Lewitikɔso 20:2 - AHYERƐLƐ KRONGRON

² “Sá ka kyire Yisraelfoɛ kyɛ: Yisraelniɛ biala anaa ɛwɔfoɛ biala bɔ ɔte Yisraelfoɛ maen nu, bɔ yeɛ ɔkɔfa ɔwa biala kɔbɔ afɔleɛ kɔma bosoen Moleke ne, odi kyɛ beku ye; aseɛ ne aso mmenia bɛ́boro ye nyɔboɛ béhu ye.

Lewitikɔso 20:2 Iomraidhean Croise

1 Ahemvo 11:7

Afei Solomon sili asɔneyɛɛ mane Moabofoɛ bosoen Kemose bɔ ɔte akyiwadeɛ ne, ɔne Amonfoɛ bosoen Moleke bɔ ɔte akyiwadeɛ ne wɔ bokaa bɔ ɔwɔ Yerusalem eyia afiteleɛ ne aso.

2 Ahemvo 17:17

Bɛfale bɛ mma mmienzua ne bɛ mma mmrasua bɛbɔle afɔleɛ wɔ see nu. Bɛyele ngonyaa na bɛhɔle abisa. Na betuli bɛ nwo besiele berɛ bɛyɔle bɔ ɔte bɔne wɔ AWURADE nyunu ɔ bɛfa bewurale ye apue maa ɔfɛle yaa.

2 Ahemvo 23:10

Yosia fale efiɛ hane Tofete bɔ ɔwɔ Ben Hinom bɔnza ne anu ne, amaa ɔnate so ebiala wamva ɔwa bienzua anaa ɔwa brasua wammɔ afɔleɛ wɔ see nu wamma bosoen Moleke ko.

2 Aberɛso Dwirɛ 28:3

Ɔyerale ɛyɛɛ wɔ Hinom Awa bɔnza ne anu, na ɔfale ye mma mmienzua bɔle afɔleɛ wɔ see nu, kyɛbɔ maen maen mɔ bɔ AWURADE foane bɛ fili Yisraelfoɛ nyunu ne, bɛ musue nningyein bɔ né bɛyɔ ne, ɔte ne ala.

2 Aberɛso Dwirɛ 33:6

Ɔfale ye mma mmienzua bɔle afɔleɛ wɔ see nu wɔ Hinom Awa bɔnza ne anu. Ɔhɔle abisa, ɔyele ngonyaa, ɔyele musue, na ɔfale ye nwo bɔle nzamangɔmhyɛlɛfoɛ ne abayifoɛ. Ɔyɔle bɔ ɔte bɔne pee wɔ AWURADE nyunu fa huli AWURADE ahone.

Edwein 106:38

Bɛhane mogya bɔ onni fɔ ɔ beguale, bɔ ɔte bɛ mma mmienzua ne mmrasua bɛ mogya, bɔ bɛfa bɛbɔle afɔleɛ bɛmane Kanaan mmosoen mɔ ɔ; na mogya ne mane efiɛ hane aseɛ ne.

Yeremia 32:35

Besisili Baal asɔneyɛɛ mɔ wɔ Hinom Awa bɔnza ne anu, kyɛ bɛfa bɛ mma mmienzua ne bɛ mma mmrasua bɛfa see nu (bɛbɔ afɔleɛ) bɛma Moleke, ɔwɔ nu kyɛ mamva ahyɛdeɛ mamma bɛ kyɛ bɛyɔ sɔ, yeɛ wamma me ti anu kyɛ bɛyɔ sɔ akyiwadeɛ ne bɛ́ma Yuda ɔyɔ bɔne.

Yeremia 7:31

Na basisi Tofete asɔneyɛɛ nemɔ bɔ ɔwɔ Hinom awa bɔnza ne anu ne, kyɛ bɛfa bɛyera bɛ mma mmienzua ne bɛ mma mmrasua wɔ see nu. Ɛhe te nikyee bɔ mamva ye nwo ahyɛdeɛ mamma bɛ ɔ, yeɛ wamma me ti anu po.

Hesekiel 20:26

na nguale bɛ nwo fiɛ wɔ b’ayɛyɛdeɛ nu, nyakyili bɛ maa bɛfale bɛ bamuɛbaa mɔ amukoraa bɛbɔle afɔleɛ wɔ see nu, amaa ɔnate so masɛkye bɛ pasapasa. Nyɔle sɔ, kyɛbɔ ɔkɔyɛ bɔ bekonwu kyɛ me ole AWURADE ɔ.

Hesekiel 20:31

Sɛ ɛmɔfa ɛmɔ ayɛyɛdeɛ ne bɛba, ná ɛmɔfa ɛmɔ mma mɔ bɛbɔ afɔleɛ wɔ see nu a, ɛhe kyire kyɛ ɛmɔkɔ so bɛfa ɛmɔ mmosoen begua ɛmɔ nwo fiɛ maa waadwu ɛnɛ. O Yisrael awuro ama, aso odi kyɛ mema ɛmɔba me berɛ abisa anaa? Kyɛ nde ase ye de, mengɔma ɛmɔngɔwa me berɛ abisa, AWURADE Nyameɛ noa dwirɛ ɛne.

Hesekiel 23:37

kyɛ basɛkye agyaa, bali awue, bafa bɛ mmosoen nemɔ basɛkye agyaa, na bɛ mma mmienzua bɔ bɛwole bɛ bɛmane me ne po, bafa bɛ babɔ afɔleɛ wɔ see nu maa bali.

Hesekiel 23:39

Ofikyɛ behuhuni bɛ mma bɛbɔle afɔleɛ bɛmane bɛ mmosoen nemɔ nen, sɔ kyẽa ne ala yeɛ bɛwale me nekaa krongron ne anu beeguale ye nwo fiɛ ɔ. Tie, bɔ bayɔ ye wɔ m’awuro hɔ ɛne.

Lewitikɔso 17:13

Na Yisraelniɛ biala anaa ɛwɔfoɛ biala bɔ waatena ɛmɔ nu ne, sɛ oku kaka anaa anomaa biala bɔ bedi a, odi kyɛ ohwie ye mogya gua ase ná otu nnɛterɛ kata so.

Lewitikɔso 17:15

Sona biala, kuromani oo, ɛwɔfoɛ oo, bɔ okoli naenmvuin anaa naen biala bɔ kaka aboyaa bie ahu ye atete ye ne, odi kyɛ ɔpo ye nwo nningyein, ná ɔ́fa nzue bia, na ye nwo kogua fiɛ maa okoodwu nɔsoa koraka né ye nwo ate.

Lewitikɔso 17:8

“Na sá ka kyire bɛ kyɛ, ‘Ebiala bɔ ofi Yisrael awuro anaakyɛ ɛwɔfoɛ biala bɔ waatena Yisraelfoɛ nu, sɛ ɔbɔ naen yeralɛ afɔleɛ, anaa ɔbɔ afɔleɛ biala,

Lewitikɔso 18:21

Nnɛfa wɔ mma mɔ nu biala maa bɛfa see bɛyera ye bɛbɔ afɔleɛ bɛma bosoen Moleke, amaa ɔnate so angua wɔ Nyameɛ dumaa nwo fiɛ. Me ole AWURADE.

Lewitikɔso 20:1

Na AWURADE sele Mose kyɛ,

Lewitikɔso 20:27

“Bienzua anaa brasua bɔ ɔte nzamangɔmhyɛlɛniɛ anaa kɔmeɛ ne, odi kyɛ beku ye ɔ; bɛ́boro bɛ nyɔboɛ béhu bɛ, na bɛ wue kɔbɔ bɛ ti so.”

Lewitikɔso 24:14

“Fa biaa bɔ wabɔ musue ne kɔ asikyeleɛ ne asi dɔ; ná ma mmenia bɔ bɛtele edwirɛ ne bɛ so anu ne amukoraa, bɛ́fa bɛ sa bégua ye ti so, ná ma maen ne amu bɛ́boro ye nyɔboɛ béhu ye.

Lewitikɔso 24:16

Ebiala bɔ ɔkɔha musue dwirɛ kotia AWURADE dumaa ne, odi kyɛ beku ye ɔ; sona bɔ ɔkɔha musue dwirɛ ne, odi kyɛ maen ne amukoraa bɛboro ye nyɔboɛ beku ye. Ɛwɔfoɛ oo, kuromani oo, sɛ bɛ nu biala ka musue dwirɛ tia Nyameɛ Dumaa a, odi kyɛ beku ye ɔ.

Lewitikɔso 24:23

Yiti sɔ ala yeɛ Mose sele Yisraelfoɛ ɔ. Bɛfale sona bɔ wakekã musue dwirɛ ne bɛhɔle asikyeleɛ ne asi dɔ, na bɛborole ye nyɔboɛ behuni ye. Yisraelfoɛ yɔle kyɛbɔ AWURADE hyɛle Mose ne ala.

Asomafoɛ 7:43

Na mmom ɛmɔsoale bosoen Moloke ɛtena sua ɔne ɛmɔ nyameɛ Refan nzramaa; bɛte ohoni mɔ bɔ ɛmɔyɔle kyɛ ɛmɔsɔne bɛ ɔ. Ɛhe ati ngɔpɛ ɛmɔ asue maa ɛmɔkɔhɔ Babilɔn asi dɔ.’

Deuteronomi 12:31

Nnɛfa sɔ atee ne aso sɔne AWURADE wɔ Nyameɛ, ofikyɛ musue nningyein mukoraati bɔ ɔte AWURADE akyiwadeɛ ne yeɛ bayɔ bama bɛ nyameɛ nemɔ ɔ. Bɛyera bɛ mma mmienzua ne mmrasua po wɔ see nu bɛfa bɛbɔ afɔleɛ bɛma bɛ nyameɛ nemɔ.

Deuteronomi 17:2

“Nguro bɔ AWURADE wɔ Nyameɛ ɔ́fa ma wɔ ne, sɛ benwu bienzua anaa brasua biala wɔ nu biala so, kyɛ ɔyɔ bɔne wɔ AWURADE wɔ Nyameɛ nyunu, obu AWURADE apam ne aso,

Deuteronomi 18:10

Ɔnzɛ kyɛ benwu ebiala wɔ wɔ nu bɔ ɔfa ɔwa bienzua anaa brasua ɔbɔ afɔleɛ wɔ see nu ɔ, anaa bɔ odi ahɔen, anaa ngonyaayelɛniɛ, anaa bayifoɛ, anaa musueyelɛniɛ,

Deuteronomi 21:21

Na afei ɔsɛ kyɛ kuro berɛ ama mukoraati boro ye nyɔboɛ beku ye. Yiti ɔsɛ kyɛ etu bɔne ne bo fi wɔ nu; na Yisrael mukoraati kɔte ná basuro.

Deuteronomi 22:21

ye de ɔsɛ kyɛ bɛfa taluwa ne befite bɛbagyina ye baba awuro anoa nu, ma ye kuro berɛ mmienzua bɛboro ye nyɔboɛ beku ye, ofikyɛ wabɔ nyanzoen bra wɔ Yisrael, kyɛ wabɔ adwaman wɔ ɔse awuro ɔ. Yiti ɔsɛ kyɛ etu bɔne ne bo fi wɔ nu.