Lewitikɔso 2:4 - AHYERƐLƐ KRONGRON

⁴ “Sɛ w’afɔleɛ ne te aburoo afɔleɛ bɔ bato ye foonoo nu a, odi kyɛ ɛfa esam paa: taterɛ kabrɛdi bɔ bafa ngoo bafete ɔ, anaakyɛ apiti kabrɛdi bɔ bafa ngoo bafa ye nwo ɔ.

Lewitikɔso 2:4 Iomraidhean Croise

Edwein 22:14

Behwie me begua ase kyɛ nzue, na me mmowue amukoraa bahodwo wɔ m’aporɛ so; m’ahone akakyi kyɛ nguɛ, wahuro wagua me kunu.

Ɛksadɔso 12:8

Ɔsɛ kyɛ bɛtoto naen ne bedi ye sɔ kɔngɔen ne, ná bɛfa paanoo kabrɛdi ne awɔwee nyaa bɛboka so.

Ɛksadɔso 16:31

Yisraelfoɛ frɛle aleɛ ne mana. Né ɔte kyɛ mviɛlɛ, fitaa, na ye fɛɛ te kyɛ apiti bɔ woɛ wɔ nu ɔ.

Ɛksadɔso 29:2

paanoo kabrɛdi, taterɛ kabrɛdi bɔ bafa ngoo bafete ɔ, ɔne apiti kabrɛdi bɔ bafa ngoo bafa ye nwo ɔ. Fa atokoɔ esam paa yeɛ yɔ ɔ.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Hesekiel 46:20

Na osele me kyɛ, “Ɛwa yeɛ odi kyɛ asɔfo nemɔ bɛto mvomsoɛ nwo afɔleɛ ne bɔne nwo afɔleɛ ne ɔ, nekaa bɔ odi kyɛ bɛto aleɛ afɔleɛ ne ɔ, amaa ɔnate so bamva bamvite aluo berɛ pato nu berɛ bamma mmenia ne anyɛ krongron.

Lewitikɔso 1:11

Odi kyɛ oku ye wɔ afɔleɛ bokyea ne sorɔ wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa ye mogya ne, ná béhwie bégua afɔleɛ bokyea ne nwo bɛ́bra béyia.

Lewitikɔso 10:12

Mose sele Aarɔn ɔne Aarɔn mma bɔ baha bɔ bɛ ole Eleasa ne Yitama kyɛ, “Afɔleɛ mɔ bɔ bɛbɔle ye see so bɛmane AWURADE ne, ɛ́mɔfa aburoo afɔleɛ ngaa ne, ná ɛ́mɔli ye kabrɛdi wɔ afɔleɛ bokyea ne ngyɛnu, ofikyɛ ɔte krongron paa.

Lewitikɔso 6:17

Nnɛmaa bɛfa mɔle harewaa bɛfra ye bɛto; afɔleɛ bɔ bɛbɔ ye see so bɛma me ne, bɛ deɛ bɔ mafa mama bɛ hɔ ɛne. Ɔte krongron paa kyɛ bɔne nwo afɔleɛ ne foɛlilɛ afɔleɛ nemɔ ala.

Lewitikɔso 7:12

Sɛ ɛbɔ fa da AWURADE ase a, ye de odi kyɛ ɛfa taterɛ kabrɛdi bɔ bafa ngoo bafete ɔ, apiti kabrɛdi bɔ bafa ngoo bafa ye nwo ɔ, ɔne mɔle paa taterɛ bɔ bafa ngoo bafete ɔ boka asennaa afɔleɛ ne aso.

Numeri 6:15

paanoo kabrɛdi kɛndɛen ko, taterɛ bɔ bafa esam paa bɔ bafa ngoo bafra ye bayɔ ɔ; apiti kabrɛdi bɔ bafa ngoo bafa ye nwo ɔ, yeɛ bɛ nwo aburoo afɔleɛ ne bɛ nwo anonneɛ afɔleɛ.

Mateo 26:38

Afei osele bɛ kyɛ, “Me kra wora abɔ paa kɔ ewue nu. Ɛmɔtena wa, ná ɛmɔ ne me wɛne.”

Yohane 12:27

“Afei de, me kra nwo ato; na nzikyɛ dwirɛ koraa yeɛ nga ɔ? Baba, de me fi dɔnhwere he anu! Nakoso, ɛhe ati yeɛ mawa dɔnhwere he anu ɔ.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Petro 2:22

Ye de, wanyɔ bɔne, biala, yeɛ ngondombo dwirɛ biala amvi ye noa.