Lewitikɔso 20:17 - AHYERƐLƐ KRONGRON

¹⁷ “Sɛ bienzua bie fa oliɛma brasua bɔ ɔte ɔse awa anaa oni awa, ná ɔne ye bɛda fa ye yɛ ɔye, ma brasua ne wora fa ye yɛ ohu a, ɔte animguaseɛ; odi kyɛ bɛpɛ bɛ asue befi bɛ maen nu, bɔ bɛ maen ne anu ama nye tua bɛ ɔ. Ɔne oliɛma bala, odi kyɛ bɛtwe ye so.

Lewitikɔso 20:17 Iomraidhean Croise

Gyenesise 20:12

Nakoso ɛnea paa a, nniɛma brasua ɔ. Me baba awa ɛne, nakoso nna me ni awa ɔ; na ɔɔyɛle me ye.

2 Samuel 13:12

Nakoso obuale ye kyɛ, “Daabi, nniɛma bienzua, nnɛyere me, ofikyɛ bɛnyɔ sɔ nikyee ne wɔ Yisrael maen nu; nnɛbɔ sɔ musue ne!

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Hesekiel 22:11

Ebie ne obiɛngo aye bɛbɔ akyiwadeɛ bra; ebie ɔbɔ nyanzoen bra ɔfa ɔwa bienzua aye; na wɔ nu yeɛ ebie to oliɛma brasua bɔ ɔne ye bɛte seɛ mmaa mmɔnaa ɔ.

Lewitikɔso 18:9

Nnɛne eliɛma brasua, bɔ yeɛ ɔte ɛse awa brasua anaa eni awa brasua bɛda, kyɛ bɛwole ye awuro berɛ oo, anaa bɛwole ye nekaa bie oo.

Lewitikɔso 20:16

Sɛ brasua bie fa ye nwo ma kaka bie maa ɔne ye bɛda a, ku brasua ne ɔne kaka ne; odi kyɛ beku bɛ ɔ, na bɛ wue kɔbɔ bɛ ti so.

Numeri 5:31

Bienzua ne ngoli amumuyɛɛ biala nwo fɔ, nakoso brasua ne de, ye amumuyɛɛ kɔbɔ ye ti so.

Deuteronomi 27:22

“ ‘Musue tó sona biala bɔ ɔne oliɛma brasua bɛkɔla ɔ; kyɛ ɔse awa brasua oo, anaa oni awa brasua oo.’ Na mmenia ne amukoraa kosuro so kyɛ, ‘Amen!’