masie ahameɛ mafi maen ngaa nemɔ anu mayɛ me deɛ.

Numeri 23:9

Ngyi nyɔbotaen nemɔ ti afia yeɛ menwu bɛ ɔ: Ngyi mmokaa nemɔ aso yeɛ me nye tua bɛ ɔ. Ɛhemɔ te mmenia bɔ bɛ ngome bɛte ɔ, na bɛnga bɛ nwo bɛmvora maen maen ngaa nemɔ!

Yohane 15:19

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Deuteronomi 14:2

Ofikyɛ ɛte maen krongron ma AWURADE wɔ Nyameɛ, na AWURADE aneanea nu waye wɔ wafi aseɛ so mmenia mukoraati nu kyɛ ɛyɛ ye bɔbɔ ye maen.

Deuteronomi 7:6

“Ofikyɛ ɛmɔte mmenia krongron bɛma AWURADE ɛmɔ Nyameɛ; na ɛmɔ yeɛ AWURADE ɛmɔ Nyameɛ waneanea aseɛ ye aso mmenia mukoraati nu waye ɛmɔ ɔ, kyɛ ɛ́mɔyɛ ye bɔbɔ ye mmenia bɔ ye ahone la bɛ nwo ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.