Lewitikɔso 20:18 - AHYERƐLƐ KRONGRON

¹⁸ Sɛ bienzua bie ne brasua bɔ wabu ye sa bɛda a, wabukye nekaa bɔ brasua ne mogya fi ba ɔ so, yeɛ brasua ne koso wabukye nekaa bɔ ye bɔbɔ ye mogya fi ba ɔ so; odi kyɛ bɛpɛ bɛ munyɔ asue befi maen ne anu.

Lewitikɔso 20:18 Iomraidhean Croise

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Hesekiel 18:6

ná onni mmokaa so asɔneyɛɛ so aleɛ, anaa ɔmma ye ti so mva ye nye ngyire Yisrael awuro ama bɛ mmosoen, anaa ɔne obiɛngo aye bɛnna, anaa ɔmva ye nwo nga brasua bɔ wabu ye sa,

Hesekiel 22:10

Wɔ nu yeɛ mmenia bɛye bɛ se mɔ b’adagya bɛto so ɔ; na wɔ nu mmrasua bɔ babu bɛ sa, bɔ bɛ nwo nde ne, yeɛ bɛ ne bɛ bɛda ɔ.

Lewitikɔso 12:2

“Ka kyire Yisrael ama kyɛ sɛ brasua ɔnwonzɛ, ná ɔwo bienzua a, ye nwo kogua fiɛ alaa ɛlɛsoo, ye nwo kogua fiɛ kyɛ mmerɛ bɔ wabu ye sa ne ala.

Lewitikɔso 15:24

Sɛ bienzua bie ne ye bɛda, na nikyee bɔ wama ye nwo agua fiɛ ne bie ka bienzua ne a, bienzua ne nwo kogua fiɛ ɛlɛsoo, na bɛen biala bɔ sɔ bienzua ne kɔla so ne nwo kogua fiɛ.

Lewitikɔso 18:19

“Nnɛkɔ brasua nwo ɛne ye bɛda wɔ mmerɛ bɔ wabu ye sa ɔ.