Lewitikɔso 20:16 - AHYERƐLƐ KRONGRON

¹⁶ Sɛ brasua bie fa ye nwo ma kaka bie maa ɔne ye bɛda a, ku brasua ne ɔne kaka ne; odi kyɛ beku bɛ ɔ, na bɛ wue kɔbɔ bɛ ti so.

Lewitikɔso 20:16 Iomraidhean Croise

Ɛksadɔso 19:13

Nnɛma ebiala fa ye sa ka sɔ sona ne; bɛkɔboro ye nyɔboɛ anaa bɛkɔto agyaen bɛkɔwɔ ye. Kaka oo, sona oo, ɔsɛ kyɛ beku ye.’ Na sɛ behu totorobɛndo ne anu tendetende a, ye de ɔsɛ kyɛ bɛfo bokaa ne aso.”

Ɛksadɔso 21:28

“Sɛ nandwie si kuro sona bienzua anaa brasua maa owu a, ɔsɛ kyɛ bɛboro nandwie ne nyɔboɛ beku ye. Nnɛmaa bedi ye naen, nakoso nandwie ne mene kɔfa ye nwo koli tɔtorɔtɔɔ.

Ɛksadɔso 21:32

Sɛ nandwie ne si kanganiɛ bienzua anaa brasua a, odi kyɛ nandwie mene ne tua ɛdwetɛ sekel aburasa ma kanganiɛ ne mene; na nandwie ne koso, ɔsɛ kyɛ bɛboro ye nyɔboɛ beku ye.

Ɛksadɔso 22:19

“Sona bɔ ɔne kaka kɔla nen, ɔsɛ kyɛ beku sɔ sona ne.

Lewitikɔso 18:23

Nnɛma bienzua ɔne kaka bɛda ná ɔnate so wangua ye bɔbɔ ye nwo fiɛ; yeɛ nnɛma brasua biala fa ye nwo ma kaka maa ɔne ye bɛda; ɔte musue.

Lewitikɔso 20:15

Sɛ bienzua bie ne kaka bɛda a, odi kyɛ beku sɔ sona ne, na kaka ne koso odi kyɛ ɛmɔku ye.

Lewitikɔso 20:17

“Sɛ bienzua bie fa oliɛma brasua bɔ ɔte ɔse awa anaa oni awa, ná ɔne ye bɛda fa ye yɛ ɔye, ma brasua ne wora fa ye yɛ ohu a, ɔte animguaseɛ; odi kyɛ bɛpɛ bɛ asue befi bɛ maen nu, bɔ bɛ maen ne anu ama nye tua bɛ ɔ. Ɔne oliɛma bala, odi kyɛ bɛtwe ye so.

Hebrifoɛ 12:20

Ɔnate kyɛ bangora Nyameɛ ahyɛdeɛ ne noa gyina. Ɔnwa, “Sɛ kaka po fa ye nwo kã bokaa ne a bɛboro ye nyɔboɛ (behũ ye).”